თბილისის მერის მოადგილე მაია ბითაძემ გაეროს ევროპის ეკონომიკური კომისიის ფორუმში მიიღო მონაწილეობა

თბილისის მერის მოადგილე მაია ბითაძემ გაეროს ევროპის ეკონომიკური კომისიის ფორუმში მიიღო მონაწილეობა

access_time2020-10-08 23:59:34

თბილისის მერის მოადგილე მაია ბითაძემ მონაწილეობა მიიღო გაეროს ევროპის ეკონომიკური კომისიის ფორუმში. ამის შესახებ ინფორმაციას თბილისის მერია ავრცელებს.


„აღნიშნულ ფორუმში ევროპის რეგიონის სხვადასხვა ქალაქის მერებმა და მერის მოადგილეებმა ისაუბრეს ქალაქების როლზე მდგრადი განვითარების პროცესში. 


მაია ბითაძემ კოლეგებს გაუზიარა თბილისის გამოცდილება, მდგრადი ურბანული მობილობის კუთხით გადადგმულ ნაბიჯებზე. კერძოდ, ქალაქის სატრანსპორტო პოლიტიკის ძირეულ ცვლილებაზე, რომელიც ეყრდნობა ევროკავშირის სატრანსპორტო პოლიტიკას და ახალ სატრანსპორტო ინფრასტრუქტურაზე.


მან ხაზი გაუსვა მდგრად განვითარებაზე ორიენტირებული ქალაქის მნიშვნელობას, არა მხოლოდ ლოკალურ, არამედ გლობალურ გამოწვევებთან გასამკლავებლად. კერძოდ, ადგილობრივ დონეზე სწორი სატრანსპორტო პოლიტიკის გატარებით შესაძლებელია, მნიშვნელოვნად შემცირდეს სათბური გაზების ემისია, რაც, ადგილობრივ დონეზე ჰაერის დაბინძურების შემცირებასთან ერთად, ხელს შეუწყობს კლიმატის ცვლილებასთან ბრძოლის პროცესს.



მერის მოადგილემ, ასევე, ისაუბრა მწვანე სივრცეების მნიშვნელობაზე, რომლის განვითარება თბილისის მერიის უმთავრეს პრიორიტეტებს შორისაა. მისი თქმით, თბილისში დაგეგმილი ახალი საქალაქო პარკების მშენებლობა თბილისის არამხოლოდ გარემოსდაცვითი, არამედ ეკონომიკური განვითარების წინაპირობაა.


მაია ბითაძე შეეხო ქალაქის მდგრად განვითარებაში კერძო სექტორის სოციალურ პასუხისმგებლობასაც. ამის ერთ-ერთ მაგალითად მან ფონდ „ქართუს“ მიერ იპოდრომის ტერიტორიაზე ცენტრალური პარკის მშენებლობის პროექტი დაასახელა.


მერის მოადგილემ ხაზი გაუსვა გარემოსდაცვითი დემოკრატიის განვითარების მნიშვნელობასა და ევროპის საბჭოს მხარდაჭერით განხორციელებულ მონაწილეობითი დემოკრატიის საპილოტე პლატფორმაზე ისაუბრა. აღნიშნული პლატფორმა ხელს შეუწყობს საზოგადოების აქტიურ ჩართულობას მწვანე სივრცეების დაგეგმარების პროცესში“ - ნათქვამია ინფორმაციაში.







Business Insider: Facebook-ის და Twitter-ის კაპიტალიზაცია ჯამურად 51 მლრდ-ით შემცირდა

Business Insider: Facebook-ის და Twitter-ის კაპიტალიზაცია ჯამურად 51 მლრდ-ით შემცირდა
access_time2021-01-19 20:00:50
ბოლო რამდენიმე დღეში სოციალური ქსელების Facebook-ის და Twitter-ის კაპიტალიზაცია ჯამურად 51 მლრდ.-ით შემცირდა იმის გამო, რომ ინვესტორებს ტრამპის გვერდის გაუქმების გადაწყვეტილება არ მოეწონათ. მათ შორის Facebook-მა 47,6, ხოლო Twitter-მა 3,5 მლრდ. დოლარი დაკარგეს. ყველაფერი იმის შემდეგ დაიწყო, რაც ორივე კომპანიამ განაცხადა, რომ სამუდამოდ აუქმებენ დონალდ ტრამპის აკაუნტებს ახალი ძალადობის გაღვივების მაღალი რისკის გამო. ეს მოხვდა მთავრობის...

