თბილისის საკრებულოში კომისიების გაფართოებულ სხდომაზე მიწათსარგებლობის ახალი გენერალური გეგმის პროექტს მხარი დაუჭირეს

თბილისის საკრებულოში კომისიების გაფართოებულ სხდომაზე მიწათსარგებლობის ახალი გენერალური გეგმის პროექტს მხარი დაუჭირეს

access_time2019-03-15 14:54:19

თბილისის საკრებულოში კომისიების გაფართოებულ სხდომაზე დედაქალაქის მიწათსარგებლობის ახალი გენერალური გეგმის პროექტს მხარი დაუჭირეს. ასევე, თბილისის მუნიციპალიტეტის ტერიტორიების გამოყენებისა და განაშენიანების რეგულირების წესებში შესატან ცვლილებებს.


თბილისის ახალი გენგეგმის პროექტი სხდომაზე თბილისის მერის მოადგილემ მაია ბითაძემ წარმოადგინა. განხილვას ოპოზიციონერი დეპუტატები არ დასწრებიან.


მაია ბითაძის თქმით, ახალი გენგეგმა 2009 წლის გენგეგმასთან შედარებით თბილისში რეკრეაციული ტერიტორიების საერთო რაოდენობას 4,5 მლნ კვადრატულზე მეტით ზრდის.



„სამშენებლოდან არასამშენებლო ზონებში გადატანილი მიწის ნაკვეთების საერთო ჯამი არის 6 მლნ-ზე მეტი, რაც თვალნათლივ აჩვენებს იმას, რომ რაოდენ ორიენტირებულია გენგეგმა მწვანე ქალაქის კონცეფციის რეალიზებაზე. მწვანე ქალაქთან მიმართებით იდენტიფიცირებულია ის არეალები, სადაც უნდა განვითარდეს ახალი მასშტაბური საქალაქო პარკები, რომელთა პროექტების განვითარება მუნიციპალიტეტს დაწყებული აქვს, კერძოდ, დიღმის ჭალებსა და თემქის ხევთან მიმართებით. საუბარია 7 და 20 ჰა სრულიად ახალ საპარკო ტერიტორიებზე. ასევე, მწვანე ქალაქის კონცეფციის ნაწილად განიხილება ის, რომ ქალაქის გარშემო გაუნაშენიანებელი ტერიტორიების მკაცრი დაცვის რეგულირება შემოდის რეკრეაციული ზომების სახით. მწვანე ქალაქის უმნიშვნელოვანესი კომპონენტია ასევე ის, რომ 2%- დან 46% - მდე გაიზარდა სატყეო ზონების ფართობი. საჭოთა კავშირის ნგრევის შემდგომ თბილისის სატყეო ზონების ინვენტარიაზაცია არ განხორციელებულა, რაც უმნიშვნელოვანესი წინ გადადგმული ნაბიჯია თბილისის ეკოსისტემის დაცვისათვის. გენგეგმის გაგრძელებაა შეკავშირებული ქალაქი, რაც თავის თავში მოიცავს იმას, რომ დადგინდა განაშენიანების კონტური, როგორც ქალაქის განაშენიანებული ნაწილისათვის, ასევე შემოერთებული სოფლებისათვის. ძალიან მნიშვნელოვანია ის, რომ მკაფიოდ იქნა დატანილი რუკაზე ისტორიულ-კულტურულ-ლანდშაფტური ზონა, რაც თავისთავად უმნიშვნელოვანესი წინ გადადგმული ნაბიჯია. ეს ზონა გამქრალი იყო რეგულირების სფეროდან. შეკავშირებული ქალაქის უმნიშვნელოვანესი კომპონენტია ისიც, რომ გენგეგმაზე მოცემულია ის პოტენციური ტერიტორიები, რომელიც უნდა დაზუსტდეს სატრანსპორტო პოლიტიკის ორი დოკუმენტით, რომელმაც უნდა განსაზღვროს როგორც სამარშრუტო სქემები, ასევე კავშირები მტკვრის მარჯვენა და მარცხენა სანაპიროსთან. უნდა განსაზღვროს კავშირები ქალაქის განაშენიანებულ და გაუნაშენიანებელ ტერიტორიებს შორის", - განაცხადა მაია ბითაძემ.


IPN.GE 






თავისუფლების მოედანზე სასტუმრო „მონოგრაფი“ გენერალურ მენეჯერს ეძებს - სასტუმროს გახსნის თარიღი ცნობილია

თავისუფლების მოედანზე სასტუმრო „მონოგრაფი“ გენერალურ მენეჯერს ეძებს - სასტუმროს გახსნის თარიღი ცნობილია
access_time2019-05-23 15:30:44
თავისუფლების მოედანზე  5-ვარსკვლავიანი სასტუმრო “მონოგრაფი“ აგვისტოს პირველ ნახევარში გაიხსნება და პირველ სტუმარსაც ამ დროს მიიღებს. ამის შესახებ „კომერსანტს“ კომპანია „ჩენელ ჯორჯიას“ დამფუძნებელმა მაია სიდამონიძემ განუცხადა, რომელიც სასტუმროს საკონსულტაციო მომსახურებას უწევს. სიდამონიძის ინფორმაციით, იქიდან გამომდინარე, რომ სასტუმროს ფასადი კულტურული მემკვიდრეობის ძეგლს წარმოადგენს, სარესტავრაციო სამუშაოების დასრულება შედარებით...

