დეკემბრის შუა რიცხვებში, თბილისის 25 არაქსელურ მაღაზიაში სპეციალური სტენდები გამოჩნდება, რომელზეც მხოლოდ ქართული წარმოების აგროპროდუქტები განლაგდება.
აღნიშნული ინიციატივა პროექტის „რატომ- ქართული?!“- ს ფარგლებში ხორციელდება, რომელიც ქართული მაღაზიების ასოციაციამ USAID-ის სასოფლო-სამეურნეო პროგრამასთან ერთობლივად წარადგინა.
კიდევ ერთი მიმართულება ამ პროექტის, რომელიც წლის ბოლოს დაიწყება, მდგომარეობს იმაში, რომ ქართული აგროპროდუქტების პოპულარიზება ორ უნივერსალურ სავაჭრო პლატფორმაზე-Myshop.ge და Extra.ge - ზეც მოხდება.
როგორც პროექტის მენეჯერი ივა მათიაშვილი განმარტავს, ინიციატივის მიზანია ერთი მხრივ კონკრეტული მწარმოებლების და პროდუქციის პოპულარიზება, მეორეს მხრივ მწარმოებლების ხელშეწყობა პროდუქციის გაყიდვაში, ასევე კავშირების დამყარებაში და შემოსავლების ზრდაში.
„ამჟამად ჩვენი პროექტი გათვლილია არამალფუჭებად პროდუქტებზე, გარდა ალკოჰოლური სასმელებისა. ესენია ძირითადად - ჩირები, ჩაი, თაფლი, ხილისა და ბოსტნეულის წვენები, კონსერვები და ა.შ. პროექტის ფარგლებში ჩვენ უზრუნველვყოფთ პროდუქციის ტრანსპორტირებას სარეალიზაციო ობიექტამდე.
პროდუქცია, რომელსაც ჩვენ განვავითარებთ უნდა იყოს ეტიკტის ყველა ნორმის დაცვით ბრენდირებული. სტენდებზე შეზღუდული სივრცის გამო, მაღაზიებში ჩვენ განვათავსებთ მხოლოდ იმ პროდუქციას, რომლის მწარმოებელი კომპანიებიც USAID-ის პროგრამის ბენეფიციარები არიან. რაც შეეხება ონლაინ პლატფორმებს, აქ განთავსდება ნებისმიერი ქართველი მწარმოებლის აგროპროდუქტი, თუ რა თქმა უნდა, მათ ამის სურვილი ექნებათ. ვფიქრობ ასეთი პლატფორმები პერსპექტიული არხია გაყიდვებისთვის, განსაკუთრებით პანდემიის პირობებში,“ - ამბობს ივა მათიაშვილი.
მისი თქმით, დღეს უკვე რამდენიმე ათეულმა მწარმოებელმა გამოთქვა ინტერესი პროექტში მონაწილეობის. ხოლო ვისაც პროდუქციის ეტიკეტირება ჯერ არ დაუსრულებია, შეუძლია მომავალი წლიდან შემოუერთდნენ პროგრამას.
მათიაშვილი ამბობს, რომ თუ პროექტი გაამართლებს, მაღაზიების რაოდენობაც გაიზრდება და შესაბამისად სტენდების მოცულობაც.
საქართველოს მაღაზიების ასოციაცია, 2018 წელს შეიქმნა. იმავე წლის ბოლოს ასოციაციამ 300-ამდე არაქსელური მაღაზია გააერთიანა, ამჟამად კი მათი რიცხვი 900-ს აღწევს.
EASTFRUIT.GE
მარიამ მორგოშია