Recov.ge-ის 2021წლის მონაცემებით, თბილისში ახალაშენებული ბინების ეკონომ სეგმენტი წინა წლის ანალოგიურ მაჩვენებელთან შედარებით 36%-ით, 2019-თან შედარებით კი 37%-ით გაიზარდა.
უძრავი ქონების ფასს სხვადასხვა ფაქტორი განსაზღვრავს, როგორებიცაა: მშენებლობის ხარისხი, სამშენებლო მასალები, ინფრასტრუქტურა თუ ლოკაცია.
იმისათვის, რომ დავადგინოთ რა არის დღეს ეკონომ კლასის პროექტებში ბინის ღირებულება, ამისათვის ყურადღება დიდწილად მაინც ადგილმდებარეობის განსაზღვრას უნდა დავუთმოთ. ასე, მაგალითად, თუ დიდუბეში 60-70 მ2 ფართის ბინა – 60 ათასი აშშ დოლარი ღირს, საბურთალოზე ამავე ფართის ბინის საყიდლად საშუალოდ 70-75 ათასი აშშ დოლარია საჭირო. ვაკეში ფასები იზრდება და იგივე მახასიათებლების მქონე ბინის ღირებულება საშუალოდ 90 ათას აშშ დოლარამდეა. ეს არის ის ბიუჯეტი, რომელიც მეტნაკლებად მისაღები და ხელმისაწვდომია. ამიტომ, მოთხოვნა მსგავსი ღირებულების ბინებზე, პანდემიით გამოწვეული ეკონომიკური სირთულეების მიუხედავად შენარჩუნებულია და უფრო მეტიც, ზრდადია.
შესაბამისად, დეველოპერული სექტორიც ცდილობს და ითვალისწინებს მომხმარებლის ინტერესს. მაგალითისთვის, მ2- მა წარმატებით განავითარა ეკონომ კლასი პროდუქტი და ბინის ფლობა კიდევ უფრო ხელმისაწვდომი გახადა. მ3 საბურთალოს პროექტის ფარგლებში გამოცხადებული აქციის პირობებით, 1 კვ.მ შეძენის ღირებულება 600-700 აშშ დოლარია. ხელმისაწვდლომი პროექტების კიდევ ერთი კარგი მაგალითია, საცხოვრებელი კომპლექსი Archi ნუცუბიძე, სადაც 1კვ.მ ღირებულება 780 აშშ დოლარია.
აღსანიშნავია ისიც, რომ თბილისის მასშტაბით ეკონომ კლასის ბინების ბაზრის ღირებულება პრემიუმ სეგმენტთან შედარებით ნაკლებად შემცირდა.
რომ შევაჯამოთ, დედაქალაქში ახალაშენებული ბინების ეკონომ სეგმენტის ტრანზაქციები წინა წლის ანალოგიურ მაჩვენებელთან შედარებით, 2%-ით არის გაზრდილი, მედიუმ და პრემიუმ სეგმენტების ტრანზაქციების რიცხვი კი 11% და 35%-ით შემცირდა. აქედან გამომდინარე, შეგვიძლია ვთქვათ, რომ პანდემიის პირობებში ცხადად გამოიკვეთა ხელმისაწვდომ უძრავ ქონებაზე მოთხოვნის ზრდის ტრენდი.
propertygeorgia.ge