თბილისის მეტროს რეაბილიტაციისა და ახალი მოძრავი შემადგენლობის შესაძენად 75 მილიონი ევროს სესხი გამოიყო

თბილისის მეტროს რეაბილიტაციისა და ახალი მოძრავი შემადგენლობის შესაძენად 75 მილიონი ევროს სესხი გამოიყო

access_time2020-04-30 21:15:11

ევროპის რეკონსტრუქციისა და განვითარების ბანკი (EBRD) მწვანე კლიმატის ფონდი (GCF) საქართველოს 75 მილიონი ევროს სესხს გამოუყოფენ. (65 მლნ – EBRD, 10 მლნ – GCF).


როგორც ევროპის რეკონსტრუქციისა და განვითარების ბანკის პრესრელიზშია აღნიშნული, სესხი თბილისის მეტროს რეაბილიტაციასა და ახალი მოძრავი შემადგენლობის შეძენას ითვალისწინებს.


„თბილისის მოქალაქეები 75 მილიონი ევროს ოდენობის სამთავრობო სესხით ისარგებლებენ. აქედან 65 მილიონს EBRD უზრუნველყოფს, ხოლო დანარჩენი მწვანე კლიმატის ფონდიდან (GCF) გამოიყოფა. სესხი დედაქალაქის მთავარი სატრანსპორტო საშუალების, მეტროს რეაბილიტაციასა და ახალი მოძრავი შემადგენლობის შეძენას ითვალისწინებს. სასიცოცხლოდ მნიშვნელოვანი ინფრასტრუქტურის ფუნქციონირების ხელშეწყობა EBRD-ის მხრიდან კოროვირუსის პანდემიაზე რეაგირების მთავარი შემადგენელი ნაწილია. ამასთან, ბანკისთვის კვლავ პრიორიტეტულია მწვანე და მდგრადი საინვესტიციო გადაწყვეტილებები“, – აცხადებს EBRD.


საქართველოსთვის გამოყოფილი თანხა ქვესესხის სახით გადაეცემა ქალაქ თბილისს, თბილისის სატრანსპორტო კომპანიის სასარგებლოდ და მოხმარდება 40 თანამედროვე მეტროს ვაგონის შეძენას და დეპოსა და გვირაბის რეაბილიტაციას.


ინვესტიცია EBRD-ის მწვანე ქალაქების პროგრამის (EBRD Green Cities) ნაწილია და თბილისის მწვანე ქალაქის სამოქმედო გეგმით (GCAP) გათვალისწინებული შემდგომი ინვესტიციაა. სამოქმედო გეგმა განსაზღვრავს საკითხებს, რომლებზეც დაუყოვნებლივ რეაგირებაა საჭირო და, რომლებიც მიმართულია ქალაქის ძირითადი ეკოლოგიური გამოწვევების საპასუხოდ, რომელთაგან ერთ-ერთი ჰაერის ხარისხია. ეს არის პირველი პროექტი, რომელიც GCF/მწვანე ქალაქების პროგრამის მიერ დაფინანსდება.


„მეტროს რეაბილიტაცია და ახალი მოძრავი შემადგენლობა გააუმჯობესებს საზოგადოებრივი ტრანსპორტის საიმედოობას, უსაფრთხოებასა და ეფექტურობას და მგზავრებს კომფორტული და ეკოლოგიურად უსაფრთხო ტრანსპორტით უზრუნველყოფს. თბილისში თითქმის 1,2 მილიონი ადამიანი ცხოვრობს და პიკის საათებში მოძრაობა გადატვირთულია. განახლებული მეტრო ხელს შეუწყობს კერძოდან საზოგადოებრივ ტრანსპორტის გამოყენებაზე გადასვლას, რაც უზრუნველყოფს ჰაერის დაბინძურების საგრძნობ შემცირებას“, – აღნიშნულია პრესრელიზში.



პროექტის მიზანია, ასევე, გენდერული თანასწორობისა და ჯანდაცვისა და უსაფრთხოების სტანდარტების გაუმჯობესების ხელშეწყობა. ეს გულისხმობს დასაქმების ადგილზე შესაბამისი ტრენინგების უზრუნველყოფას, საქალაქო ტრანსპორტის სექტორში დასაქმების თანაბარი შესაძლებლობების ხელშეწყობის მიზნით.


EBRD–მა დაიწყო სასიცოცხლო ინფრასტრუქტურის მხარდაჭერის პროგრამა, რომელიც კორონავირუსზე რეაგირების პაკეტის ნაწილია და მისი მიზანია უზრუნველყოს ძირითადი ინფრასტრუქტურული მარაგებისა და სერვისების ფუნქციონირება და განვითარება. ბანკი აღნიშნავს, რომ ინფრასტრუქტურული ინვესტიციები უმნიშვნელოვანესია ადგილობრივი ეკონომიკისთვის და სამუშაო ადგილების შექმნისა და შენარჩუნებისათვის.


