თბილისის ბიუჯეტი დაახლოებით 50 მილიონი ლარით კიდევ გაიზრდება

თბილისის ბიუჯეტი დაახლოებით 50 მილიონი ლარით კიდევ გაიზრდება

access_time2018-11-16 14:56:47

ირაკლი ხმალაძე: მუნიციპალიტეტის შემოსავლები მნიშვნელოვნად არის გაზრდილი და ქალაქს კიდევ უფრო მეტი თანხა მოხმარდება


თბილისის ვიცე-მერის ირაკლი ხმალაძის განცხადებით, დედაქალაქის 2019 წლის ბიუჯეტი მნიშვნელოვნად არის გაზრდილი. შესაბამისად, თბილისს კიდევ უფრო მეტი თანხა მოხმარდება და უფრო მეტი პროექტი განხორციელდება.


ხმალაძის თქმით, ბიუჯეტის ვარიანტი, რომელიც დედაქალაქის საკრებულოს წარედგინა, პირველადია და ცენტრალური ბიუჯეტის დამტკიცების შემდეგ, მისი ოდენობა დაახლოებით 50 მილიონი ლარით კიდევ გაიზრდება.


„დედაქალაქის ბიუჯეტი 871 მილიონი ლარის ოდენობით არის წარდგენილი. ეს არის პირველადი ვარიანტი, რომელშიც არ არის გათვალისწინებული ცენტრალური ბიუჯეტიდან სპეციალური ტრანსფერი, რაც აუცილებლად იქნება გამოყოფილი და ამ თემაზე ჩვენ მოლაპარაკებები უწყვეტად გვაქვს ფინანსთა სამინისტროსთან. ჯერ ცენტრალური ბიუჯეტი არ არის დამტკიცებული და როგორც კი დამტკიცდება, თბილისის ბიუჯეტი დაახლოებით, 50 მილიონზე მეტი ლარით კიდევ გაიზრდება. დადასტურებულად შემიძლია გითხრათ, რომ დედაქალაქის 2019 წლის ბიუჯეტი იქნება 930 მილიონ ლარამდე“, - აღნიშნა ვიცე-მერმა.




ამასთან, ირაკლი ხმალაძის თქმით, ოპოზიციის ბრალდება, რომ მომავალ წელს დედაქალაქის ბიუჯეტი შემცირებული იქნება, სიცრუეა.



„დღევანდელი მოცემულობით, 871 მილიონი ლარი არის გათანაბრებითი ტრანსფერის და თბილისის მუნიციპალიტეტის შემოსავლები, რომელიც წინა წლებთან შედარებით, მნიშვნელოვნად გაზრდილია - დაახლოებით, 55 მილიონი ლარით მეტი არის ამ ორი კომპონენტის შემადგენელი ნაწილი, რომელსაც დაემატება სპეციალური ტრანსფერი მსხვილი ინფრასტრუქტურული პროექტებისთვის. ჩვენი ბიუჯეტის პრიორიტეტები არ იცვლება, არის ისევ და ისევ სატრანსპორტო პოლიტიკა, ეკოლოგიურად სუფთა ქალაქი და რა თქმა უნდა, მსხვილი ინფრასტრუქტურული პროექტები. 2018 წლის თვითმმართველობის არჩევნებამდე ერთ-ერთი გაცხადებული პროექტი იყო ბაგების ხიდი, მაღლივის კორპუსიდან წყნეთის გზატკეცილამდე დამაკავშირებელი, რომლისთვისაც თანხები გათვალისწინებულია 2019 წლის ბიუჯეტში.



ოპოზიციის ბრალდება, რომ ჩვენი ბიუჯეტი შემცირებულია, არის ტყუილი. თუ 2018-ში იყო 815 მილიონი ლარი და სპეციალური ტრანსფერით 860 მილიონ ლარზე ავიდა, წელს ვიწყებთ 871 მილიონი ლარიდან. ანუ ჩვენი შემოსავლები მნიშვნელოვნად არის გაზრდილი, რაც იმას ნიშნავს, რომ ქალაქს კიდევ უფრო მეტი თანხა მოხმარდება“, - აღნიშნა თბილისის ვიცე-მერმა.



მისივე თქმით, სახელფასო ბიუჯეტში უმნიშვნელო ზრდა იყო, რაც მუნიციპალიტეტში ახალი სამსახურების შექმნით არის გამოწვეული, თუმცა ამ ეტაპზე დედაქალაქის მერიაში ხელფასების განაკვეთები გადახედვას არ ექვემდებარება.



