პარკირების საპილოტე პროექტი ჩავარდა - „პარკირების სფერო მთლიანად მოშლილია და მეეჭვება, რომ მერიამ ამის დარეგულირება მოახერხოს“

პარკირების საპილოტე პროექტი ჩავარდა - „პარკირების სფერო მთლიანად მოშლილია და მეეჭვება, რომ მერიამ ამის დარეგულირება მოახერხოს“

access_time2019-01-25 11:30:04

თბილისის მერიის ინფორმაციით, 2019 წლის იანვრიდან საპილოტე პროექტი უნდა ამოქმედებულიყო, რომელიც ქალაქის ცენტრალურ უბნებში პარკირებაზე ზონალურ -საათობრივი საფასურის შემოღებას ითვალისწინებდა. დღეს თბილისის სატრანსპორტო კომპანიაში კონკრეტულ დეტალებზე ვერ საუბრობენ. პრესსამსახურის განცხადებით , პროექტთან დაკავშირებით მუშაობა მიმდინარეობს და როდესაც იქნება რეალური გეგმები მომზადებული, ამის შესახებ საზოგადოებას დეტალურ ინფორმაციას მოგვიანებით მიაწვდიან.

 

საპილოტე პროექტის შესახებ ინფორმაცია არ აქვთ არც არასამთავრობო ორგანიზაციებს. „ტრანსპორტისა და გზების ასოციაციის“ ხელმძღვანელის დავით მესხიშვილისთვის გაუგებარია პროექტი, რომლის ამოქმედებასაც თბილისის მერია გეგმავს.

 

„პარკირების საპილოტე პროექტი, რომელიც 2019 წლის იანვრიდან უნდა დაწყებულიყო არ გვინახავს. კონკრეტული დეტალები ჩვენთვის უცნობია. საკითხი თბილისის მერიას არასამთავრობოებთან არ განუხილია. იყო საუბარი, რომ ქალაქი დაიყოს ზონებად და ამის შესაბამისად განისაზღვროს გადასახადი. ასევე საუბრობდნენ საათობრივ გადასახადზე და იმაზე, რომ ფასები სხვადასხვა რაიონში განსხვავებული იქნება. ესენი მხოლოდ სპეკულაციებია. ჩვენს თავს უფლებას ვაძლევთ, რაღაც სპეკულაციებზე ვისაუბროთ, რადგან მერიის სამსახურებს საკითხი განხილვის რეჟიმში არ გამოაქვთ. არის რაღაც საკითხები, რაზეც შესაბამისი სამსახურები არასამთავრობოებთან გადიან კონსულტაციებს და არის რიგი საკითხები, რომელსაც ჩვენთან არ განიხილავენ. ეს არაერთხელ მოხდა. გვეუბნებიან ისეთ საკითხებს, რომელზეც წინასწარ იციან, რომ ჩვენც მოგვეწონება. სადაც განხილვაა საჭირო, იგივე ტაქსებთან დაკავშირებით, კონსულტაციების გავლა არ ისურვეს“, - აცხადებს დავით მესხიშვილი.

 

„ტრანსპორტისა და გზების ასოციაციის“ ხელმძღვანელი „კომერსანტთან“ პარკირების პრობლემაზეც საუბრობს და განმარტავს, რომ თბილისის სატრანსპორტო კომპანია პარკირების ნაწილში არის არაკომპეტენტური, რადგან მას ეს საქმე არასდროს უკეთებია.