„ევროპის რეკონსტრუქციისა და განვითარების ბანკი ერთ-ერთი პირველია, რომელიც ქვეყანას აქტიურ ფინანსურ დახმარებას უწევს COVID-19 წინააღმდეგ ბრძოლაში. ჩვენი პარტნიორების მხრიდან გამოყოფილი ფინანსური რესურსი ამჯერად მოხმარდება ერთ-ერთ მნიშვნელოვან პრიორიტეტს – მუნიციპალური ტრანსპორტის, მათ შორის, მეტროს რეაბილიტაციას, ასევე ახალი თანამედროვე ტიპის ვაგონების შეძენას, რაც აუცილებელია ჩვენი მოქალაქეების უსაფრთხო გადაადგილების უზრუნველყოფისთვის. კიდევ ერთხელ, მსურს, მადლობა გადავუხადო ბანკის ხელმძღვანელობას და მის რეგიონულ ოფისს, კატარინა ბიორლინ ჰანსენს, მჭიდრო თანამშრომლობისა და საქართველოსთვის გაწეული დახმარებისთვის. COVID-19-ის პანდემიის პირობებში გამოყოფილ ამ მხარდაჭერას აქვს უდიდესი მნიშვნელობა ჩვენი ქვეყნის განვითარებისთვის,“ – განაცხადა საქართველოს ფინანსთა მინისტრმა ივანე მაჭავარიანმა.


თბილისის მერის კახა კალაძის განცხადებით, ევროპის რეკონსტრუქციისა და განვითარების ბანკი არაერთი წელია, რაც მხარს უჭერს თბილისის მუნიციპალური ტრანსპორტის განვითარებას.


„ძალიან მადლიერი ვართ, რომ COVID-19-ის პანდემიით გამოწვეული რთული ეკონომიკური პირობების მიუხედავად, ბანკის მხარდაჭერა საქართველოს ეკონომიკისა და მოქალაქეებისადმი შეუფერხებლად გრძელდება. მადლობას ვუხდით ბანკის გუნდს საქართველოში და მზად ვარ, გავაგრძელოთ თანამშრომლობა მომავალშიც“, – განაცხადა თბილისის მერმა.


როგორც კავკასიაში EBRD-ის რეგიონულმა დირექტორმა, კატარინა ბიორლინ ჰანსენმა, განაცხადა, ამ უპრეცენდენტო კრიზისის დროს, EBRD თავისი საქმიანობის ქვეყნებისა და კლიენტების გვერდით დგას და მზად არის, მათ მნიშვნელოვანი დახმარება შესთავაზოს.


„ინფრასტრუქტურა გადამწყვეტ როლს თამაშობს იმ სერვისების მიწოდებაში, რაც აუცილებელია ყოველდღიური ცხოვრებისა და ეკონომიკის ფუნქციონირებისათვის. თბილისის მეტროს რეაბილიტაცია მნიშვნელოვანი წინ გადადგმული ნაბიჯია ქალაქის წინაშე მდგარი გარემოს დაცვის გამოწვევებზე რეაგირების პროცესში. ხარისხიან საჯარო ტრანსპორტზე მოთხოვნა მაღალია და ამგვარ პროექტებს საგრძნობი დადებითი შედეგი აქვს გარემოს დაცვისა და სოციალური მდგომარების თვალსაზრისით“, – აღნიშნა კატარინა ბიორლინ ჰანსენმა.


EBRD წამყვანი ინსტიტუციური ინვესტორია საქართველოში. ქვეყანაში მუშაობის დაწყების დღიდან, ბანკმა 3.7 მილიარდი ევროს ოდენობის ინვესტიცია განახორციელა 249 პროექტში – ფინანსურ, კორპორატიულ და ენერგო სექტორებში. ინვესტიციების 87 პროცენტი კერძო სექტორზე მოდის.


1tv.ge





„მომავალ შაბათს რომ საპარლამენტო არჩევნები ტარდებოდეს – ოცნება 19%, ენმ 14%, გახარია 3%“ – IRI

„მომავალ შაბათს რომ საპარლამენტო არჩევნები ტარდებოდეს – ოცნება 19%, ენმ 14%, გახარია 3%“ – IRI
access_time2023-04-25 14:00:33
საერთაშორისო რესპუბლიკური ინსტიტუტი (IRI) საზოგადოების აზრის კვლევას აქვეყნებს. კითხვაზე, ვის მისცემდნენ ხმას, საპარლამენტო არჩევნები მომავალ შაბათს რომ ტარდებოდეს, 19% ქართულ ოცნებას ასახელებს, 14% ერთიან ნაციონალურ მოძრაობას.  მოქალაქეებს დაუსვეს კითხვა - საპარლამენტო არჩევნები რომ მომავალ შაბათს ტარდებოდეს, რომელ პარტიას მისცემდით ხმას? (თუ მისცემდით) / თქვენ მიერ არჩეული პარტია რომ ბიულეტენზე არ ყოფილიყო, სანაცვლოდ ვის მისცემდით ხმას? (თუ...

