დღეს, თბილისის საერთაშორისო აეროპორტის გაფრენის ტერმინალში, საერთაშორისო ფულადი გზავნილების სისტემა ინტელიექსპრესის განახლებული ფილიალი გაიხსნა. აეროპორტში ინტელიექსპრესი წარმოდგენილია ორი ფილიალით, როგორც ჩამოფრენის, ისე გაფრენის ტერმინალებში.

ახალ ლოკაციაზე ინტელიექსპრესის მომხმარებლებს აქვთ შესაძლებლობა 24 საათის განმავლობაში განახორციელონ თანხის კონვერტაცია საუკეთესო კურსით, გაგზავნონ და გაანაღდონ ფულადი გზავნილები, როგორც ქვეყნის შიგნით, ასევე საზღვარგარეთ მსოფლიოს 70-მდე ქვეყანაში, გადარიცხონ თანხა საბანკო ანგარიშზე საქართველოში, უკრაინაში, დიდ ბრიტანეთში, ევროკავშირისა და აზიის ქვეყნებში.

საერთაშორისო ფულადი გზავნილების სისტემის სერვისით სარგებლობა როგორც ფიზიკურ, ასევე იურიდიულ პირებს შეუძლიათ. ინტელიექსპრესი მომხმარებლებს სთავაზობს მომსახურების საერთაშორისო სტანდარტებს, კონკურენტული ტარიფებითა და ინდივიდუალური შეთავაზებებით.

საერთაშორისო ფულადი გზავნილების სისტემა ინტელიექსპრესს აქვს 21 ფილიალი საქართველოს მასშტაბით. საქართველოს გარდა კი ფლობს საკუთარ ფილიალებს დიდ ბრიტანეთში, საბერძნეთში, თურქეთში, იტალიასა და კვიპროსში. ფულადი გზავნილების კომპანიის სერვისი, აგენტი ბანკების, პარტნიორი სისტემებისა და საკუთარი ფილიალების მეშვეობით, ხელმისაწვდომია ევროპის, აზიის, აფრიკის, ჩრდილო და სამხრეთ ამერიკის 70-ზე მეტ ქვეყანაში.

საქართველოში ინტელიექსპრესის ფილიალების სრული ჩამონათვალი იხილეთ ბმულზე.

(R)