თბილისში საშუალო ხელფასი ზოგიერთ რეგიონთან შედარებით 105-130 პროცენტით მაღალია

თბილისში საშუალო ხელფასი ზოგიერთ რეგიონთან შედარებით 105-130 პროცენტით მაღალია

access_time2021-10-08 14:00:31

დაქირავებით დასაქმებულთა საშუალო ყოველთვიური ნომინალური ხელფასი 5.4%-ით (62 ლარით) 1191 ლარამდე გაიზარდა. თბილისში ხელფასი ქვეყნის საშუალოსთან შედარებით 17%-ით მაღალია, ზოგიერთ რეგიონთან შედარებით კი 105-130 პროცენტით. ამის შესახებ ინფორმაციას საქსტატი ავრცელებს.



საქმიანობის სახეების მიხედვით, ყველაზე მაღალი ხელფასი - 2157 ლარი, 6.2%-იანი მატების შემდეგ, კვლავ საფინანსო სფეროში დაფიქსირდა. 16.3%-იანი მატების შემდეგ ინფორმაციისა და კომუნიკაციების სფეროში საშუალო ანაზღაურება 1886 ლარამდე გაიზარდა, პროფესიულ სამეცნიერო და ტექნიკურ საქმიანობაში კი მხოლოდ 2.3%-ით 1852 ლარამდე.



სქესის მიხედვით კაცების ხელფასი 3.4%-ით 1408 ლარამდე გაიზარდა, ქალების კი 9.6%-ით 952 ლარამდე. კაცების ხელფასი ქალებისას 48%-ით აღემატება, თუმცა ეს სხვაობა წლიდან-წლალმდე მცირდება. 2005 წელს 104%-ით აღემატებოდა, 2010 წელს 74%-ით, ხოლო 2015 წელს 55%-ით. საქსტატს განმარტებული არ აქვს, მაგრამ დისბალანსს თავის ახსნას უძებნიან ეკონომისტები, მენეჯერულ პოზიციებზე, როგორც წესი, კაცები ინიშნებიან, რაც მათ საშუალო ანაზღაურებას ზრდის, ერთი და იგივე პოზიციაზე კი ქალსა და კაცს როგორც წესი თანაბარი ანაზღაურება აქვთ.




2020 წელს საბიუჯეტო სექტორში დასაქმებულთა საშუალო ნომინალური ხელფასი 5.2%-ით 1024 ლარამდე გაიზარდა, კერძო სექტორში კი 6.1%-ით 1285 ლარამდე. 2015 წელს კერძო სექტორში ხელფასები სახელმწიფო სექტორში დასაქმებულთა ხელფასს 15%-ით აღემატებოდა, 2020 წელს 24%-ით.



თბილისში ხელფასები ქვეყნის საშუალოსთან 17%-ით მაღალია და 1394 ლარს შეადგენს. რეგიონების მიხედვით თბილისის შემდეგ ყველაზე მაღალი ხელფასი მცხეთა-მთიანეთშია - 1045 ლარი, მეორე ადგილზე 998 ლარით ქვემო ქართლია, სამეულს 945 ლარით აჭარა ასრულებს. ხელფასები ბევრად უფრო დაბალია კახეთში - 759 ლარი, გურიაში - 679 ლარი და რაჭა-ლეჩხუმ ქვემოს სვანეთში - 605 ლარი. თბილისში საშუალო ხელფასი 105%-ით უფრო მაღალია ვიდრე გურიაში და 130%-ით უფრო მაღალი ვიდრე რაჭაში.



თითოეულ შემთხვევაში მოყვანილი რიცხვები დარიცხულ ხელფასს ასახავს. მას სავალდებულო წესით საპენსიო შენატანი და საშემოსავლო გადასახადი აკლდება, რის შემდეგაც საშუალო ხელფასი 934 ლარამდე მცირდება.





ომის ზღვარზე - რუსეთი უკრაინის საზღვართან ჯავშანტექნიკის რაოდენობას ზრდის

ომის ზღვარზე - რუსეთი უკრაინის საზღვართან ჯავშანტექნიკის რაოდენობას ზრდის
access_time2022-01-20 19:00:25
რუსეთის მხრიდან უკრაინაზე თავდასხმის ალბათობა ამ დრომდე ნარჩუნდება. მძიმე ტექნიკა და 100 ათასზე მეტი ჯარისკაცი მოსკოვს მეზობელი ქვეყნის საზღვრიდან არ გაჰყავს და კონტიგენტს თითქმის ყოველდღე ცოცხალი ძალითა თუ ჯავშანტექნიკის დამატებითი ერთეულებით ავსებს. დასავლეთი პუტინს სანქციებით ემუქრება, წარსულის გამოცდილება აჩვენებს, რომ კრემლში სანქციების არ ეშინიათ, თუმცა სანქციებსაც გააჩნია, ერთია ალუმინის მომპოვებელი საწარმოს მეწილისთვის ვიზის არ მიცემა და მეორე საერთაშორისო საბანკო გადარიცხვების...