IRI-ის კვლევის მიხედვით, გამოკითხულთა 91%-ს ყველაზე მეტად პატრიარქი, 52%-ს კახა კალაძე, ხოლო 48%-ის სალომე ზურაბიშვილი მოსწონს

IRI-ის კვლევის მიხედვით, გამოკითხულთა 91%-ს ყველაზე მეტად პატრიარქი, 52%-ს კახა კალაძე, ხოლო 48%-ის სალომე ზურაბიშვილი მოსწონს
access_time2023-04-25 13:30:40
„საერთაშორისო რესპუბლიკური ინსტიტუტის (IRI)“ ახალი კვლევის თანახმად, გამოკითხულთა 91%-ს ყველაზე მეტად საქართველოს პატრიარქი ილია მეორე მოსწონს.   ამავე კვლევის თანახმად, რეიტინგში მეორე ადგილს თბილისის მერი კახა კალაძე იკავებს, რომელიც გამოკითხულთა 52%-ს მოსწონს, 48%-ით მესამე ადგილზეა საქართველოს პრეზიდენტი, სალომე ზურაბიშვილი, რომელსაც მოსდევს პრემიერ-მინისტრი ირაკლი ღარიბაშვილი 43%-ით.   ცნობისთვის, IRI-ის კვლევა 2023 წლის 4-23 მარტის პერიოდში...

უკრაინამ სუდანიდან 138 ადამიანის ევაკუაცია წარმატებით განახორციელა, მათ შორის არიან საქართველოს მოქალაქეებიც

უკრაინამ სუდანიდან 138 ადამიანის ევაკუაცია წარმატებით განახორციელა, მათ შორის არიან საქართველოს მოქალაქეებიც
access_time2023-04-25 12:50:16
უკრაინამ წარმატებით ჩაატარა სამაშველო ოპერაცია სუდანის ტერიტორიიდან მოქალაქეების ევაკუაციის მიზნით. სულ გამოიყვანეს 138 ადამიანი, მათ შორის უცხოელები. ამის შესახებ უკრაინული მედია თავდაცვის სამინისტროს მთავარი სადაზვერვო სამმართველოს პრესსამსახურზე დაყრდნობით იუწყება. აღნიშნულია, რომ ოპერაცია უკრაინის პრეზიდენტის აპარატთან და საგარეო საქმეთა სამინისტროსთან კოორდინაციით დაზვერვის მთავარმა დირექტორატმა განახორციელა. „წარმატებული...

რომელ პარტიას არ მისცემდით ხმას: 39% „ნაციონალურ მოძრაობას“, 34 % კი „ქართულ ოცნებას“ ასახელებს“ - IRI

რომელ პარტიას არ მისცემდით ხმას: 39% „ნაციონალურ მოძრაობას“, 34 % კი „ქართულ ოცნებას“ ასახელებს“ - IRI
access_time2023-04-25 13:15:07
IRI-ს კვლევის მიხედვით, გამოკითხულთა 39 პროცენტი აცხადებს, რომ ნებისმიერ გარემოებაში ხმას არ მისცემდა „ერთიან ნაციონალურ მოძრაობას“.   კითხვაზე რომელ პარტიას არ მისცემდით ხმას, ნებისმიერ გარემოებაში, შედეგები შემდეგნაირად გადანაწილდა, „ერთიანი ნაციონალური მოძრაობა – 39%; „ქართული ოცნება“ – 34%; „კონსერვატიული მოძრაობა – ალტ-ინფო“ -16%; „გირჩი მეტი თავისუფლება – ზურაბ გირჩი ჯაფარიძე“ – 13%; „პატრიოტთა ალიანსი, დავით თარხან-მოურავი და ირმა ინაშვილი“ – 13%; „გირჩი“ -13%;...

მიხეილ ლომთაძის Kaspi.kz-მა აშშ-ში ფასიანი ქაღალდების განთავსებისთვის მზადება დაიწყო

მიხეილ ლომთაძის Kaspi.kz-მა აშშ-ში ფასიანი ქაღალდების განთავსებისთვის მზადება დაიწყო
access_time2023-04-25 12:30:09
მიხეილ ლომთაძის Kaspi.kz-მა შეერთებულ შტატებში შესვლისთვის მზადება დაიწყო. ამის შესახებ ნათქვამია კომპანიის 2023 წლის პირველი კვარტლის ანგარიშში, რომელიც გამოქვეყნდა ორშაბათს, 24 აპრილს. ანგარიშის მიხედვით, ყაზახური ფინტექი მომზადების „ადრეულ ეტაპზეა“, „რადგან ნებისმიერი ტრანზაქცია, რა თქმა უნდა, ბაზრის პირობებზეა დამოკიდებული. ჩვენ ვხედავთ ბევრ პოტენციურ სარგებელს აშშ-ს სიაში, მათ შორისაა გაფართოება, უფრო მრავალფეროვანი აქციონერთა ბაზა და გაზრდილი სავაჭრო ლიკვიდობა“, -...


მსგავსი სიახლეები

up