თბილისის მერია განახლებული ჭავჭავაძის გამზირისთვის 155 ახალ სკამს ყიდულობს. თითო სკამისთვის, საშუალოდ, 8 464 ლარი აქვს გამოყოფილი, რაც ჯამში 1 311 870 ლარია.
ტენდერი უკვე გამოცხადებულია, გამარჯვებული კი თვის ბოლოს გამოვლინდება. გამარჯვებული კომპანია ვალდებული იქნება, თავადვე დაამონტაჟოს სკამები ჭავჭავაძის გამზირზე.
განახლებული ჭავჭავაძის გამზირისთვის თბილისის მერიამ სკამების შესაძენად ტენდერი რამდენიმე თვის წინაც გამოაცხადა. მაშინ თითო სკამში, საშუალოდ, 12 135 ლარის გადახდა იგეგმებოდა.
რადიო „თავისუფლება“