30-31 ოქტომბერს, თბილისი ღვინისა და ალკოჰოლური სასმელების მე-13 საერთაშორისო გამოფენას WinExpo Georgia 2021 მასპინძლობს. გამოფენა ღვინის ეროვნული სააგენტოს თავმჯდომარემ, ლევან მეხუზლამ და საგამოფენო ცანტრის ,,ექსპო ჯორჯიას“ დირექტორმა, რესან ქიქავამ  გახსნეს.

,,მოხარული ვარ, რომ თითქმის ორწლიანი პაუზის შემდეგ, ღვინის ინდუსტრიის წარმომადგენლებს და დარგის გულშემატკივრებს შესაძლებლობა მოგვეცა WinExpo-ს ფარგლებში შევიკრიბოთ. ღვინო საქართველოს კულტურისა და ისტორიის ნაწილი, მისი  სავიზიტო ბარათია. შესაბამისად, ჩვენთვის მნიშვნელოვანია ვაწარმოოთ ხარისხიანი ღვინო და ამ კუთხთ, არანაირი კომპრომისის დაშვების უფლება არ გვაქვს. ქართული ღვინო ყოველთვის უნდა იყოს საუკეთესო მთელ მსოფლიოში. უნდა აღინიშნოს, რომ  გამოფენის ფარგლებში, საინტერესოდ მიმდინარეობს ღვინის საერთაშორისო კონკურსიც. ხვალ, ასევე გაიმართება ღვინის ექსპორტის ფორუმი, სადაც საშუალება გვექნება ქართული ღვინო წარვუდგინოთ სხვადასხვა ქვეყნის იმპორტიორებს, ღვინის დისტრიბუტორებსა და მყიდველებს, რაც დამატებითი შესაძლებლობა იქნება ჩვენი მწარმოებლებისთვის. მინდა მადლობა გადავუხადო გამოფენის ორგანიზატორებს, ყველა მონაწილეს და წარმატებული საქმიანობა გისურვოთ“, - განაცხადა ლევან მეხუზლამ.

წელს, გამოფენაში WinExpo Georgia 2021 ღვინისა და ალკოჰოლური სასმელების მწარმოებელი 160 კომპანია მონაწილეობს.  გამოფენაზე წარმოდგენილია ოჯახური მარნები, საშუალო და მსხვილი საწარმოები, ბიოდინამიური და ქვევრის ღვინის მწარმოებლები,  2019-21 წელს შექმნილი ახალი მარნები, ღვინის ტექნოლოგიები, მევენახეობა-მეღვინეობის მანქანა-დანადგარები, ინგრედიენტები და დანამატები, ნერგები, სასუქი, შეფუთვა - აქსესუარები და სერვისები.

„პანდემიის მიუხედავად, ჩვენ შევძელით და გმასპინძლობთ ღვინის ინდუსტრიასთან დაკავშირებულ ერთადერთ მასშტაბურ გამოფენაზე საქართველოში. WinExpo საუკეთესო შესაძლებლობააღვინისადაალკოჰოლურისასმელების მწარმოებლებისთვის,მეღვინეებისა და დარგით დაინტერესებული პირებისთვისგაეცნონსიახლეებს, მრეწველობისგანვითარებისტენდენციებს, პოპულარიზაცია გაუწიონ საკუთარ პროდუქციას და მოიძიონ პარტნიორები. იმედი მაქვს, რომ გასული წლების მსგავსად, წლევანდელი გამოფენაც წარმატებით ჩაივლის“, - განაცხადა,  რესან ქიქავამ.

WinExpo Georgia 2021-ისფარგლებში, 29-30 ოქტომბერს, ღვინის მე-12 საერთაშორისო კონკურსი Georgiana International Wine Award ჩატარდება. გამარჯვებული ღვინოები  8 კატეგორიაში გამოვლინდება და  ოქროს, ვერცხლისა და ბრინჯაოს  მედლები გადაეცემათ. წელს, კონკურშიღვინის 300-მდე ნიმუშიაწარდგენილი.

კონკურსის ჟიურის შემადგენლობაში შედიან ქართველი და უცხოელი ღვინის მაგისტრები, სპეციალისტები და საერთაშორისო ექსპერტები: ტიმატკინი (ჟიურის თავმჯდომარე), ფელისი ტიკარტერი, ჯუდია ურორა, მიხეილ მესხი, ანა გოდაბრელიძე და ლევან მეხუზლა.

WinExpo Georgia 2021-ის ფარგლებში, 31 ოქტომბერს, გაიმართება  ღვინის ექსპორტის ფორუმიWinexpo Forum, რომელიც მოიცავს შეხვედრებს ღვინის იმპორტიორებთან, დისკუსიის რეჟიმშისხვადასხვა ქვეყნის ბაზრის განხილვას და პრაქტიკულ რჩევებს მწარმოებლებთან. ფორუმზე მოწვეულები არიან  იმპორტიორები, რესტორნების ქსელების და ღვინის მაღაზიებისწარმომადგენლები შემდეგი ქვეყნებიდან: ბელგია, დანია, ნიდერლანდები, თურქეთი,გერმანია.

30-31 ოქტომბერს, WinExpo Georgia 2021  საგამოფენო ცენტრის „ექსპოჯორჯია“ მე-3 პავილიონსა და გარე სივრცეში იმართება. ღონისძიების მხარდამჭერები არიან საქართველოს გარემოს დაცვისა და სოფლის მეურნეობის სამინისტრო და ღვინის ეროვნული სააგენტო.

WINEXPO არის ერთადერთი სავაჭრო გამოფენა საქართველოში, რომელიც ფოკუსირებულია ღვინოზე, ალკოჰოლურ სასმელებსა და ამ დარგებთან დაკავშირებულ მომსახურებაზე.