თბილისის მერიის ინფრასტრუქტურის განვითარების საქალაქო სამსახური მარჯვენა სანაპიროს მონაკვეთის რეაბილიტაციას ახორციელებს. სარეაბილიტაციო სამუშაოები ტარდება იუსტიციის სახლის მიმდებარე ტერიტორიიდან მარი ბროსეს ქუჩის კვეთამდე მონაკვეთში.
თბილისის მერიის ინფორმაციით, სარეაბილიტაციო სამუშაოების ფარგლებში, გამოიცვალა გაზმომარაგების ქსელი, დაზიანებული ფილები და გვერდმიმღები ჭები. გარკვეულ მონაკვეთზე უკვე დაიგო ასფალტის საფარის ქვედა ფენა. ამ ეტაპზე მიმდინარეობს დაზიანებული ასფალტის საფარის დემონტაჟი. სამუშაოების დასრულების შემდეგ დაახლოებით 14 500 კვადრატულ მეტრ ფართობზე დაიგება გზის საფარი.
სარეაბილიტაციო სამუშაოებს კომპანია „ჯიარჯი“ ახორციელებს. სამუშაოები სამ კვირაში დასრულდება. დედაქალაქის ბიუჯეტიდან რეაბილიტაციაზე 1 130 000 ლარი დაიხარჯება.
1tv