მამუკა ბახტაძე ლარის გაუფასურებაზე: თურქეთის გავლენაა, ეს არის ძალიან მოკლევადიანი ეფექტი

მამუკა ბახტაძე ლარის გაუფასურებაზე: თურქეთის გავლენაა, ეს არის ძალიან მოკლევადიანი ეფექტი
access_time2019-05-23 14:00:22
პრემიერმინისტრ მამუკა ბახტაძის აზრით, ლარის მკვეთრი გაუფასურება "თურქეთის ფაქტორმა" გამოიწვია. პრემიერი მიიჩნევს, რომ ეს არის მოკლევადიანი ეფექტი და ეროვნული ვალუტა უახლოეს პერიოდში დაუბრუნდება იმ მაჩვენებელს, "რომელსაც უნდა დავუბრუნდეთ". მამუკა ბახტაძემ მთავრობის სხდომამდე გამართულ პრესკონფერენციაზე აღნიშნა, რომ ქართულ ეკონომიკაში ყველა ფუნდამენტური ფაქტორი არის "ძალიან მდგრადი და პოზიტიური ტრენდის მქონე". მისი შეფასებით, ორიენტირება...

აქცია ქუთაისის ტექნოლოგიურ უნივერსიტეტთან - „დარგვა ჭრის ნაცვლად“

აქცია ქუთაისის ტექნოლოგიურ უნივერსიტეტთან - „დარგვა ჭრის ნაცვლად“
access_time2019-05-23 13:47:39
"სამოქალაქო მოძრაობის" იმერეთის ორგანიზაციის წევრები წითელ წიგნში შეტანილი ხეების მოჭრას აპროტესტებენ. უნიკალური ხეები ქუთაისის ტექნოლოგიური უნივერსიტეტის მშენებლობას ეწირება. ლაპარაკია ქუთაისთან ახლოს მდებარე მუხრანის ტყეზე, რომელსაც საღორიის ტყესაც ეძახიან. აქციის მონაწილეები  მშენებარე ტექნოლოგიურ უნივერსიტეტთან...

მამუკა ბახტაძე - დარწმუნებული ვარ, საქართველო სამედიცინო სერვისების მიწოდებით რეგიონში ლიდერი ქვეყანა გახდება

მამუკა ბახტაძე - დარწმუნებული ვარ, საქართველო სამედიცინო სერვისების მიწოდებით რეგიონში   ლიდერი ქვეყანა გახდება
access_time2019-05-23 12:16:07
დარწმუნებული ვარ, სამედიცინო სერვისების მიწოდებით საქართველო გახდება ლიდერი ქვეყანა რეგიონში, - ამის შესახებ საქართველოს პრემიერ-მინისტრმა მამუკა ბახტაძემ თბილისის სახელმწიფო სამედიცინო უნივერსიტეტში, სამედიცინო განათლების საერთაშორისო ასოციაციის (AMEE) რეგიონული წარმომადგენლობის გახსნის ღონისძიებაზე სიტყვით გამოსვლისას განაცხადა. პრემიერმა სამედიცინო განათლების საერთაშორისო ასოციაციის, AMEE-ის ცენტრის გახსნის მნიშვნელობაზე ისაუბრა და მადლობა გადაუხადა...

საქართველოს ჯანდაცვის ჯგუფი ვასილ ახრახაძეს პასუხობს:„გარდა სტანდარტული ბანკი/კლიენტის ურთიერთობისა, ადგილობრივ ბანკებთან სხვა არაფერი გვაკავშირებს“

საქართველოს ჯანდაცვის ჯგუფი ვასილ ახრახაძეს პასუხობს:„გარდა სტანდარტული ბანკი/კლიენტის ურთიერთობისა, ადგილობრივ ბანკებთან სხვა არაფერი  გვაკავშირებს“
access_time2019-05-23 12:30:03
 „ადგილობრივ ბანკებთან, სტანდარტული  ურთიერთობის გარდა,(რომელიც გულისხმობს კლიენტს/ბანკს)არაფერი გვაკავშირებს  —  საქართველოს ჯანდაცვის ჯგუფი დაზღვევის კავშირის თანათავმჯდომარეს, ვასილ ახრახაძეს მიმართავს, რომელმაც კომერსანტთან არაპროფილური აქტივების ფლობასთან დაკავშირებით...


მსგავსი სიახლეები

up