თბილისში მდინარე მტკვრის მარცხენა სანაპიროს მონაკვეთი ლევილის სახელობის გახდა

თბილისში მდინარე მტკვრის მარცხენა სანაპიროს მონაკვეთი ლევილის სახელობის გახდა

person access_time2017-05-29 18:30:06

​თბილისში, მდინარე მტკვრის მარცხენა სანაპიროს ერთ-ერთ მონაკვეთს, ლევილის სახელი მიენიჭა, სადაც, უახლოეს მომავალში სიმბოლური მონუმენტიც დაიდგმება.

 

​ოფიციალური ღონისძიება საქართველოში მიმდინარე დიასპორის ფორუმის ფარგლებში, 28 მაისს გაიმართა. ღონისძიებას საზღვარგარეთიდან ჩამოსული ქართული დიასპორის წარმომადგენლები, მათ შორის საქართველოს პირველი დემოკრატიული რესპუბლიკის მთავრობის წევრთა შთამომავლები ესწრებოდნენ.

 

სანაპიროსთვის ლევილის სახელის მინიჭების ცერემონიაზე მოსულ სტუმრებს საქართველოს საგარეო საქმეთა მინისტრმა მიხეილ ჯანელიძემ, თბილისის მერმა დავით ნარმანიამ, ლევილის ვიცე - მერმა დანიელ ესპრენმა, საქართველოში საფრანგეთის ელჩის მოვალეობის შემსრულებელმა ნატაშა ეფიმოვამ და ლევილის მმართველი საბჭოს წევრმა ირენ ციციშვილმა მიმართეს. 

 

როგორც საგარეო საქმეთა მინისტრმა განაცხადა, ლევილის მამულს საქართველოსთვის სიმბოლურ დატვირთვა აქვს. ის არის საქართველოს დიდი ისტორიის ნაწილი, ქართული ღირებულებებისა და კულტურის შენარჩუნებისთვის, დამოუკიდებლობისა და დემოკრატიისთვის ბრძოლის სიმბოლო.

 

"საქმიანობა, რომელიც ისტორიულმა ქართულმა დიასპორამ გასწია ლევილში, რათა შემოენახათ ეს კერა, შეესრულებინათ ისტორიული ანდერძი, რომ ლევილის მამული დაბრუნებოდა ქართველ ხალხს, წარმოადგენს ძალიან დიდი კავშირს საქართველოსა და საფრანგეთს შორის, ასევე, კავშირს საქართველოს პირველ რესპუბლიკასთან, დემოკრატიულ სახელმწიფოსთან, ქვეყნის პირველ კონსტიტუციასთან და თავისუფლებისთვის ბრძოლასთან",- განაცხადა მინისტრმა.

 


მიხეილ ჯანელიძემ, საქართველოს ხელისუფლების სახელით მადლიერება გამოხატა საფრანგეთის მთავრობისა და ლევილის მერიის მიმართ, რომლებმაც, მისი თქმით, დიდი ძალისხმევა გასწიეს ამ დიდი ისტორიული დღის შესაქმნელად.

 

მისივე თქმით, საქართველოს მთავრობამ ყველაფერი გააკეთა იმისთვის, რომ ეს დღე დამდგარიყო. აიღო ვალდებულება, რათა ეს ისტორიული კერა გაძლიერდეს და არა მხოლოდ საფრანგეთში წარმოადგენდეს საქართველოს კულტურას, არამედ მთელს ევროპაში.

 

​როგორც საგარეო საქმეთა მინისტრმა განაცხადა, ამ მიმართულებით საქართველოს მთავრობა დიდი ინვესტიციების განხორციელებას გეგმავს, რასთან დაკავშირებითაც ქვეყნის მთავრობას მიღებული აქვს გადაწყვეტილება. "პროექტი პრემიერ-მინისტრ გიორგი კვირიკაშვილის დავალებით და პირადი მეთვალყურეობით განხორციელდება, რომელიც კიდევ უფრო დააკავშირებს საფრანგეთსა და საქართველოს და გააძლიერებს ჩვენს ისტორიულ კავშირს ევროპასთან",- განაცხადა მიხეილ ჯანელიძემ.

