26 ოქტომბერს, 13:00 სთ-ზე, კომპანია „რედიქსი“ ხსნის საერთაშორისო ბრენდის ახალ სასტუმროს „ჰილტონ გარდენ ინნ თბილისი. გახსნის საზეიმო ღონისძიებას საქართველოს მთავრობის წარმომადგენლები, მედია და პროექტში ჩართული სხვა პირები დაესწრებიან.
სასტუმრო „ჰილტონ გარდენ ინნ თბილისი“ ვაკეში, ქალაქის ბიზნეს და კომერციული უბნის ცენტრში, კერძოდ ჭავჭავაძის გამზირზე მდებარეობს. ბოლო წლებში ბიზნეს ტურიზმის განვითარების მიმართულებით განხორციელებული ერთ-ერთი ყველაზე მასშტაბური პროექტია საქართველოში.
შენობას მარცხნიდან ესაზღვრება თანამედროვე A კლასის ბიზნესცენტრი CH64, სადაც სხვადასხვა საერთაშორისო და დიპლომატიური ორგანიზაციების ოფისები მდებარეობს. სასტუმროს ადგილმდებარეობა იდეალურია, როგორც ბიზნეს მოგზაურებისთვის, ასევე ნებისმიერი ტიპის დამსვენებლისთვის, ვისაც სურს საკუთარ თავზე გამოსცადოს „ჰილტონ გარდენ ინნ თბილისის“ განსაკუთრებული ატმოსფერო.
ცნობისთვის, Hilton-ი წამყვანი კომპანიაა მსოფლიო სასტუმრო ბიზნესში, მისი პროფილი 18 მაღალი კლასის ბრენდისგან შედგება და მოიცავს 6600 სასტუმროს და მილიონზე მეტ ოთახს 119 ქვეყანაში. მისი მიზანია მიჰყვეს დამფუძნებლის ხედვას და გახადოს მასპინძლობის ბიზნესი უფრო ნათელი და თბილი.
Hilton-მა მისი 100 წლიანი არსებობის მანძილზე 3 მილიარდზე მეტ სტუმარს უმასპინძლა.
2020 წელს კომპანიას საუკეთესო სამუშაო ადგილის სტატუსი მიენიჭა და დოუ ჯონსონის ინდექსის მიხედვით სფეროს ლიდერი გახდა. 2020 წელს ასევე დაინერგა ჰილტონის პროგრამა CleanStay, რომელიც უზრუნველყოფს სისუფთავის სტანდარტს ბრენდის ყველა სასტუმროში.
გარდა ამისა, როგორ კომპანიაში განმარატვენ, Hilton -ის ლოიალობის პროგრამას Hilton Honor-ს 118 მილიონზე მეტი მონაწილე ყავს. მათ შეუძლიათ თავად დაჯავშნონ, შეარჩიონ ოთახი და გააღონ ის სმარტფონის მეშვეობით. აპლიკაცია საშუალებას იძლევა სტუმარმა გაიაროს ყველა პროცედურა დისტანციურად.
„ჰილტონ გარდენ ინნ თბილისი“ განსაკუთრებულ გარემოს სთავაზობს სტუმრებს, რომელიც თანამედროვე, მაღალი დონის მომსახურებასთან ერთად ხელმისაწვდომიცაა. მაღალი დონის კომფორტი კი ქმნის ყველა პირობას, „ჰილტონ გარდენ ინნ თბილისის“ სტუმრობადაუვიწყარი და შთამბეჭდავი და დაუვიწყარი გახდეს.
პროექტის ჯამური ღირებულება 40 მილიონი აშშ დოლარია. სასტუმროში სხვადასხვა კატეგორიის, 170 კომფორტული ოთახი, 8 საკონფერენციო დარბაზი და ქართულ-ევროპული რესტორანი „ანდაზი“ არის წარმოდგენილი. შენობის არქიტექტურაზე ლევან მუშკუდიანმა და ირაკლი შარაშიძემ იმუშავეს. რაც შეეხება სასტუმროს ინტერიერს, კონცეფცია კომპანიარედიქსი-ს დიზაინერთა ჯგუფმა და ლევან მუშკუდიანმა ერთობლივად შეიმუშავეს.
,,ჰილტონ გარდენ ინნ-ში განთავსებულია თანამედროვე ქართველი არტისტის - მაია სუმბაძის ნამუშევრები.
(R)