თბილისის მერის მიერ დაანონსებული, მრავალსართულიანი ავტოფარეხების პროექტი შეჩერებულია

თბილისის მერის მიერ დაანონსებული, მრავალსართულიანი ავტოფარეხების პროექტი შეჩერებულია

person access_time2016-02-29 16:23:43

როდის დაიწყება თბილისის მერიის მიერ დაანონსებული მიწისქვეშა და მრავალსართულიანი ავტოსადგომების მშენებლობა, გაურკვეველია. გასული წლის სექტემბერში ქალაქის მთავრობაში „კომერსანტთან" აცხადებდნენ, რომ თბილისში თანამედროვე ტექნოლოგიების მიწისზედა და მიწისქვეშა ავტოსადგომების მოსაწყობად სათანადო გამოცდილების მქონე კონსულტანტს ერთი თვის ვადაში შეარჩევდნენ.

 

ახლა მერიაში აცხადებენ, რომ ამ მიმართულებით ახალი არაფერია, შესაბამისად, არც საკონსულტაციო კომპანიაა შერჩეული, რომელიც ავტოსადგომების მშენებლობისთვის საჭირო ადგილების შესწავლას დაიწყებს. ადგილობრივ მუნიციპალიტეტში ამბობენ, რომ თუ რაიმე სიახლე იქნება, გვაცნობებენ.

 

2015 წლის სექტემბერში აცხადებდნენ, რომ იმ დროისთვის აღნიშნული სამუშაოს შესრულებით რამდენიმე საკონსულტაციო კომპანია იყო დაინტერესებული.

 

"შერჩეული კომპანია უზრუნველყოფს შესაბამისი კვლევის ჩატარებას და თბილისში პარკირების საჭიროების, დაცული პარკირების ადგილების და ავტოსადგომების ადგილმდებარეობის დადგენას, თბილისის (ვაკის, საბურთალოს, კრწანისის, მთაწმინდის, დიდუბის, ჩუღურეთის) ცენტრალურ ქუჩებში, ისტორიულ და ბიზნეს რაიონებში მიწისქვეშა პარკირების შესაძლებლობების შეფასებას და მათი ტევადობის (მომავალში სატრანსპორტო მოძრაობის ზრდის გათვალისწინებით) განსაზღვრას,"- განმარტავდნენ თბილისის მერიაში.



დედაქალაქში მიწისქვეშა მრავალსართულიანი ავტოსადგომების მოწყობის ვალდებულება ახალმა მერმა საკრებულოს წინაშე აიღო. დავით ნარმანიას თბილისის განვითარების ახალი პროგრამის მიხედვით, პარკირების ადგილების მოწყობა ძალიან ეფექტურია გზებზე საცობების თავიდან აცილების თვალსაზრისით.


2015 წლის იანვარში დედაქალაქის არქიტექტორის სამსახურში აცხადებდნენ, რომ მერიაში შესულია კონკრეტული ინიციატივები.


"ეშმაკის ბორბლის ტიპის მექანიზმია, ითხოვს ძალიან მცირედ ფართს და განთავსდება ძალიან ბევრი მანქანა. ასეთი მექანიზმი შემოგვთავაზა ბევრმა დეველოპერმა და აი, ამ მექანიზმის ჩამოტანის საშუალება გვაქვს. თვითონ ტარიფი რა იქნება ამ ფარეხის, ეს პირდაპირ განპირობებულია, თუ რანაირი ტიპის ხელშეკრულებას დავდებთ უკვე ბიზნესმენებთან''- აცხადებდა არქიტექტურის სამსახურის ყოფილი უფროსი ნინო ღოღობერიძე.


ამ განცხადებების მიუხედავად, დღემდე უცნობია ვინ და რა პროცედურებით განახორციელებს აღნიშნული პარკირების ადგილების მოწყობას და რომელი კომპანია მოახდენს მის მართვას. ცნობილია მხოლოდ ის, რომ ამ სადგომების აშენებას კომპანია „სითი პარკი" არ აპირებს.



დაკეტილი სკოლები - სექტემბრიდან სწავლება შერეული სისტემით გაგრძელდება

დაკეტილი სკოლები - სექტემბრიდან სწავლება შერეული სისტემით გაგრძელდება
access_time2020-07-04 18:00:12
გაეროს ბავშვთა ფონდის საქართველოს ოფისის წარმომადგენელმა დღეს მმართველ გუნდს პირდაპირ უთხრა, რომ სექტემბერში სწავლა ჩვეულ რეჟიმში უნდა განახლდეს. ღასან ხალილი ხელისუფლებას მოსწავლეთა საუკეთესო ინტერესების დაცვისკენ მოუწოდებს. მისი თქმით, სკოლების დაკეტვა ბავშვებზე ნეგატიურ გავლენას ახდენს, ქვეყანაში...

საპენსიო დანაზოგებით, შესაძლოა, სახელმწიფო საწარმოები დაფინანსდეს

საპენსიო დანაზოგებით, შესაძლოა, სახელმწიფო საწარმოები დაფინანსდეს
access_time2020-07-04 16:00:24
ფინანსთა მინისტრის მოადგილის, ნიკოლოზ გაგუას ინფორმაციით, დაგროვებითი საპენსიო სქემის დანაზოგებით, მთავრობა სახელმწიფო საწარმოების დაფინანსების შესაძლებლობას...

Hotsale.ge-ზე განთავსებულ 400-ზე მეტ სასტუმროში ერთ კვირაში 2000 ჯავშანი გაიყიდა

Hotsale.ge-ზე განთავსებულ 400-ზე მეტ სასტუმროში ერთ კვირაში 2000 ჯავშანი გაიყიდა
access_time2020-07-04 17:30:40
დას­ვე­ნე­ბის სე­ზო­ნი მალე აქ­ტი­ურ ფა­ზა­ში შევა, დამ­სვე­ნე­ბელ­თა დიდი ნა­წი­ლი კი, სა­ქარ­თვე­ლო­ში არ­სე­ბულ კუ­რორ­ტებს შე­არ­ჩევს. სა­ინ­ტე­რე­სოა, წელს სად შე­იძ­ლე­ბა ხა­რის­ხი­ა­ნად დას­ვე­ნე­ბა და მნიშ­ვნე­ლო­ვა­ნი და­ნა­ზო­გე­ბის გა­კე­თე­ბა. რო­მე­ლი სას­ტუმ­რო­ე­ბია ყვე­ლა­ზე მო­თხოვ­ნა­დი და რო­გო­რია მათი ფა­სე­ბი? ამის შე­სა­ხებ  HOTSALE.GE-ს დი­რექ­ტორს თა­თუ­ლი ზა­კა­ლაშ­ვილს...

ნიუ-იორკის უძრავი ქონების ბაზარი ჩამოიშალა

ნიუ-იორკის უძრავი ქონების ბაზარი ჩამოიშალა
access_time2020-07-04 13:00:42
კორონავირუსის გამო შემოღებული 3 თვიანი კარანტინი აშშ-ში უძრავი...

გერმანიაში 2038 წლისთვის ქვანახშირის ყველა ელექტროსადგურს დაკეტავენ

გერმანიაში 2038 წლისთვის ქვანახშირის ყველა ელექტროსადგურს დაკეტავენ
access_time2020-07-04 11:30:07
გერმანიაში 2038 წლისთვის ქვანახშირის ყველა ელექტროსადგურს...


მსგავსი სიახლეები

up