თბილისის შემოგარენში აგარაკის დაქირავების ღირებულება 20%-მდე გაიზარდა

თბილისის შემოგარენში აგარაკის დაქირავების ღირებულება 20%-მდე გაიზარდა

access_time2020-06-29 12:30:44

თბილისის შემოგარენში აგარაკების დაქირავების სეზონი მოახლოვდა. პანდემიის ფონზე დედაქალაქთან ახლოს კერძო სახლების ქირაობაზე მოთხოვნა და ფასები საგრძნობლად გაიზარდა.


უძრავი ქონების პორტალების მიხედვით, 2020 წლის ზაფხულში თბილისის შემოგარენში ყველაზე მოთხოვნადი ლოკაციებია: წყნეთი, კოჯორი, წავკისი, ოქროყანა, ტაბახმელა და საგურამო. ადგილმდებარეობის მიხედვით განსხვავებულია ფასები, მაგალითად ერთი თვით აგარაკის დაქირავება კიკეთში და საგურამოში საშუალოდ 2500-დან 3000 ლარამდე ღირს, ტაბახმელაში 4500 ლარი, ოქროყანაში და წყნეთში 5500-დან 6000 ლარამდე, ხოლო კოჯორში 6000 ლარზე ზემოთ.


Myhome-ის პროექტის ხელმძღვანელი მადონა კაჭკაჭაშვილი „კომერსანტთან“ საუბრისას აღნიშნავს, რომ სახლების და აგარაკების ქირავნობაზე მოთხოვნაც და მიწოდებაც წელს გაზრდილია.


„Myhome-ის მონაცემებით, გასული წლის ანალოგიურ პერიოდთან შედარებით, თბილისის შემოგარენში სახლების/აგარაკების ქირავნობაზე გაზრდილია როგორც მიწოდება, ასევე მოთხოვნა. საშუალო ფასი სეზონურ განთავსებაზე, სხვადასხვა ლოკაციაზე, განსხვავდება, თუმცა, მთლიანი ფონით სეზონური ქირის ფასი 5-10%-ის ოდენობითაა გაზრდილი. მიმდინარე სეზონზე, ყველაზე აქტუალური ლოკაციებია: წყნეთი, კოჯორი, წავკისი, ოქროყანა, ტაბახმელა. შარშანდელთან მიმართებაში, შედარებით გააქტიურდა შინდისის მიმართულებაც“, - განმარტავს მადონა კაჭკაჭაშვილი.



აგარაკებზე მოთხოვნის ზრდაზე საუბრობს კომპანია „რემაქსის“ ხელმძღვანელი მარიამ ასათიანიც, თუმცა აღნიშნავს, რომ პანდემიის პირობებში მესაკუთრეების ნაწილმა რომლებიც ადრე უძრავ ქონებას აქირავებდნენ, წელს თავად გადაწყვიტეს აგარაკების გამოყენება, რამაც შესაბამისად მიწოდება შეამცირა.


„თბილისის შემოგარენში აგარაკებზე მოთხოვნა გაზრდილია, ზოგადად სეზონურად მაისი-ივნისის თვიდან ყოველთვის იწყება ზრდა და ეს ამ შემთხვევაშიც ბუნებრივია, თუმცა წლევანდელ სეზონზე, რაც ალბათ კოვიდის პანდემიას უკავშირდება გვაქვს ისეთი ტენდენცია, რომ მოთხოვნა დიდია, თუმცა მიწოდება შემცირდა. მესაკუთრეების ნაწილმა რომლებიც მანამდე სახლებს აქირავებდნენ, პანდემიის პირობებში თავად გადაწყვიტეს არსებული ფართების გამოყენება. შესაბამისად, შემცირდა მიწოდება, ალბათ მეორე მიზეზია, ის რომ ზაფხულის პერიოდში ეს ადამიანები უცხოეთში ვეღარ წავლენ და თავიანთ უძრავ ქონებას თვითონ იყენებენ. ამ ყველაფერმა და მიწოდების შემცირებამ, ფასების ზრდა გამოიწვია, ჩემი ინფორმაციით ზრდა საკმაოდ მაღალია, დაახლოებით 20%-მდე. ადრე თუ  სტანდარტულად მოთხოვნა წყნეთზე, წავკისსა და ოქროყანაზე იყო, წელს იქედან გამომდინარე, რომ ამ ადგილებში ფასები გაიზარდა, უკვე წამოვიდა მოთხოვნა საგურამოზე, მცხეთაზე და სხვა მსგავს ლოკაციებზე, რითაც ადრე საერთოდ არ ინტერესდებოდნენ“, - განაცხადა მარიამ ასათიანმა.



