თბილისის შემოგარენში უძრავი ქონების შეძენაზე მოთხოვნა იზრდება - როგორია პერსპექტივა

თბილისის შემოგარენში უძრავი ქონების შეძენაზე მოთხოვნა იზრდება - როგორია პერსპექტივა

person access_time2017-06-02 11:30:28

გადატვირთული მოძრაობის, დაბინძურებული ჰაერისა და ეკოლოგიური პრობლემების გამო, მოსახლეობის გარკვეული ნაწილი საცხოვრებლად ქალაქგარეთ გადადის. უძრავი ქონების სააგენტოებში ამბობენ, რომ ბოლო 4-5 წლის განმავლობაში თბილისის შემოგარენში სახლის და მიწის ნაკვეთის შეძენის მსურველთა რაოდენობამ საგრძნობლად მოიმატა. რეალტორების თქმით, პოპულარულ მიმართულებებს შორისაა ცხვარიჭამია, წყნეთი, კიკეთი, წავკისი, საგურამო და სხვა დასახლებული პუნქტები.

 

ჯანდაცვის მსოფლიოში ორგანიზაციის მიერ გამოქვეყნებული მონაცემების მიხედვით, დედამიწაზე ყოველი 10 ადამიანიდან 9 იმ გარემოში ცხოვრობს, სადაც ჰაერის დაბინძურების მაღალი დონე ფიქსირდება. ჰაერის დაბინძურება პრობლემაა საქართველოშიც, განსაკუთრებით დედაქალაქში, რის შედეგადაც ყოველწლიურად დაავადებების რიცხვი კატასტროფულად მატულობს. ამიტომ ეკოლოგების თქმით, თბილისში ცხოვრებას ქალაქგარეთ გადასახლება სჯობს.

 

ეკოლოგების თქმით, ქალაქში ტრანსპორტისა და შუშის შენობების მომრავლების გამო ეკოლოგიურად სუფთა გარემო ვერ იქმნება. როგორც ექსპერტები განმარტავენ, ქალაქგარეთ ცხოვრების ტენდენცია, რომელიც ევროპის სხვადასხვა ქვეყანაში დიდი ხანია დამკვიდრდა, მალე საქართველოშიც შესამჩნევი გახდება.

 

ბუნების დამცველების განცხადებით, თბილისთან ახლოს ეკოლოგიურად სუფთა საცხოვრებლის თვალსაზრისით რამდენიმე ადგილია, მათ შორის: კიკეთი, ცხვარიჭამია, ნატახტარი, წეროვანი, წავკისი, წყნეთი და სხვ.
"საქართველოს მწვანეთა მოძრაობის" თანათავმჯდომარე რუსუდან სიმონიძე მიიჩნევს, რომ ეკოლოგიური თვალსაზრისით ქალაქში ცხოვრება გაუსაძლისი გახდა, მისი განცხადებით, ქალაქგარეთ ცხოვრება უმჯობესია.

 

„საქართველოს რეალტორთა ასოციაციის" ხელმძღვანელი თენგიზ გადელიას განცხადებით, საკმაოდ მოთხოვნადია საგურამო, კიკეთი, წყნეთის მიმართულებები. ამის მიზეზი კი რამდენიმეა. პირველი, დედაქალაქთან სიახლოვე, მეორე -გასული წლებისგან განსხვავებით დასახელებული ადგილების ინფრასტრუქტურულად განვითარება და მესამე - ეკოლოგიური სისუფთავე.

 

გადელიას განცხადებით, გასული წლებისგან განსხვავებით წელს თბილისის შემოგარენში უძრავ ქონებაზე ტრანზაქციები მომატებულია. „ზრდის მაჩვენებელი თბილისელებზე მოდის. ვინც მართლა თბილისელია, მას ყელში აქვს ამოსული ხმაური, ბევრი ავტომანქანა. თბილისის შემოგარენში უძრავი ქონების შესყიდვით ძირითდად ეს სეგმენტი ინტერესდება"-აცხადებს გადელია. მისი თქმით, ადამიანები თბილისის შემოგარენში ქონებას ხშირ შემთხვევაში აგარაკებისთვის ყიდულობენ.

 

რეალტორთა ასოციაციის ხელმძღვანელი თენგიზ გადელია პროგნოზსაც აკეთებს და აცხადებს, რომ მოთხოვნა კიდე უფრო გაიზრდება, თუ თბილისის ცენტრალურ უბნებში კიდევ უფრო გადაიტვირთა მშენებლობები და ქალაქი მანქანებისგან არ განიტვირთება.