„სახელფასო ბიუჯეტში უმნიშვნელო ზრდა არის, რაც გამოწვეულია იმით, რომ ზედამხედველობის სამსახური თბილისის მუნიციპალურ ინსპექციად გადაკეთდა. რესურსი ორჯერ გაიზარდა და ამ მიმართულებით ზრდა კიდევ არის დაგეგმილი, რადგან სამსახურის ფუნქციები გაზრდილია, მათ შორის, რამდენიმე ახალი ფუნქცია შეიძინა - ხმაურის კონტროლი, სამშენებლო დარღვევების მიმართულებით გაძლიერებული კონტროლი, ნარჩენების დაყრასთან დაკავშირებული მონიტორინგი. გარდა ამისა, წელს მერიაში ურბანული განვითარების საქალაქო სამსახური შეიქმნა, სადაც მაღალი მოთხოვნებიდან გამომდინარე, საჭირო გახდა დამატებით საკადრო რესურსი და აქედან გამომდინარე, მცირედი ზრდა მოხდა სახელფასო ფონდში. ამ ეტაპზე ხელფასების ზრდა მერიაში არ იგეგმება, ხელფასების განაკვეთები გადახედვას არ ექვემდებარება და ეს საკითხი დღის წესრიგში არ დგას“, - განაცხადა ირაკლი ხმალაძემ.





უორენ ბაფეთმა კიდევ $2,9 მილიარდის დონაცია განახორციელა, ხოლო 2006 წლიდან მისი მთლიანი შემოწირულობა $37 მილიარდს უტოლდება

უორენ ბაფეთმა კიდევ $2,9 მილიარდის დონაცია განახორციელა, ხოლო 2006 წლიდან მისი მთლიანი შემოწირულობა $37 მილიარდს უტოლდება
access_time2020-07-12 18:58:27
უორენ ბაფეთმა კიდევ $2,9 მილიარდი დოლარის დონაცია განახორციელა, 2006 წლიდან კი მისმა მთლიანმა შემოწირულობამ $37 მილიარდი შეადგინა, - ამის შესახებ ინფორმაციას...

Oxfam-ი: მსოფლიოში შიმშილით მეტი ადამიანი დაიღუპება, ვიდრე - კორონავირუსით

Oxfam-ი: მსოფლიოში შიმშილით მეტი ადამიანი დაიღუპება, ვიდრე - კორონავირუსით
access_time2020-07-12 17:00:05
მსოფლიოში კორონავირუსის პანდემიით გამოწვეული შიმშილით უფრო მეტი ადამიანი დაიღუპება, ვიდრე კორონავირუსით. პროგნოზს...

რომან გოცირიძე - ჯერ კომუნიკაციის სფეროში გასატარებელი სკანდალური ცვლილებები არაა მონელებული და მორიგი ანტისაბაზრო კანონპროექტი შემოაგდეს

რომან გოცირიძე - ჯერ კომუნიკაციის სფეროში გასატარებელი სკანდალური ცვლილებები არაა მონელებული და მორიგი ანტისაბაზრო კანონპროექტი შემოაგდეს
access_time2020-07-12 13:00:24
ჯერ კომუნიკაციის სფეროში გასატარებელი სკანდალური ცვლილებები არაა მონელებული და მთავრობამ მორიგი ანტისაბაზრო კანონპროექტი შემოაგდო ორშაბათის ბიუროზე," - ამის შესახებ ფრაქცია "ნაციონალური მოძრაობის"...

Handelsblatt: მეგაპოლისებს სულ უფრო მეტი ამერიკელი ტოვებს

Handelsblatt: მეგაპოლისებს სულ უფრო მეტი ამერიკელი ტოვებს
access_time2020-07-12 20:00:18
  სულ უფრო მეტი ამერიკელი დიდი მეგაპოლისების დატოვებას და შედარებით მცირე ქალაქებში დასახლებას ცდილობს.   ამ ტენდენციის ძირითადი მიზეზებია პროვინციაში ცხოვრების უფრო მაღალი ხარისხი და შედარებით იაფი უძრავი ქონება.   ეს ტრენდი უკვე წლებია არსებობს, თუმცა პანდემიამ ის კიდევ უფრო გაძლიერა - დღეს უკვე დისტანციური მუშაობის საშუალება გაჩნდა, და ამავე დროს კორონავირუსის ძირითადი ეპიცენტრები  სწორედ მსხვილი მეგაპოლისები...

როგორ დავიცვათ თავი კორონავირუსისგან ტრანსპორტში და ოფისებში?

 როგორ დავიცვათ თავი კორონავირუსისგან ტრანსპორტში და ოფისებში?
access_time2020-07-12 14:00:21
ზაფხულია და კონდიციონერების გამოყენების საკითხი ძალიან აქტუალური გახდა - პანდემიის პერიოდში ეს არც თუ ისე უსაფრთხო სიამოვნებაა, განსაკუთრებით, დახურულ სივრცეში - მაგალითად, საზოგადოებრივ ტრანსპორტში და ოფისებში.   როგორც ჩანს, დახურული სივრცე კორონავირუსის გავრცელებას ხელს განსაკუთრებით უწყობს. ჩინეთში ჩატარებულმა კვლევამ ცხადყო, რომ 120 ქალაქში დაფიქსირებული 318 კლასტერიდან ღია სივრცეში მხოლოდ 1 დაფიქსირდა, შესაბამისად, ცხადი ხდება, რომ დაინფიცირების...


მსგავსი სიახლეები

up