 

მან მადლობა გადაუხადა თბილისის მერიას და საკრებულოს, მდინარე მტკვრის სანაპიროს ნაწილისთვის, ლევილის სახელის მინიჭების ინიციატივის მხარდაჭერისთვის.

 

სიტყვით გამოვიდა თბილისში ვიზიტით მყოფი, ლევილის ვიცე - მერი დანიელ ესპრენი, რომელმაც განაცხადა, რომ არა მხოლოდ საქართველოშია ლევილის ცნობილი და აღიარებული, არამედ ლევილშიც იცნობენ საქართველოს და ქართველები, რომლებიც შატო ლევილის მამულში ცხოვრობენ ძალიან დაფასებულები არიან.

 

"მიუხედავად იმისა, რომ 2010 წლის არჩევნების შემდეგ ლევილის მერი აღარ ვარს, ჯერაც მუნიციპალური საბჭოს წევრი ვარ და ასევე ყველა იმ დელეგაციის წევრი, რომელიც რაიმე სახით საქართველოსთან არის დაკავშირებული. შესაბამისად მერიის მხრიდან ყოველთვის ვმონაწილეობ საქართველოსთან დაკავშირებულ ღონისძიებებში. მოხარულები ვართ, რომ თბილისმა სანაპიროს მიანიჭა ლევილის სახელი. ცხადია საქართველოში ლევილი ცნობილია და აღიარებული, ძალიან მინდა იცოდეთ, რომ საქართველოს ლევილშიც იცნობენ და ქართველები, რომლებიც შატო ლევილის მამულში ცხოვრობენ, ძალიან დაფასებულები არიან. ჩვენ ლევილში გვყავს ფრანგი და ქართველი ლევილელები, ყველანი ჰარმონიაში ვცხოვრობთ",- განაცხადა დანიელ ესპრენიმ.

 

პატარა ლამაზი ფრანგული სოფელი ლევილი, საფრანგეთის დედაქალაქ პარიზიდან დაახლოებით 30 კილომეტრში, სენას დეპარტამენტში მდებარეობს. 1921 წლის 25 თებერვალს საბჭოთა რუსეთის წითელი არმიის ნაწილების თბილისში შემოსვლის შედეგად, საქართველოდან ემიგრაციაში წასული ქვეყნის კანონიერი მთავრობის წევრებმა ლევილს შეაფარეს თავი. 1922-1944 წლებში ლევილში ცხოვრობდა ქართველი მოღვაწე ექვთიმე თაყაიშვილი, იქვე ინახებოდა საქართველოს დემოკრატიული რესპუბლიკის საგანძური.

 

 

 



ლევან კობერიძე არ გამორიცხავს სახელმწიფო გეგმავდეს სსიპ-ს შექმნას, რომელიც დამხმარე სამედიცინო მასალების კონსოლიდირებულად შესყიდვას დაიწყებს

 ლევან კობერიძე არ გამორიცხავს სახელმწიფო  გეგმავდეს  სსიპ-ს შექმნას, რომელიც  დამხმარე  სამედიცინო  მასალების კონსოლიდირებულად შესყიდვას დაიწყებს
access_time2019-11-21 18:00:58
„კლინიკების მოგების მაჩვენებლის გამოქვეყნება სახელმწიფოს მხრიდან შავი პიარის ნაწილია„-ასე ეხმაურება დამოუკიდებელი დეპუტატი ლევან კობერიძე იმ განცხადებას, რომელიც ჯანდაცვის სამინისტრომ გამოაქვეყნა. დოკუმენტში ნათქვამია, რომ 2018 წელს კლინიკების მოგება მილიონობით ლარს შეადგენს. ლევან კობერიძე არ გამორიცხავს, რომ  გარკვეულ ჯგუფებს, გააჩნდეს ინტერესი დიდი თანხის შესყიდვებთან  დაკავშირებით და...