ნინო თამაზაშვილი








„სამუშაო ადგილების შენარჩუნება, საკმაოდ რთული იქნება - ასე თუ გაგრძელდა, ბევრი კომპანია დატოვებს ბაზარს და სავაჭრო ობიექტებიც დაიკეტება“

„სამუშაო ადგილების შენარჩუნება, საკმაოდ რთული იქნება - ასე თუ გაგრძელდა, ბევრი კომპანია დატოვებს ბაზარს და სავაჭრო ობიექტებიც დაიკეტება“
access_time2020-09-26 20:00:53
„სავაჭრო კომპანიების 90%, დღეის მდგომარეობით, ზარალში იმყოფება,“- ამის შესახებ „აი სი არ ჯგუფის“ სამეთვალყურეო საბჭოს თავმჯდომარემ კახა ხაზარაძემ რადიო „პალიტრასა“ და „პალიტრანიუსის“ გადაცემაში „საქმე“ განაცხადა. მისივე თქმით, ზუსტი პროგნოზის გაკეთება რთულია,...

პანდემია და სეზონური გრიპი - ევროპა საფრთხის წინაშეა

პანდემია და სეზონური გრიპი - ევროპა საფრთხის წინაშეა
access_time2020-09-26 18:00:13
ზაფხულის დასრულების შემდეგ, ევროპა მნიშვნელოვანი პრობლემისა და საფრთხის წინაშეა. აგვისტოს ბოლოდან კოვიდ19-ის შემთხვევებმა სხვადასხვა ქვეყანაში მნიშვნელოვნად იმატა. პანდემიას სეზონური გრიპიც ერთვის თან, რაც ჯანდაცვის სფეროს სპეციალისტების თქმით, რეალური საფრთხეა და საჭიროა...

პარლამენტის ყოფილ თავმჯდომარეს და საარჩევნო შტაბის უფროსს წარმოდგენა არა აქვს ქვეყნის ეკონომიკურ მდგომარეობაზე

 პარლამენტის ყოფილ თავმჯდომარეს და საარჩევნო შტაბის უფროსს წარმოდგენა არა აქვს ქვეყნის ეკონომიკურ მდგომარეობაზე
access_time2020-09-26 11:28:24
პარტია „ქართული ოცნების“ აღმასრულებელმა მდივანმა და საარჩევნო შტაბის უფროსმა ირაკლი კობახიძემ „რუსთავი 2“-ის ეთერში ილაპარაკა კორონავირუსის პანდემიამდე საქართველოში მშპ-ს ზრდის შესახებ. პარლამენტის ყოფილმა თავმჯდომარემ ეკონომიკის ზრდის მაჩვენებელი არასწორად, მიმდინარე ფასებში დათვალა და თქვა, რომ...

სექტემბერში საბანკო სექტორში განთავსებული არასაბანკო დეპოზიტების მოცულობა გაიზარდა

სექტემბერში საბანკო სექტორში განთავსებული არასაბანკო დეპოზიტების მოცულობა გაიზარდა
access_time2020-09-26 16:00:42
ეროვნული ბანკის ინფორმაციით, საბანკო სექტორში განთავსებული არასაბანკო დეპოზიტების მოცულობამ 2020 წლის პირველი სექტემბრისათვის 30.93 მლრდ ლარი შეადგინა, რაც 392.65 მლნ ლარით, ანუ 1.29%-ით მეტია პირველი აგვისტოსთვის არსებულ მაჩვენებელზე (გაცვლითი კურსის ეფექტის გარეშე 1.28%-ით მეტი). აგვისტოში, წინა თვესთან შედარებით, ადგილი ჰქონდა ვადიანი დეპოზიტების ზრდას 563.69 მლნ ლარით, ანუ 4.04%-ით (გაცვლითი კურსის ეფექტის გარეშე 4.05%-ით გაიზარდა), ხოლო მოთხოვნამდე დეპოზიტები 171.04 მლნ ლარით, ანუ...

„ქართული ოცნების“ პროგრამა ცარიელი რვეულია, რომელსაც სარჩევიც არ აქვს“ - ლევან კობერიძე

„ქართული ოცნების“ პროგრამა ცარიელი რვეულია, რომელსაც სარჩევიც არ აქვს“ - ლევან კობერიძე
access_time2020-09-25 19:30:42
„ლელოს ვაკის მაჟორიტარობის კანდიდატი ლევან კობერიძე დარგობრივი ეკონომიკისა და ეკონომიკური პოლიტიკის კომიტეტის თავმჯდომარის რომან კაკულიას განცხადებას „კომერსანტთან“ საუბრისას პასუხობს, რომლის თქმით, „ლელო საქართველოსთვის ლიდერის მამუკა ხაზარაძის ინიციატივა, რომელიც მევახშეობის აკრძალვას მოიცავს, „მომავალში დასაწერი წიგნის სარჩევს ჰგავს, რომლის შინაარსიც დაწერილი არ არის და თანაც, განძის კუნძულია ალბათ, სადღაც აღმოჩენილი“. „იმის ნაცვლად რომ ქვეყნის...


მსგავსი სიახლეები

up