თბილისში ისრაელური ინვესტიციით აშენებული მაღალტექნოლოგიური ობიექტი გაიხსნება

თბილისში ისრაელური ინვესტიციით აშენებული მაღალტექნოლოგიური ობიექტი გაიხსნება

access_time2016-12-23 12:59:34

თბილისში ისრაელის ოფიციალური დელეგაციის ვიზიტის ფარგლებში დღეს  ისრაელური ინვესტიციით აშენებული მაღალტექნოლოგიური ობიექტი გაიხსნება.
ღონისძიებას დაესწრებიან ისრაელის ქნესეთის (პარლამენტის) ვიცე-სპიკერები - ხილიკ ბარ და ტალი პლოსკოვ, ქნესეთში მმართველი კოალიციის ლიდერი დავიდ ბიტან, პარლამენტარები, ისრაელელი ბიზნესმენები, საქართველოს ეკონომიკის სამინისტროს წარმომადგენელი, თბილისის საკრებულოს თავმჯდომარე გიორგი ალიბეგაშვილი.
ღონისძიებას გაუძღვება ისრაელის დელეგაციის ვიზიტის ორგანიზატორი, საქართველო-ისრაელის ბიზნესპალატის პრეზიდენტი იციკ მოშე, რომელიც 2017 წელს ისრაელური ინვესტიციით მრავალმილიონიანი ახალი პროექტის დაწყების შესახებაც ისაუბრებს.


სს „თბილისი ლანდრი სერვის" (TLS) თანამედროვე, მაღალტექნოლოგიური და პროფესიონალებით დაკომპლექტებული სამრეცხაოა, რომელიც სასტუმროებს სთავაზობს 20-წლიან ევროპულ გამოცდილებას და ზრუნავს მათი ბიზნესის განვითარებაზე. სამრეცხაო აღჭურვილია მაღალტექნოლოგიური დანადგარებით და ინოვაციური ჩიპებით აღრიცხვის სისტემით.
ამ სამრეცხაოს კონკურენტებისაგან მთავარი განმასხვავებელი ნიშანი კი ისაა, რომ ის უზრუნველყოფს შემდეგი სახის სერვისს: სასტუმროებისთვის საკუთარი თანხით ყიდულობს თეთრეულს, პირსახოცებს და ა.შ. კლიენტი კი იხდის მხოლოდ რეცხვის ღირებულებას.


TLS მოემსახურება მაღალი და საშუალო კლასის სასტუმროებს.


პროექტის ამჟამინდელი ღირებულებაა 3 მლნ დოლარი. ობიექტი გლდანში მდებარეობს (ქერჩის ქ. #12, პოლიციის აკადემიის ჩასახვევი).
მაღალტექნოლოგიური საწარმოს მფლობელები არიან ამერიკელი ებრაელები, რომლებმაც საქართველოში ინვესტიციების განხორციელება 2015 წელს იერუსალიმში საქართველო-ისრაელის ბიზნესპალატის ორგანიზებითა და თბილისის მერის, დავით ნარმანიას მონაწილეობით გამართული ბიზნეს ფორუმის შემდეგ დაიწყეს. ამჟამად დასრულების სტადიაზე სასტუმროს მშენებლობა მთაწმინდაზე, ხოლო ჯგუფი 2018 წლამდე საქართველოში 40 მილიონ დოლარამდე ინვესტიციის ჩადებას აპირებს.



საქართველო-ისრაელის ბიზნეს-პალატის პრეზიდენტის, იციკ მოშეს განცხადებით, საქართველო ის ქვეყანაა, სადაც, მიუხედავად მსოფლიო კრიზისისა, ისრაელიდან ინვესტიციები არ შეწყვეტილა, ტურისტული ნაკადი კი რამდენჯერმე გაიზარდა. ეს შესაძლებელი გახდა ბიზნეს-პალატის მიერ ისრაელის ბიზნესწრეებთან აქტიური მუშაობით, საქართველოს პოტენციალის ისრაელში პოპულარიზაციითა და საქართველოში ისრაელური ინვესტიციით მიმდინარე პროექტების მხარდაჭერით. გაისად, საქართველოში ისრაელის საელჩოსთან, კერძოდ კი, ელჩ შაბთაი ცურთან ერთად, კიდევ უფრო გაძლიერდება ქვეყნებს შორის ეკონომიკური ურთიერთობების გაღრმავებაზე მუშაობა.


ცნობისთვის: ისრაელის დელეგაცია ქნესეთის ვიცე-სპიკერების, წევრების, საგარეო საქმეთა მინისტრის მოადგილისა და ბიზნესმენების შემადგენლობით თბილისს 23 დეკემბერს, გამთენიისას ეწვევა. ვიზიტის ორგანიზატორები არიან საქართველო-ისრაელის ბიზნეს პალატა და „ისრაელის სახლი". დელეგაცია 24-25 დეკემბერს მონაწილეობას მიიღებს თბილისში, ოპერის სახელმწიფო თეატრსა და სასტუმრო „ბილტმორში" დაგეგმილ, ისრაელისადმი საერთაშორისო დიპლომატიური მხარდაჭერის კონფერენციაში, რომელიც „ისრაელის სახლის" თაოსნობით გაიმართება.