27 მლნ ლარის ზარალი ერთ წელიწადში - როგორია „კარფურის“ შემოსავლები

27 მლნ ლარის ზარალი ერთ წელიწადში - როგორია „კარფურის“ შემოსავლები
access_time2019-11-21 17:00:42
ტექნიკის მაღაზიების შემდეგ მომხმარებელს შიდა განვადებას ჰიპერმარკეტების ქსელი Carrefour-იც სთავაზობს.თუმცა, ერთი განსხვავებით - ჰიპერმარკეტის განვადების პერიოდი მხოლოდ 3 თვეს მოიცავს. თანაც, მომხმარებელს პროდუქცია მხოლოდ თანხის დაფარვის შემდეგ გადაეცემა. Carrefour-ის სერვისით „ლეი-ბაი“ სარგებლობა ყველას შეუძლია, ვისაც სურს 200 ლარზე მეტი ღირებულების ნივთის შეძენა. პირველადი შენატანი 20%-დან იწყება. თუმცა შეზღუდულია სარგებლობის პერიოდი და ის მხოლოდ 90 დღით განისაზღვრება,...

ლუქსემბურგი - პირველი ქვეყანა მსოფლიოში, სადაც ტრანსპორტი უფასო გახდება

ლუქსემბურგი - პირველი ქვეყანა მსოფლიოში, სადაც ტრანსპორტი უფასო გახდება
access_time2019-11-21 20:30:48
ლუქსემბურგი მსოფლიოში პირველი ქვეყანა იქნება, სადაც საზოგადოებრივი ტრანსპორტი უფასო გახდება. ახლადარჩეული პრემიერ-მინისტრი ხავიერ ბეტელი და ლუქსემბურგის კოალიციური მთავრობა აცხადებენ, რომ ისინი მატარებლებზე ტრამვაისა და ავტობუსებზე ტარიფებს შემდეგი წლის ზაფხულიდან გააუქმებენ. სამსახურისკენ რამდენიმე საათიანი მგზავრობებისა  და ჰაერის დაბინძურების გათვალიწინებით, მთავრობა იმედოვნებს, რომ ეს ახალი ნაბიჯი საცობების სიმრავლით მსოფლიოში ცნობილ ლუქსემბურგს მეტად...

ფინანსთა მინისტრმა ივანე მაჭავარიანმა შემოსავლების სამსახურის ახალი ხელმძღვანელი ლევან კაკავა წარადგინა

ფინანსთა მინისტრმა ივანე მაჭავარიანმა შემოსავლების სამსახურის ახალი ხელმძღვანელი ლევან კაკავა წარადგინა
access_time2019-11-21 15:15:38
დღეს, ფინანსთა მინისტრმა ივანე მაჭავარიანმა ფინანსთა სამინისტროს შემოსავლების სამსახურის თანამშრომლებს ახალი ხელმძღვანელი - ლევან კაკავა წარუდგინა. მისი თქმით, უწყების ახალ ხელმძღვანელს აქვს სისტემაში მუშაობის გამოცდილება, საკმაოდ ძლიერი მენეჯერული თვისებები და არის მაღალი რანგის პროფესიონალი. „პრემიერთან გამართული კონსულტაციების შედეგად, მივიღეთ გადაწყვეტილება, რომ შემოსავლების სამსახურის ხელმძღვანელი...

სებ-ს მთავრობაც დაუპირისპირდა

სებ-ს მთავრობაც დაუპირისპირდა
access_time2019-11-21 16:00:56
ეროვნული ბანკის პრეზიდენტის, კობა გვენეტაძის თავზე საავდროდაა მოღრუბლული. კანონმდებლობით სებ-ისთვის განსაზღვრულ მთავარ ამოცანას, - ფასების სტაბილურობის უზრუნველყოფას, ანუ ინფლაციის მაჩვენებლის მართვას ისე, რომ ეს უკანასკნელი თარგეთირებულ, ანუ ნაპროგნოზებ, ანუ მიზნად დასახულ დონეს არ გასცდეს, ეროვნული ბანკი ვეღარ ახერხებს და რაც უარესია, განცდა იმისა, რომ სიტუაციას მართავს და მას უახლოეს ხანში გამოასწორებს, არ...


მსგავსი სიახლეები

up