თბილისის მერი მაჭავარიანის ქუჩაზე მეწყრულ ზონაში მიმდინარე საპრევენციო სამუშაოებს გაეცნო

თბილისის მერი მაჭავარიანის ქუჩაზე მეწყრულ ზონაში მიმდინარე საპრევენციო სამუშაოებს გაეცნო

access_time2021-04-08 20:40:00

თბილისის მერი კახა კალაძე, მაჭავარიანის ქუჩაზე მეწყრულ ზონაში მიმდინარე საპრევენციო სამუშაოებს გაეცნო. ინფორმაციას თბილისის მერიის პრესსამსახური ავრცელებს.


როგორც დედაქალაქის მერმა სოციალურ ქსელში განთავსებულ ვიდეომიმართვაში განაცხადა, აღნიშნულ ფერდზე მეწყრული პროცესი ჯერ კიდევ ათეულობით წლების წინ დაიწყო, ხოლო მისი გააქტიურების პირველივე დღეებიდან, თბილისის მერიამ, სპეციალისტებთან ერთად, საპრევენციო ღონისძიებები მყისიერად დასახა.



„პრობლემა, რომელზეც ჩვენ ვსაუბრობთ, არის ათეულობით წლების. ამ პრობლემას სჭირდება მოგვარება, რათა მომდევნო წლებში აღარ შეიქმნას მსგავსი ვითარება. როდესაც გაირკვა, რომ ფერდზე მეწყრული პროცესი გააქტიურდა და იყო გარკვეული საშიშროება, ჩვენ მაშინვე მივიღეთ გადაწყვეტილება და მაჭავარიანის ქუჩაზე გადაადგილება ორმხრივად შევზღუდეთ. შეიქმნა სპეციალური სამუშაო ჯგუფი, სადაც ქართველი და უცხოელი სპეციალისტები არიან ჩართულები. მათი რეკომენდაციით დაიწყო პრევენციული ღონისძიებები,“- განაცხადა კახა კალაძემ.



თბილისის მერი კახა კალაძე, მოსახლეობის ევაკუაციის საჭიროებასთან დაკავშირებით გავრცელებულ ცრუ ინფორმაციასაც გამოეხმაურა. მისი განცხადებით, მსგავსი შინაარსის განცხადებები მოსახლეობაში პანიკის დათესვა ისახავს მიზნად, რაც კატეგორიულად მიუღებელია.



„სიცრუე, რომელიც მიზანმიმართულად ვრცელდებოდა და ემსახურებოდა პანიკის დათესვას, კატეგორიულად მიუღებელია. შეიძლება ვიღაცას მე არ მოვწონვარ, შეიძლება დღევანდელი დედაქალაქის მთავრობა არ მოსწონს , მაგრამ ამგვარი განცხადებები აზარალებს და პირდაპირ წინააღმდეგობაში მოდის თბილისთან, მიმდებარე ტერიტორიაზე მცხოვრებ ადამიანებთან. საუბარი იყო იმაზე, თითქოს მუნიციპალიტეტი არასწორად იქცევა და არ ახორციელებს ადამიანების ევაკუაციას. ევაკუაციის აუცილებლობა არ არის, ამას ვაცხადებთ სრული პასუხისმგებლობით. თუ ამის აუცილებლობა დადგებოდა, პირველები ვიქნებოდით ჩვენ, ვინც გადაწყვეტილებას მიიღებდა და მოსახლეობას გაიყვანდა უსაფრთხო ადგილზე. არავის მივცემთ შესაძლებლობას, საზოგადოება მოატყუოს, შეიყვანოს შეცდომაში და დათესოს პანიკა,“- აღნიშნა თბილისის მერმა.




კახა კალაძის თქმით, კომპანიას „კავკასუს როუდ პროჯექტი“ , რომელიც ამჟამად მაჭავარიანის ქუჩაზე მეწყრულ ზონაში მიმდინარე საპრევენციო სამუშაოებს ახორციელებს, დიდი გამოცდილება გააჩნია.