 




Reuters - მსოფლიომ შესაძლოა მშპ-ს მეხუთედი დაკარგოს - კვლევა

Reuters - მსოფლიომ შესაძლოა მშპ-ს მეხუთედი დაკარგოს - კვლევა
access_time2021-04-22 20:00:21
გლობალურმა ეკონომიკამ შესაძლოა 2050 წლისთვის მსოფლიოს შემოსავლების მეხუთედი დაკარგოს, თუ კლიმატის ცვლილების შესწავლის პროგრამამ კრახი განიცადა. განსაკუთრებული რისკის ქვეშ აზია იმყოფება - კვლევა  Swiss Re-მ გამოაქვეყნა.   მოხსენება, რომელიც ინსტიტუტმა გაავრცელა, ხაზს უსვამს, რომ შემოსავალი შესაძლოა 18 პროცენტით დაბალი იყოს ვიდრე მსოფლიოში, სადაც კლიმატის ცვლილება არაა მოსალოდნელი.   აღმოჩნდა, რომ თუ პარიზის შეთანხმების...

რუსეთ-ჩეხეთის კრიზისი - დააწესებს თუ არა რუსეთი ჩეხურ ლუდზე ემბარგოს?!

რუსეთ-ჩეხეთის კრიზისი - დააწესებს თუ არა რუსეთი ჩეხურ ლუდზე ემბარგოს?!
access_time2021-04-22 19:00:26
რუსეთის ფედერაციის საზოგადოებრივი პალატის „ფხიზელი რუსეთის“ წევრმა სულთან ჰამზაევმა რუსული რადიოსადგურის ეთერში ჩეხური ლუდის აკრძალვის აუცილებლობაზე ისაუბრა, ეს ყველაფერი კი ჩეხეთის ქმედებების პასუხად.   მისი აზრით ასეთ შემხთევვაში ჩეხეთის პოლიტიკური ჯგუფები გაიაზრებენ, რომ მათი განცხადებები შეიძლება ეკონომიკური შედეგების მომტანი იყოს მთელი ქვეყნისთვის. ჰამზაევის თქმით, რუსები შეძლებენ სასმლის გარეშე არსებობას , ხოლო აკრძალვა კი მოსახლეობაში ალკოჰოლის პოპულარობას...

22 აპრილი - რეგიონში თურქული ლირა ყველაზე მეტად გაუფასურდა

22 აპრილი - რეგიონში თურქული ლირა ყველაზე მეტად გაუფასურდა
access_time2021-04-22 18:15:54
კორონავირუსის უარყოფითი ეფექტი ქართული ლარის კურსზე მკვეთრად აისახა. 2021 წლის 22 აპრილის ოფიციალური კურსების მიხედვით, წლის დასაწყისიდან ქართული ლარი აშშ დოლართან მიმართებაში დაახლოებით 16 პუნქტით გაუფასურდა. შედარებისთვის, დაახლოებით 62 პუნქტით არის გაუფასურებული თურქული ლირა, სომხური დრამი მცირედით გამყარდა და აზერბაიჯანული მანათი კი პრაქტიკულად უცვლელია. ეროვნული ბანკის მიერ 22 აპრილის ვაჭრობის შედეგად (რომლის ოფიციალური კურსი 23 აპრილისთვისაა) ეროვნული...

დღის top 10 საინტერესო ამბავი

დღის top 10 საინტერესო ამბავი
access_time2021-04-22 21:00:01
15 -ამდე ბიზნესასოციაციის მიმართვა ირაკლი ღარიბაშვილს - კერძო სექტორი პრემიერთან შეხვედრას ითხოვს   დარგთაშორისი საინიციატივო ჯგუფის წარმომადგენელმა შოთა ბურჯანაძემ განაცხადა, რომ კერძო სექტორთან კომუნიკაციის სურვილი პრემიერმა მსხვილი ბიზნესის წარმომამდგენლებთან...

„BGEO-მ ფინანსური ზეწოლის ტაქტიკა გამოიყენა“ - რომან ფიფია სასამართლო დავას აგრძელებს

„BGEO-მ ფინანსური ზეწოლის ტაქტიკა გამოიყენა“ - რომან ფიფია სასამართლო დავას აგრძელებს
access_time2021-04-22 17:15:51
„დავა არ დასრულებულა, ის მიმართავს კანონით მისთვის მინიჭებულ ყველა საშუალებას რათა გააგრძელოს თავისი უფლებების დაცვა.“, - ამის შესახებ ინფორმაცია „კომერსანტს“  რომან ფიფიას წარმომადგენელმა მიაწოდა. საქმე ეხება  ინგლისის სასამართლოში BGEO PLC ჯგუფის წინააღმდეგ დაწყებულ სასამართლო პროცესს, რომელიც დღეს საქართველოს ბანკის ჯგუფის განცხადებით BGEO GROUP სასრაგებლოდ დასრულდა. ფიფიას წარმომადგენლის ინფორმაციით, „BGEO Group Limited“ გამოიყენა ფინანსური ზეწოლა, რომელიც მოსარჩელისგან...


მსგავსი სიახლეები

up