 

„სატრანსპორტო კომპანიის მიერ მოგვარებული საკითხი ჩვენ არ გვინახავს. იმ საქმეებზეც, რასაც ისინი წლებია აკეთებენ,  ძალიან ბევრი კითხვა ჩნდება. იმ საქმის გაკეთება, რაც არასდროს უკეთებიათ, საერთოდ წარმოუდგენლად მიმაჩნია. მათი მენეჯმენტი არის გასული საუკუნის, მოძველებული მეთოდოლოგიით. რაც აისახა კიდეც ქალაქზე. ვერავინ მეტყვის, რომ „სითი პარკის“ გასვლის შემდეგ რაიმე გაუმჯობესდა. პირიქით, ჩვენ ვხედავთ გაუარესებას რიგი მიმართულებებით: ეს არის პარკირების ადგილების მიტაცება კერძო თუ იურიდიული პირების მიერ, ისინი ღობავენ ადგილებს, რომელიც არის საზოგადოებრივი სარგებლობის. პარკირების ადგილები დაკავებულია car rent- ით, ტაქსით, მიკრო ავტობუსით. ვნახეთ, რომ რკინის კონსტრუქციებია გზაზე განთავსებული. სრულიად გაუგებარია, რატომ არ აგვარებს მერია ამ პრობლემებს. მარტო ნაგვის ბუნკერებს აქვს ძალიან ბევრი ადგილი დაკავებული. დღემდე ვერ მოახერხეს ის რომ ბუნკერი განთავსდეს ისე, რომ არ დაიკავოს პარკირების ადგილი? ეს ის პრობლემებია, რომელიც აზრს უკარგავს ზონალურ თუ საათობრივ პარკირების სისტემას“, - განმარტავს დავით მესხიშვილი.

 

დავით მესხიშვილი პარკირების პრობლემის მოგვარების გზებზე საუბრობს და განმარტავს, რომ პარკირების საკითხი თბილისის სატრანსპორტო კომპანიამ კი არა, სხვა კერძო კომპანიამ უნდა დაარეგულიროს:

 

„საკითხის მოგვარება თბილისის მერიამ ისეთ კომპანიებს უნდა გადასცეს, ვისაც საერთაშორისო დონეზე  აქვს ამ პრობლემის მოგვარების გამოცდილება. გასაგებია, სითი პარკის თემა, მაგრამ არსებობენ კომპანიები, რომლებიც ამ საკითხში კარგად ერკვევიან. აუცილებლად უნდა გავიხსენოთ მიწისქვეშა პარკირების საკითხი. ჯერ ნარმანიას პერიოდში იწერებოდა ამ საკითხზე, შემდეგ კალაძის დროს გამოცხადდა ინტერესთა გამოხატვა, რომელიც პრაქტიკულად ჩავარდა, რატომ ჩავარდა? მიწისქვეშ ვინ ჩავა, როდესაც მიწის ზევით ყველაფერი დაშვებულია უფასოდ, სანამ ასეთი ვითარებაა მიწისქვეშა პარკირების ბიზნესი ვერასდროს განვითარდება.  პარკირების სფერო მთლიანად მოშლილია და მეეჭვება, რომ მერიამ ამის დარეგულირება მოახერხოს“, -აცხადებს დავით მესხიშვილი.


ბაჩო ადამია

 





27 ნოემბერი - რეგიონში მხოლოდ ქართული ლარი გაუფასურდა

27 ნოემბერი - რეგიონში მხოლოდ ქართული ლარი გაუფასურდა
access_time2020-11-27 18:15:54
კორონავირუსის უარყოფითი ეფექტი რეგიონში ყველაზე მკვეთრად ქართული ლარის კურსზე აისახა. 2020 წლის განმავლობაში, ქართული ლარი აშშ დოლართან მიმართებაში დაახლოებით 12%-ით გაუფასურდა. შედარებისთვის, დაახლოებით 11%-ით არის შემცირებული თურქული ლირა, სომხური დრამი და აზერბაიჯანული მანათი კი 2%-ის ქვემოთ მერყეობს. ეროვნული ბანკის მიერ 26 ნოემბრის ვაჭრობის შედეგად, ეროვნული ვალუტა აშშ დოლართან მიმართებით გამყარდა, რის შედეგადაც ერთი დოლარის ოფიციალური ღირებულება 3.3164 ლარი გახდა....

