ქეთევან წამებულის გამზირზე მრავალფუნქციური სასტუმრო-საცხოვრებელი კომპლექსი შენდება. „Hill Home Residence“ „Hilton“-ის ბრენდის 11 სართულიანი სასტუმროს და 22 სართულიანი რეზიდენსს გულისხმობს. ახალი საცხოვრებელი კომპლექსის მშენებლობა დეველოპერულმა კომპანია „ბლოქსმა“ უკვე დაიწყო და 2021 წლის დეკემბერში დასრულდება.
მრავალფუნქციური სასტუმრო-საცხოვრებელი კომპლექსის ინვესტიციის ოდენობა 48 მლნ ლარია. როგორც „კომერსანტმა“ გაარკვია საცხოვრებელ კომპლექსში 1 მ² -ს ღირებულება 1 000 დოლარიდან იწყება. მრავალფუნქციური კომპლექსში საცხოვრებელის წილი 57.6%/ ხოლო სასტუმროსი- 42.4%-ს შეადგენს.
როგორც არქიტექტურის ვებ-გვერდზე განთავსებულ განმარტებით ბარათში ვკითხულობთ საპროექტო ტერიტორია მეტროსადგურ 300 არაგველის მიმდებარედ მდებარეობს და 4 040 მ² ფართობის მიწის ნაკვეთს წარმოადგენს. სასტუმრო კომპლექსის მთავარი მისადგომი და შესასვლელი ბოჭორმის ქუჩის მხრიდანაა, საიდანაც სპეციალურად მოწყობილი სამანქანო ჯიბის მეშვეობით შენობის ძირითად მისაღებსა და საერთო სივრცეში მოხვდებით.
ირკვევა, რომ ფუნქციურის თვალსაზრისით შენობა ორ დამოუკიდებელ ერთეულად იყოფა, თუმცა, სტილისტურად აღიქმება, როგორც ერთიანი არქიტექტურული მოცულობა. ნაგებობის საცხოვრებელი კომპლექსი სასტუმრო ბლოკზე 10 სართულით მაღალია. მიწის ქვევით ნაგებობა განვითარებულია ერთ სართულზე სადაც განთავსებულია ავტოსადგომი 50 მანქანაზე და ტექნიკური დანიშნულების ოთახები. ამასთან, შენობა ბოჭორმის ქუჩის მხრიდან უზრუნველყოფილი იქნება, სასტუმროს სტუმრებისა და მცხოვრებელთათვის განკუთვნილი სამანქანო ჯიბით, აგრეთვე, სპეციალურად მოწყობილი სამომსახურეო სამანქანო გზით, რომელიც უკავშირდება შენობის პირველ დონეზე განლაგებულ სხვადასხვა ტექნიკური დანიშნულების სათავსოებს.
განმარტებით ბარათში ნათქვამია, რომ შენობის მოცულობითი გადაწყვეტა მართკუთხა პარალელეპიპედის ფორმისაა. მიწის ნიშნულზე პირველი სართულის სიმაღლე იატაკის დონიდან 4.45 მეტრია, ხოლო მომდევნო ტიპური სართულის სიმაღლეა 3.2 მ. სასტუმრო ბლოკის გეგმარება დერეფნულია, ორ, დასავლეთ და აღმოსავლეთ მხარეებზე განლაგებული სასტუმრო ოთახებით. საცხოვრებელი ნაწილის გეგმარებაც მართკუთხა ფორმისაა. საერთო ჯამში შენობას გააჩნია ოთხი კიბის უჯრედი და 2 ლიფტის შახტა, რომლებიც დაპროექტებულია სახანძრო უსაფრთხოების ნორმების სრული გათვალისწინებითა და დაცვით. როგორც ოფიციალურ დოკუმენტში ვკითხულობთ, გენერალური გეგმის დამუშავებისას კომპანიამ გაითვალისწინა ქუჩის მხრიდან არსებული სატრანსპორტო ნაკადები და მათი კავშირი საპროექტო შენობასთან. მათი ინფორმაციით მაქსიმალურად მოხდა მწვანე საფარის შენარჩუნება და მისი გამოყენება-გარდაქმნა სარეკრეაციო არეალად, ასევე გენერალურ გეგმაში სამანქანო გზებთან ერთად გათვალისწინებულია საფეხმავლო, ადაპტირებული ბილიკების და გარე განათების მოწყობა.
პროექტის დამკვეთი დიმიტრი გოხელაშვილია, კომპანია კი შპს „ავლაბარი ჰოტელ რეზიდენსი“.
კომპანია ბლოქსი, უძრავი ქონების ბაზარზე საქართველოში 2016 წლიდან საქმიანობს. კომპანიას სამი მფლობელი ჰყავს, მათი წილები კი შემდეგნაირადაა გადანაწილებული ალექსანდრე წულუკიძე 34% ალექსი მოდებაძე 42% ლაშა კვაჭაძე 24%. აღსანიშნავია, რომ სამივე მათგანი ქართული ოცნების შემომწირველები არიან. 2016 წლის საპარლამენტო არჩევნებზე თითოეულმა მათგანმა მმართველ გუნდს 60 000 ლარი შესწირეს.
მათი სამეწარმეო საქმიანობა შემდეგია:
ბაჩო ადამია