„ეს არის კომპანია, რომელიც მუშაობდა წყნეთი-ბეთანიას აღდგენით სამუშაოებზე. მე მახსოვს, რამდენად რთული მდგომარეობა იყო იმ კონკრეტულ მონაკვეთზე. საუბრობდნენ იმაზეც, რომ იქ შეუძლებელი იქნებოდა გზის დაბრუნება, თუმცა გერმანელი სპეციალისტების ჩართულობით, კომპანიის სწორი მუშაობითა და გადაწყვეტილებებით, დღეს გზა ჩვეულებრივ გახსნილია. ასევე შეშელიძის ქუჩის კონკრეტული მონაკვეთი, სადაც გვაქვს მეწყრული ფერდი, სერიოზულ პრობლემას წარმოადგენდა. ირგვლივ მაღალსართულიანი კორპუსებია განთავსებული, რომლებსაც ფაქტობრივად საძირკველი ეცლებოდა, ისეთი მძიმე მდგომარეობა იყო. დღეს ყველაფერი მოწესრიგებულია, მიმდინარეობს სამუშაოები და არანაირი საფრთხე არ არსებობს“,- განაცხადა კახა კალაძემ.



კომპანიას „კავკასუს როუდ პროჯექტის“ ხელმძღვანელის პაატა ტრაპაიძის განმარტებით, ამ ეტაპზე ვაშლიჯვრის ფერდზე მიღწეული დროებითი სტაბილურობა და მიმდინარეობს შემდგომი ღონისძიებების დაგეგმვა.



„ეს არ არის ახალი გამოგონება, ჩვენ ვმოქმედებთ მსოფლიოში გამოცდილი მეთოდით. ამ ეტაპზე მივაღწიეთ დროებით სტაბილურობას, დაწყებულია სრული მოდელირება წულუკიძის სახელობის სამთო ინსტიტუტთან ერთად. პროცესში ჩართულები არიან ჩვენი გერმანელი მეგობრები, ინჟინერ-გეოლოგები, რომლებიც ჩვენთან თანამშრომლობენ ბოლო 5 წლის განმავლობაში,“- აღნიშნა პაატა ტრაპაიძემ.



მაჭავარიანის ქუჩაზე მეწყრულ ზონაში მიმდინარე საპრევენციო სამუშაოების ფარგლებში ტერიტორიაზე 24-საათიანი მონიტორინგი მიმდინარეობს, დამონტაჟებულია თანამედროვე მონიტორინგის სისტემა.






LEFIGARO: გლობალურ პოლიტიკაში საზღვრების მნიშვნელობა ბრუნდება

LEFIGARO: გლობალურ პოლიტიკაში საზღვრების მნიშვნელობა ბრუნდება
access_time2021-04-10 20:00:49
ბოლო 5 წლის მანძილზე ქვეყნებს შორის საზღვრების გახსნილობამ 3 მძიმე დარტყმა მიიღო - ტერორიზმი, მიგრანტები და პანდემია.ამ სამმაგმა შოკმა ის მოიტანა, რომ განვითარებული ქვეყნების მრავალწლიანი მცდელობები საზღვრები ფაქტიურად წაეშალათ, აშკარად ჩავარდა - ფაქტი კი ისაა, რომ საზღვრები არსად არ გამქრალა, და მათ კონტროლი სჭირდებათ.ცივი ომის დასრულებიდან 30 წლის შემდეგ, ჩვენ მორიგი ციკლის დასასრულის მოწმეები ვართ -...

