თბილისის მერი კოჯორი-სამადლოს გზაზე მიმდინარე სამუშაოებს გაეცნო

თბილისის მერი კოჯორი-სამადლოს გზაზე მიმდინარე სამუშაოებს გაეცნო

access_time2016-05-23 09:28:37

თბილისის მერი დავით ნარმანია და კეთილმოწყობის საქალაქო სამსახურის უფროსი გივი კუბლაშვილი კოჯორი-სამადლოს დამაკავშირებელი გზის 6.4-კილომეტრიან მონაკვეთში მიმდინარე საგზაო სამუშაოებს გაეცნენ.


დავით ნარმანიას თქმით, საგზაო სამუშაოები გზის დაზიანებულ მონაკვეთში ფუნდამენტურად ხორციელდება.


„ეს არის კოჯორი-სამადლოს დამაკავშირებელი გზის მონაკვეთი, რომელიც წლების განმავლობაში დაზიანებული იყო და გადაადგილების თვალსაზრისით პრობლემას ქმნიდა. ასევე, სტიქიის შემდეგ ეს გზა წარმოადგენდა მოძრაობის თვალსაზრისით ერთადერთ ალტერნატივას დედაქალაქიდან შემოერთებული ტერიტორიების მიმართულებით, ამიტომაც სტრატეგიულადაც ძალიან მნიშვნელოვანია. სამუშაოები ორ ნაწილად დავყავით. პირველი ეტაპით გათვალისწინებული სამუშაოები გზის სამკილომეტრიან მონაკვეთში დასრულებულია, მეორე სამკილომეტრიან მონაკვეთზე კი გრძელდება საგზაო ინფრასტრუქტურის კაპიტალური შეკეთების სამუშაოები.



გაკეთდა ბეტონის სახიდე გადასასვლელები, კედლები გამაგრდა, გამტარუნარიანობის გაზრდის მიზნით გაგანიერდა გზის ცალკეული მონაკვეთები, სადაც მოეწყობა ასფალტის საფარი - განაცხადა თბილისის მერმა. კოჯორი-სამადლოს გზის კაპიტალური რეაბილიტაციის საჭიროება 2015 წლის ივნისში მომხდარი სტიქიით გამოწვეულმა შედეგებმა განაპირობა. სტიქიური მოვლენების შედეგად მწყობრიდან გამოვიდა წყნეთი-ბეთანიის გზა, რამაც მნიშვნელოვნად გაზარდა ავტოტრანსპორტის ნაკადი თბილისი-კოჯრის მიმართულებაზე. ამასთან, დაზიანდა წყალამრიდი და წყალგამტარი ნაგებობები, ჩამონაშალებისგან კი შევიწროვდა გზის მონაკვეთები. ინფრასტრუქტურის დაზიანების გამო გზის საექსპლუატაციო მდგომარეობა არადამაკმაყოფილებელი აღმოჩნდა და დაზიანებული გზის გადაუდებელი კაპიტალური შეკეთება გახდა აუცილებელი.


პროექტი ორი ეტაპისგან შედგება. პირველი ეტაპით გათვალისწინებული საინჟინრო ნაგებობების აღდგენის სამუშაოები დასრულებულია. სარეაბილიტაციო სამუშაოების პირველ ეტაპზე აშენდა 3 საყრდენი კედელი, მოეწყო 16 სანიაღვრე მილი, წყალმიმღები ჭები და კიუვეტები.


სარეაბილიტაციო სამუშაოებს შ.პ.ს „ჯი არ ჯი“ აწარმოებს. პროექტი 2015 წლის 23 დეკემბერს დაიწყო და ივნისის ბოლოს დასრულდება. აღნიშნული გზის რეაბილიტაციისთვის დედაქალაქის ბიუჯეტიდან 7 025 000 ლარამდე დაიხარჯება.



ბიძინა ივანიშვილის გარემოცვა ჩართული არის ელიტარულ კორუფციაში

ბიძინა ივანიშვილის გარემოცვა ჩართული არის ელიტარულ კორუფციაში
access_time2020-02-25 19:00:51
პარლამენტის დარგობრივ სხდომაზე ფინანსთა მინისტრი არ მივიდა. ფრაქცია „დამოუკიდებელი დეპუტატების“ წევრმა ლევან კობერიძემ გადაცემაში „პოლიტიკის ფორმულა“  განაცხადა,რომ ფინანსთა მინისტრმა ისინი მოატყუა. „ჩვენ გავაგზავნეთ ფინანსთა და ჯანდაცვის მინისტრებთან წერილი,რომ მობრძანებულიყვნენ ფრაქციაში და კონკრეტულ საკითხებზე გვესაუბრა. ეს საკითხებია დღგ-ს ნაწილში ყალბი აქტივის შექმნა, ტელევიზიების მიერ არგადახდილი დღგ და აზარტული თამაშები.  კითხვები გვქონდა...

