საცხოვრებელი უძრავი ქონების ფასი, გასული წლის ანალოგიურ პერიოდთან შედარებით 8.9%-ით, ხოლო 2020 წლის საშუალოსთან შედარებით 6.2%-ით გაიზარდა. ბოლო ერთ წელიწადში თბილისში ბინები 7.3%-ით, კერძო სახლები კი 13.5%-ით გაძვირდა.
დედაქალაქში ბინები ყველაზე ძვირი მთაწმინდაზეა, სადაც 1 კვადრატული მეტრის შეძენა საშუალოდ 4089 ლარი ($1307) ჯდება, სიძვირით მეორე ადგილზე კვადრატული მეტრი - 3612 ლარი ($1155) ვაკეა. საბურთალოზე საშუალო ფასი 2986 ლარია, ჩუღურეთში 2970 ლარი, კრწანისში 2964 ლარი. ბინები ყველაზე იაფი ისანსა და სამგორშია სადაც კვადტრატული მეტრი საშუალოდ 2472 ლარი ($790) და 2332 ლარი ($745) ღირს.
თბილისში 1 კვადრატული მეტრი შავი კარკასის შეძენა საშუალოდ 2200 ლარადაა ($700) შესაძლებელი, თეთრი კარკასის 2724 ლარად ($870) და მწვანე კარკასის 3020 ლარად ($965).
რაც შეეხება კერძო სახლებს ამ სეგმენტში ყველაზე ძვირიანი უბანი ვაკეა, სადაც კვადრატული მეტრი საშუალოდ 3510 ლარი ($1120) ღირს, 3400 ლარით მთაწმინდა მეორე ადგილზეა, სამგორსა და გლდანში კერძო სახლების ღირებულება ორჯერ მცირეა. კერძოდ სამგორში ის 1730 ლარს შეადგენს, ხოლო გლდანში 1720 ლარს, რაც ოქტომბრის კურსით $550-ის ექვივალენტია.