Daily Express: ევროკავშირში განხეთქილების 5 მთავარი ფაქტორი

Daily Express: ევროკავშირში განხეთქილების 5 მთავარი ფაქტორი
access_time2021-04-10 18:05:44
ევროკავშირის ლიდერთა სოლიდარობა და ერთიანობა პანდემიის მთელი პერიოდის მანძილზე დიდი გამოცდის წინაშე დგას, რაც ნათლად ადასტურებს, რამდენად სუსტი და არამყარია ეს გაერთიანება.თანაც კორონავირუსი ერთადერთი მიზეზი არაა, რომლის გამოც ევროკავშირის ერთიანობა კითხვის ქვეშ დგას. ევროპის ქვეყნების ლიდერები შესაძლოა ერთმანეთს შეეჯახონ რამდენიმე საკითხის გამო, რომელმაც მათ შორის უთანხმოება უკვე წარმოქმნა.საკვანძო პრობლემებია - კონსენსუსის არარსებობა...

4-11 მაისი საქართველოს მასშტაბით უქმე დღეებად ცხადდება

4-11 მაისი საქართველოს მასშტაბით უქმე დღეებად ცხადდება
access_time2021-04-09 20:11:02
უწყებათაშორისი საკოორდინაციო საბჭო დამსაქმებლებს თანამშრომელთა დისტანციურ სამუშაო რეჟიმში გადაყვანის რეკომენდაციით მიმართავს, 4-11 მაისი კი საქართველოს მასშტაბით უქმე დღეებად ცხადდება, - აღნიშნული გადაწყვეტილებები უწყებათაშორისი საკოორდინაციო საბჭოს სხდომაზე მიიღეს, რომელიც პრემიერ-მინისტრ ირაკლი ღარიბაშვილის ხელმძღვანელობით დღეს ვიდეოკონფერენციის ფორმატში გაიმართა. ინფორმაციას მთავრობის ადმინისტრაციის პრესსამსახური ავრცელებს. „საკოორდინაციო საბჭომ დღევანდელ სხდომაზე...

ჩინეთი საკუთარ ეკონომიკას თავად აზარალებს - Project-syndicate

ჩინეთი საკუთარ ეკონომიკას თავად აზარალებს - Project-syndicate
access_time2021-04-09 20:30:09
      2021 წლის მარტში ჩინეთის ხელმძღვანელობამ ქვეყნის განვითარების 14-წლიანი გეგმა ოფიციალურად დაამტკიცა, რომლის ძირითადი არსია შიდა მოხმარების სტიმულირება და ტექნოლოგიური დამოუკიდებლობის მიღწევა.თუმცა, ამ დოკუმენტზე ჯერ მელანი არ გამშრალა და პეკინი თავისივე სტრატეგიას თავად არღვევს იმით, რომ მნიშვნელოვან სავაჭრო პარტნიორებთან ურთიერთობებს იფუჭებს.კერძოდ, ჩინეთი რამდენიმე ბრიტანელი და კანადელი პოლიტიკოსის, ასევე...

აშშ-მ “ჩრდილოეთ ნაკადი-2“-ს წინააღმდეგ ახალი სანქციები დაამტკიცა

აშშ-მ “ჩრდილოეთ ნაკადი-2“-ს წინააღმდეგ ახალი სანქციები დაამტკიცა
access_time2021-04-09 19:00:28
აშშ-ს იუსტიციის სამინისტრომ როგორც მინიმუმ სანქციების 2 პაკეტი - „ჩრდილოეთ ნაკადი-2“-ს და მისი ოპერატორი-კომპანიის გენერალური დირექტორის მატიას ვარინგის წინააღმდეგ - დაამტკიცა - იტყობინება საიტი Politico.თუმცა, ეს შეზღუდვები ჯერ ძალაში არ შესულა და ამ დროისთვის თეთრი სახლი კონსულტაციებს აწარმოებს ახალი სპეცწარმომადგენლის დანიშვნის თაობაზე - სწორედ მას მოუწევს რუსული გაზსადენის წინაამღდეგ საერთაშორისო ძალისხმევის...


მსგავსი სიახლეები

up