Forbes: Signal და Telegram - თავშესაფარი გაბრაზებული კონსერვატორებისთვის

Forbes:  Signal და Telegram - თავშესაფარი გაბრაზებული კონსერვატორებისთვის
access_time2021-01-19 19:00:53
2021 წლის 6-10 იანვარს მესენჯერ Signal-ს დღეში საშუალოდ 250 000, ხოლო Telegram-ს 1,1 მლნ. მომხმარებელი ემატებოდა, რაც ამ სერვისების 409% და 61%-ით ზრდას ნიშნავს. ასეთი ინტერესი მათ მიმართ, მსხვილი სოციალური ქსელების მიერ დონალდ ტრამპის და მისი მომხრეების წინააღმდეგ მიღებულმა ზომებმა გამოიწვია. Signal-ის ერთ-ერთი უპირატესობაა, მისი უსაფრთხოება, რადგანაც ის განსაკუთრებით რთულ შიფრებს იყენებს, რომელთა დაბლოკვა თითქმის...

სწრაფი გადახდის აპარატით სარგებლობისთვის მომხმარებლის იდენტიფიკაცია სავალდებულო ხდება

სწრაფი გადახდის აპარატით სარგებლობისთვის მომხმარებლის იდენტიფიკაცია სავალდებულო ხდება
access_time2021-01-19 13:00:20
სწრაფი გადახდის აპარატებით სარგებლობისთვის მომხმარებლის იდენტიფიკაცია სავალდებულო ხდება. ინფორმაცია ამის შესახებ ტაბულას ეროვნულ ბანკში დაუდასტურეს. როგორც უწყებაში ამბობენ, გადაწყვეტილება ფულის გათეთრებასთან და ტერორიზმის დაფინანსებასთან ბრძოლის ახალი სტრატეგიის ნაწილია. გადაწყვეტილების შესახებ ეროვნულ ბანკს ოფიციალურად ჯერ არაფერი უთქვამს და მოსალოდნელია, რომ ინფორმაცია ამის შესახებ მომდევნო კვირებში გავრცელდება. მიუხედავად იმისა, რომ გადაწყვეტილების შესახებ...

1 ტომარა ფქვილზე სახელმწიფო სუბსიდია შესაძლოა, 10 ლარიდან 15 ლარამდე გაიზარდოს

1 ტომარა ფქვილზე სახელმწიფო სუბსიდია შესაძლოა, 10 ლარიდან 15 ლარამდე გაიზარდოს
access_time2021-01-19 16:00:38
1 ტომარა ფქვილზე სახელმწიფო სუბსიდია შესაძლოა, 10 ლარიდან 15 ლარამდე გაიზარდოს. როგორც „ინტერპრესნიუსს“ ხორბლისა და ფქვილის მწარმოებელთა ასოციაციის აღმასრულებელმა დირექტორმა, ლევან სილაგავამ განუცხადა, დღესღეობით 1 ტომარა ფქვილის ფასი 68 ლარამდეა გაზრდილი, ამიტომ 10 ლარიანი სუბსიდია ფასის შესანარჩუნებლად საკმარისი აღარაა. „პროგრამაში თავიდანვე ჩადებული იყო რისკები, რომ მაგალითად, რუსეთს 15 თებერვლიდან შემოაქვს კვოტირება, ასევე სავალუტო რისკი, ელექტროენერგიის გაძვირების...

10 000 რესტორნიდან 9500 აღარ მუშაობს, სექტორი განადგურებულია - რესტორატორთა ასოციაცია

10 000 რესტორნიდან 9500 აღარ მუშაობს, სექტორი განადგურებულია - რესტორატორთა ასოციაცია
access_time2021-01-19 15:00:03
10 000 რესტორნიდან, 9500 აღარ მუშაობს, სექტორი განადგურებულია, - ასე აფასებს საქართველოს რესტორატორთა ასოციაციის თავმჯდომარე კოტე გაბრიჩიძე სარესტორნო ბიზნესის ამჟამინდელ მდგომარეობას. მისი განმარტებით, რეგისტრირებული 10 000 რესტორნიდან 95% უმოქმედო და გაკოტრებულია. „ფაქტობრივად მკვდარია, ამას რა გააცოცხლებს არ ვიცი. ჩავთვალოთ, რომ რესტორნის მფლობელმა ახალი კაფე/რესტორანი უნდა გახსნას და არა მუშაობა განაახლოს. უამრავი კაფე/რესტორანი დაიცალა იმის გამო, რომ მეპატრონეს...


მსგავსი სიახლეები

up