 

ეკონომიკის დოქტორი, პროფესორი რატი აბულაძე განმარტავს, რომ თბილისის შემოგარენის, როგორც ცენტრიდან დაშორებული სივრცის ფორმირებაზე გავლენა იქონია პრემიუმ კლასის მოთხოვნის ვექტორმა და სტრუქტურის ცვლილებამ, რაც აისახა დედაქალაქის შემოგარენის გამოცოცხლებასა და საცხოვრებელი ბაზრის გააქტიურებაში.

 


„ვინაიდან და რადგანაც საგარეუბნო ზონები საკურორტო ზონებს მიეკუთვნება, მათი ღირსებები ისტორიულადაა ცნობილი, შესაბამისად დღევანდელ ტენდენციას პროცესების გაცოცხლება და ერთგვარი „დემოგრაფიული ინვერსია" წარმოადგენს"-აცხადებს რატი აბულაძე.

 

მისი განმარტებით, თბილისის შემოგარენის განვითარებას უბიძგებს ისეთი ფაქტორები, როგორიცაა:
ჰაერის დაბინძურების მაღალი დონე (რაც სერიოზული დაავადებების გამომწვევია ცენტრის მაცხოვრებლებისათვის), ხმაურის დონე;

 

ქალაქის ფორმირება, სივრცის დეფიციტი და მაღალი სიმჭიდროვე;

 

ხე-მცენარეებისა დაგამწვანებული ტერიტორიების სიმცირე;

 

ურბანული ნიუსანსები; ქალაქის სოციალურ-სივრცითი, ეკონომიკური და ინსტიტუციური ასპექტები;

 

სოციალური სეგრეგაციის პროცესი;

 

კულტურის გავლენა და ტენდენციის არსებობა;

 

როგორც აბულაძე განმარტავს,ახალი ნარატივით აქტიურად მიდის „მაღალშემოსავლიანი სეგმენტის სუბურბანიზაცია" და საგარეუბნო დასახლებების მოდიფიცირება. ფაქტია, რომ თბილისის შემოგარენი ორგანული მთლიანობაა, რომელიც წარმოდგენილია:

 

საგარეუბნო საკურორტო ზონების (წყნეთი, კოჯორი, კიკეთი, ბეთანია) ჯანსაღი კლიმატით;

 

ინდივიდუალიზებით, იზოლირებითა და კომფორტულად ცხოვრების უზრუნველყოფით;
სოციალურ-სივრცითი სტრუქტურით, დაბალი სიმჭიდროვითა და დიდ სივრცეებზე კონტროლით (რაც ამცირებს ცხოვრების სირთულეებს);

 

ბუნებისა და ლანდშაფტის სილამაზის შეგრძნებით. დასახლებების გამოცოცხლებითა და „პრემიუმ გარემოს" კონფიგურაციიის აღქმით;

 

აბულაძის განმარტებით, ქალაქის მთავრობის მოვალეობაა ჰეტეროგენულ გარემოში:

 

თბილისისა და მისი შემოგარენის დიქოტომით არ მოხდეს უთანასწორობის გააღრმავება და „სეგრეგირებული ქალაქის" ფორმირება;

 

არ მოხდეს სოციალურ-ეკონომიკური იზოლირება და კლასებად დაყოფა;

 

პრემიუმ სეგმენტის გარეუბანში კონცენტრირებამ კი უნდა გამოიწვიოს საქმიანი და სიცოცხლისუნარიანი გარემოს ფორმირება;

 

"საქართველოს მენაშენეთა ასოციაციის ხელმძღვანელი" ირაკლი როსტომაშვილი განმარტავს,რომ იმაზე ხმამაღლა საუბარი რომ თბილისის შემოგარენი ვითარდება, არასწორია. როგორც როსტომაშვილი განმარტავს, განვითარება მასშტაბური არ არის. „ადრე უფრო შენდებოდა, რადგან თბილისის შემოგარენში მსგავსი უბნები ადრე არ იყო. წყნეთი, მუხათწყარო და წავკისი არ იყო ასე განვითარებული და რამდენიმე წლის წინ განვითარდა. ახლა ახალი დასახლება არაფერი აშენებულა. ისეთი მასშტაბური განვითარება არ არის. ეს უბნები ადრე ჩამოყალიბდა"-აცხადებს როსტომაშვილი.

 

ქალაქის შემოგარენში უძრავ ქონებაზე მოთხოვნა რომ მკვეთრად გაზრდილია ამაზე საუბრობენ უძრავის ქონების სააგენტოებიც. მათი განცხადებით,თბილისის ცენტრალური უბნები საკმაოდ გადატვირთულია როგორც მშენებლობებით, ისე მანქანებით,ამიტომ მოსახლეობა ცხოვრებას ბევრა უფრო მყუდრო და მშვიდ გარემოში არჩევს.