20 იანვარი - ლარის კურსი უმეტეს ვალუტასთან მიმართებით გამყარდა

20 იანვარი - ლარის კურსი უმეტეს ვალუტასთან მიმართებით გამყარდა
access_time2022-01-20 18:00:08
20 იანვრის ვაჭრობის შედეგად ლარი აშშ დოლართან მიმართებაში 0.15 თეთრით 3.0825- მდე გამყარდა. Bloomberg-ის პლატფორმაზე დღის ბოლოს კურსმა 3.0800 შეადგინა. საერთაშორისო ვალუტებიდან ლარი ევროსთან 1.50 თეთრით 3.4980-მდე, ბრიტანულ ფუნტთან 0.02 თეთრით 4.1990 -მდე, 1000 სომხურ დრამთან კი 1.36 თეთრით 6.3946-მდე, 100 რუსულ რუბლთან 0.66 თეთრით 4.0305-მდე, აზერბაიჯანულ მანათთან 0.08 თეთრით 1.8160-მდე გამყარდა.  თურქულ ლირასთან 0.14 თეთრით 0.2293-მდე...

დღის TOP10 საინტერესო ამბავი

დღის TOP10 საინტერესო ამბავი
access_time2022-01-20 21:00:32
დღის TOP10 საინტერესო ამბავი:     1. თბილისი - 190 მლნ ლარი, ბათუმი - 105 მლნ ლარი, ქუთაისი - 30 მლნ ლარი - მუნიციპალიტეტების ინფრასტრუქტურული გეგმები საქართველოს მთავრობამ 2022 წლის სახელმწიფო ბიუჯეტის გადამუშავებული ვერსია წარადგინა. ბიუჯეტის განახლებული ვერსია ხარჯების ზრდას...

„აირზენას“ შეძენით ჩინური და არაბული კომპანიები არიან დაინტერესებული

„აირზენას“ შეძენით ჩინური და არაბული კომპანიები არიან დაინტერესებული
access_time2022-01-20 20:00:00
„საქართველოს ეროვნული ავიაკომპანიის „აირზენას“ შესაძენად უკვე არის დაინტერესება ჩინური და არაბული კომპანიის მხრიდან“. ამის შესახებ „ჯორჯიან ეარვეისის“ ყოფილმა დირექტორმა, „საქართველოს ბიზნეს ბროკერიჯის“ დამფუძნებელმა რომან ბოკერიამ რადიო „პალიტრასა“ და „პალიტრანიუსის“ გადაცემაში „საქმე“ განაცხადა. მისივე თქმით, ხელშეკრულებით არაბული კომპანიის დასახელება არ შეუძლია, რაც შეეხება ჩინურ მხარეს, ბოკერიას თქმით, „აირზენას“ შეძენით დაინტერესებულია სინჩუანის პროვინციის...

ქეთევან დედოფლის გამზირი იკეტება - სრული რეაბილიტაცია დაიწყო

ქეთევან დედოფლის გამზირი იკეტება - სრული რეაბილიტაცია დაიწყო
access_time2022-01-20 14:55:00
ისნის რაიონში, ქეთევან დედოფლის გამზირის სრული რეაბილიტაცია დაიწყო, - ამის შესახებ დედაქალაქის მერმა, კახა კალაძემ თბილისის მუნიციპალიტეტის მთავრობის სხდომაზე ისაუბრა. ინფორმაციას თბილისის მერიის პრესსამსახური ავრცელებს. როგორც დედაქალაქის მერმა აღნიშნა, ინფრასტრუქტურული სამუშაოები რამდენიმე ეტაპად წარიმართება, პირველ ეტაპზე კი ქეთევან დედოფლის გამზირზე მიწისქვეშა კომუნიკაციები განახლდება. „ვიწყებთ ქეთევან დედოფლის გამზირის სრულ რეაბილიტაციას. ინფრასტრუქტურული პროექტი...


მსგავსი სიახლეები

up