დღის Top 10 საინტერესო ამბავი

დღის Top 10 საინტერესო ამბავი
access_time2020-11-27 21:00:33
დღის Top 10 საინტერესო ამბავი: 1.„მარტში რესტორნების სასაფლაოს მივიღებთ, მათი 90% ვეღარ გაიხსნება“ - რესტორატორთა ასოციაცია მთავრობის გადაწყვეტილებით, 28 ნოემბერი - 31 იანვრის ჩათვლით რესტორნები და კვების ობიექტები მთლიანად გატანის სერვისზე გადადიან. „რესტორატორთა ასოციაციის” ხელმძღვანელი კოტე გაბრიჩიძე „კომერსანტთან“...

„ყოველი დაკეტილი დღე 10 მილიონიანი ზარალია“ - სავაჭრო ცენტრები ფუნქციონირების შეზღუდვის 15 დეკემბერიდან მოხსნას ითხოვენ

„ყოველი დაკეტილი დღე 10 მილიონიანი ზარალია“ - სავაჭრო ცენტრები ფუნქციონირების შეზღუდვის 15 დეკემბერიდან მოხსნას ითხოვენ
access_time2020-11-27 16:15:35
თბილისში არსებული დიდი სავაჭრო ცენტრების ხელმძღვანელების განცხადებით, მთავრობის მიერ გამოცხადებულმა ე.წ. ლოკდაუნმა ისინი მწარე რეალობის წინაშე დააყენა, ყოველი დაკეტილი დღე 6 ცენტრისთვის 10 მილიონი ზარალია. თბილისში არსებული დიდი სავაჭრო ცენტრების წარმომადგენლები პრემიერმინისტრსა და ანტიკრიზისულ საბჭოს მიმართავენ. ეს სავაჭრო ცენტრებია: გალერეა თბილისი;თბილისი მოლი;ისთ ფოინთი;თბილისი ცენტრალი;ქარვასლა;სითი...

„ფინანსთა სამინისტროს აქილევსის ქუსლია დავების საბჭო, ის როგორც დამოუკიდებელი ინსტიტუტი არ არსებობს“ - პაატა შურღაია

„ფინანსთა სამინისტროს აქილევსის ქუსლია დავების საბჭო, ის როგორც დამოუკიდებელი ინსტიტუტი არ არსებობს“ - პაატა შურღაია
access_time2020-11-27 18:00:38
ცვლილებები საქართველოს საგასახადო კოდექსში - რას მოიცავს დღგ-ს რეფორმა და რამდენად გამარტივდება პროცედურები. რადიო კომერსანტის გადაცემაში „ჩემი აუდიტორი“ „გრანთ თორნთონის“ პარტნიორი პაატა შურღაია საუბრობს. „კარგი და მნიშვნელოვანი სიახლეა, ორი წელია უკვე გვესმის დღგ-ს ავტომატურად დაბრუნების რეჟიმის შესახებ. წინა ნაწილში საუბარი იყო ნაწილობრივი დაბრუნების შესახებ, ახლა კი სრულ დაბრუნებაზეა საუბარი. წესით მთლიანად დეფინიცია - დამატებითი...

ლევან დავითაშვილი - პურზე ფასი არ გაიზრდება

ლევან დავითაშვილი - პურზე ფასი არ გაიზრდება
access_time2020-11-27 14:45:22
საქართველოს მთავრობამ მიიღო გადაწყვეტილება პირველი ხარისხის ხორბლის ფქვილის სუბსიდირების შესახებ იმგვარად, რომ ჩვენ შევინარჩუნოთ ის ფასები, რომელიც პურის გაძვირებას თავიდან აგვაცილებს, - ამის შესახებ გარემოს დაცვისა და სოფლის მეურნეობის მინისტრმა ლევან დავითაშვილმა უწყებათაშორისი საკოორდინაციო საბჭოს სხდომის დასრულების შემდეგ, მთავრობის ადმინისტრაციაში გამართულ ბრიფინგზე განაცხადა. მინისტრის განმარტებით, პროგრამა მომავალი კვირიდან ამოქმედდება და 4 თვის განმავლობაში, 31...


მსგავსი სიახლეები

up