როგორ მივაღწიოთ ინკლუზიურ ეკონომიკურ ზრდას საქართველოში?

როგორ მივაღწიოთ ინკლუზიურ ეკონომიკურ ზრდას საქართველოში?
access_time2020-02-25 17:00:17
ISET-ი ინკლუზიურ ეკონომიკურ ზრდასთან დაკავშირებით კვლევას აქვეყნებს. მათი ინფორმაციით,საქართველოში ბოლო ათწლეულებში ეკონომიკური პოლიტიკის გარკვეული ინიციატივები ერთმანეთთან შეუსაბამობაში მოდის. მაგალითად, ერთი მხრივ, მთავრობა ცდილობს, წაახალისოს მცირე ფერმერები, გადაინაცვლონ ეკონომიკის სხვა სექტორებში (რისთვისაც წარმოების ხელშემწყობ სააგენტოებს აარსებს), მეორე მხრივ, ეხმარება მათ სხვადასხვა პროგრამებით (მაგ. კოოპერატივების მხარდაჭერით), აიმაღლონ პროდუქტიულობა და დარჩნენ სოფლის მეურნეობაში....

გლობალური პანდემია შესაძლოა მსოფლიოს 1 ტრილიონი დოლარი დაუჯდეს

გლობალური პანდემია შესაძლოა მსოფლიოს 1 ტრილიონი დოლარი დაუჯდეს
access_time2020-02-25 20:00:35
შემაშფოთებელი პერსპექტივა იმის, რომ კორონავირუსის მასშტაბური გავრცელება გლობალიზაციის ეპოქის პირველი მძლავრი პანდემია აღმოჩნდეს, ბადებს ეჭვებს მსოფლიოს ეკონომიკურ სტაბილურობაზე. კორონავირუსით გარდაცვლილთა რიცხვმა 3000-ს მიაღწია, დაფიქსირდა 80 000-ზე მეტი შემთხვევა.  იტალიაში ვირუსის გავრცელებამ ეკონომიკის უმდიდრეს ზონებს დარტყმა მიაყენა. ზოგი ეკონომისტი საუბრობს, თუ რა შეიძლება გამოიწვიოს არათანაბარმა განვითარებამ გლობალურ...

876 ათასი ლარი ავეჯის შესაძენად – ვინ მართავს ბათუმის სტადიონს

876 ათასი ლარი ავეჯის შესაძენად – ვინ მართავს ბათუმის სტადიონს
access_time2020-02-25 18:00:17
ბათუმის საფეხბურთო სტადიონისთვის ავეჯის შესაძენად აჭარის ფინანსთა და ეკონომიკის სამინისტროს შპს „სტადიონმა“ ელექტრონული ტენდერი გამოაცხადა. სკამების, მაგიდების, დივნების, კარადების და სხვა ინვენტარის შესაძენად აჭარის ბიუჯეტიდან 876 ათასი ლარია გამოყოფილი.ავეჯის დიზაინი, დეტალური ტექნიკური მახასიათებლები, განლაგების სქემა და ნახაზები ტენდერის პირობებშია...

როგორ კარგავს ბიუჯეტი მნიშვნელოვან თანხებს თხევადი აირის იმპორტიდან

როგორ კარგავს ბიუჯეტი მნიშვნელოვან თანხებს თხევადი აირის იმპორტიდან
access_time2020-02-25 15:45:46
თხევადი აირი (LPG) სულ უფრო პოპულარული ხდება ქართველ მომხმარებელში და ამას აქვს არაერთი მიზეზი. მაგალითად არაოფიციალური მონაცემებით (ოფიციალური სტატისტიკა არ იწარმოება), თუ 2 წლის წინ ამ საწვავზე მომუშავე ავტომანქანების რაოდენობა 1 000 ავტომობილს აღწევდა, დღეს მათი რიცხვი 10 000 ავტომობილს აჭარბებს. LPG -ის სწრაფი პოპულარობის მიზეზი კი როგორც ვახსენეთ რამდენიმეა. პირველი და, რა თქმა უნდა, მთავარი არის ფასი. ერთი კოლოგრამი LPG-ის ღირებულება, საშუალოდ 1.25 ლარია. საგულისხმოა ის გარემოებაც, რომ...


მსგავსი სიახლეები

up