 

რამდენიმე თვის წინ უძრავი ქონების სააგენტო „ბონუსის" დირექტორი ილია ინაშვილი განმარტავდა, რომ ქალაქის შემოგარენში უძრავ ქონებაზე მოთხოვნა მკვეთრად გაზრდილი იყო.

 

„თბილისთან ახლოს რაიონებში მიწის ნაკვეთები ყოველთვის მოთხოვნადი იყო. პრობლემას მხოლოდ კომუნიკაციების არარსებობაა წარმოადგენს. მაგრამ, როდესაც გამოსწორდება, მოთხოვნაც უფრო მეტად გაიზრდება.

 

რაც შეეხება უშუალოდ უძრავი ქონების გაყიდვებს, ამაზე მოთხოვნა ყოველთვის იყო და ახლაცაა. თბილისის შემოგარენში გაყიდვების კუთხით ბოლო 4-5 წლის ტენდენციას რომ გადახედოთ, ვნახავთ, რომ ეს წლიდან წლამდე მნიშვნელოვნად იზრდება" - აცხადებდა ილია ინაშვილი.

 

 




ახალი თეატრალური დროის თავისებურებანი

ახალი თეატრალური დროის თავისებურებანი
access_time2020-05-31 15:00:00
ბოლო თვეების განმავლობაში დაგუბებულმა თეატრალურმა ენერგიამ, ჩანს,  მაინც თავისი გაიტანა და სცენურ სიგიჟეებთან მუდმივად დაახლოებულ და კორონაშეუგუებელ არტისტებს, რეჟისორებს, დირექტორებს, სცენოგრაფებს, მუსიკოსებს, მენეჯერებსა და სხვებსაც უფრო თამამი არტ მოქმედებისკენ უბიძგა. დღეს ბევრი ევროპული თეატრი თუ საკონცერტო დარბაზი ცდილობს, დროს დაეწიოს...

Liberation: მსოფლიო შიმშილის პანდემიის ზღვარზეა

Liberation: მსოფლიო შიმშილის პანდემიის ზღვარზეა
access_time2020-05-31 14:00:14
მდიდარ და ღარიბ ქვეყნებში, ლათინურ ამერიკაში, ინდოეთში, პაკისტანში, აფრიკაში, ევროპაში  - ღარიბი ადამიანები, რომლებიც პანდემიის გამო კიდევ უფრო ღარიბები გახდნენ, კარანტინს, იზოლაციას, და ეკონომიკის გაჩერებას სულ უფრო აქტიურად აპროტესტებენ. მთელს მსოფლიოში სასურსათო დახმარებაზე მომუშავე ორგანიზაციები ღარიბთა მხრიდან უფასო კვებაზე მოთხოვნის ზრდაზე საუბრობდნენ. მდიდარ საფრენგეთში კი, უფასო სასადილოებში ღარიბების და...

„ვაშინგტონ პოსტი“ - შავ ზღვაზე საქართველო პანდემიისგან საკურორტო თავშესაფრად სახელდება

„ვაშინგტონ პოსტი“ - შავ ზღვაზე საქართველო პანდემიისგან საკურორტო თავშესაფრად სახელდება
access_time2020-05-31 12:30:54
შავ ზღვაზე საქართველო პანდემიისგან საკურორტო თავშესაფრად სახელდება – ამ სათაურით სტატიას გამოცემა...

„სფეის იქსის“ რაკეტა, რომელსაც ასტრონავტები კოსმოსურ სადგურზე მიჰყავს, წარმატებით გაეშვა

„სფეის იქსის“ რაკეტა, რომელსაც ასტრონავტები კოსმოსურ სადგურზე მიჰყავს, წარმატებით გაეშვა
access_time2020-05-30 23:58:40
სფეის იქსის“ რაკეტა „ფალკონ...

ევროპის ყველაზე უსაფრთხო სამოგზაურო მიმართულებების რეიტინგში თბილისი პირველ ადგილს იკავებს

ევროპის ყველაზე უსაფრთხო სამოგზაურო მიმართულებების რეიტინგში თბილისი პირველ ადგილს იკავებს
access_time2020-05-31 10:00:08
ევროპის 20 ყველაზე უსაფრთხო სამოგზაურო მიმართულებაზე European Best Destinations-ის მიერ გამოქვეყნებულ რეიტინგში თბილისი პირველ ადგილს იკავებს. „კოვიდ 19“-ის თვალსაზრისით, ყველაზე უსაფრთხო მიმართულებად ევროპაში სწორედ თბილისი...


მსგავსი სიახლეები

up