Tbilisi Hills Golf & Residences-ის კომპლექსში 2020 წელს  ღია აუზის გახსნა იგეგმება

Tbilisi Hills Golf & Residences-ის კომპლექსში 2020 წელს ღია აუზის გახსნა იგეგმება

access_time2020-01-13 15:00:54

Tbilisi Hills Golf & Residences-ის კომპლექსში 2020 წელს  ღია აუზი გაიხსნება, რომელიც  ყველა მომხმარებლისთვის ღია იქნება. კომპლექსს ექნება დასრულებული ინფრასტრუქტურა, მაღაზია, სკოლა, აფთიაქი, საბავშვო ბაღი.ამის შესახებ  რადიო „კომერსანტის“ საახალწლო ეთერში Tbilisi Hills-ის მარკეტინგის მენეჯერმა ლანა ღვინჯილიამ განაცხადა. მისი ინფორმაციით, 2019 წელს კომპლექსში  გოლფის მიმართულება  აქტიურად განვითარდა,  ჩატარდა გოლფის ეროვნული ჩემპიონატიც.


„ჩვენი გუნდი მონაწილეობდა ევროპის ჩემპიონატზე, ასევე ჩვენ აქტიურად ვთანამშრომლობთ საქართველოს გოლფის ფედერაციასთან. საქართველოში ეს არის ერთადერთი პროფესიული გოლფის მოედანი, წელს ის მოხვდა ევროპის რეიტინგში 34-ე ადგილას, ეს დიდი მიღწევაა ისეთი ქვეყნისთვის, სადაც ახალი სპორტია გოლფი. ეს დიდ როლს ითამაშებს საქართველოს ტურისტული პოტენციალის გაზრდაში.“ - აღნიშნა ლანა ღვინჯილიამ.


მისივე განცხადებით, კომპანია ინვესტორებისთვის ახალ პროექტს იწყებს, საუბარია არქიტექტურის მიმართულებით განათლების ხელშეწყობაზე. „ვგეგმავთ ჩამოვიყვანოთ ცნობილი არქიტექტორები, ურბანისტები და შევთავაზოთ ახალგაზრდა არქიტექტორებს ლექციები და სემინარები. ყველა პრობლემა, რომელიც გამოწვეულია ქალაქის ცენტრში ეკოლოგიისა და არქიტექტურის კუთხით, დარგის ექსპერტების ნაკლებობას უკავშირდება.  გვინდა წვლილი შევიტანოთ ქალაქის ურბანულ განვითარებაში და შევთავაზოთ ახალგაზრდა არქიტექტორებს ეს შესაძლებლობა.  ვფიქრობთ, რომ ჩვენმა პროექტმა წვლილი უნდა შეიტანოს არა მხოლოდ დამატებითი საცხოვრებელი ადგილების შეთავაზებაში, არამედ დაამკვიდორს ევროპული სტანდარტი.“ - განმარატვს Tbilisi Hills-ის მარკეტინგის მენეჯერი ლანა ღვინჯილია.


Tbilisi Hills-ის პროექტი გამოცდილი პორტუგალიელი, ფინელი და ესტონელი არქიტექტორებისა და კონსტრუქტორების ჯგუფის, ესტონური კომპანია Kаamos Group-ის ხელმძღვანელობით შეიქმნა, მის განსახორციელებლად კი ჯამში 1 მილიარდი დოლარის ინვესტიცია მოხდება.



„ჩვენი კომპანიისთვის ეს იყო პირველი წელი, როცა კომპანია აქტიურად შემოვიდა უძრავი ქონების ბაზარზე - ბევრი ღონისძიება ჩატარდა წლის განმავლობაში. Tbilisi Hills-ი მაღალი დონის უძრავ ქონებას მიეკუთვნება, რომელიც  331 ჰექტარზე იქნება გაშენებული. 2019 წელს შევასრულეთ ყველა ის გეგმა, რაც დასახული გვქონდა.  ზაფხულში გაიხსნა Tbilisi Hills-ის რესტორანი, რომელიც სამ თვეში მოხვდა Welcome to Georgia-ს დაჯილდოების ფინალისტებს შორის ნიშური რესტორნის კატეგორიაში.


„თბილისი ჰილსის“ კომპლექსში 110 ჰექტარზე 18-ფოსოიანი გოლფის მოედანია განთავსებული. ასეთი მოედანი ამიერკავკასიაში ერთადერთია.


Tbilisi Hills Golf & Residences  კომპლექსის დასრულება  2025 წლამდე იგეგმება. გაშენდება townhouse-ები და ვილები, ასევე დასრულდება 5-ვარსკვლავიანი სასტუმრო გოლფ მოედანთან. სასტუმროსთან დაკავშირებით ამ ეტაპზე  ბრენდებთან მოლაპარაკება მიმდინარეობს. 


თბილისი ჰილსის ტერიტორიაზე 60% ბუნებასა და გამწვანებას დაეთმობა. აქ დიდი ნაწილი წიწვოვანი და ფოთლოვანი ხეებითა და მრავალი სახეობის მცენარეებითაა დაფარული. ფოთლოვანი ხეებიდან ტერიტორიაზე ფართოდ გავრცელებულია მუხა, ნუში, აკაკი, იფანი, ნეკერჩხალი და სხვა. დანარჩენი 40% კი საცხოვრებლების მშენებლობას დაეთმობა.


2019 წლის 7 აგვისტოს, გარემოს დაცვის ეროვნულმა სააგენტომ ჩაატარა მორიგი კვლევა თბილისის ცენტრში, გმირთა მოედანზე და  თბილისის ცენტრიდან 15 წუთის სავალზე  Tbilisi Hills Golf & Residences ტერიტორიაზე. შედეგებმა აჩვენა, რომ ქალაქის ცენტრში ატმოსფერული ჰაერის დაბინძურება დასაშვებ ნორმაზე მაღალია, ხოლო თბილისი ჰილსში ეს მაჩვენებელი ნორმის ფარგლებშია.

 

მარიამ მორგოშია





სსიპ „საზოგადოებრივი მაუწყებლის“ შენობის გასასხვისებლად მორიგი აუქციონი 30 სექტემბერსაა ჩანიშნული

სსიპ „საზოგადოებრივი მაუწყებლის“ შენობის გასასხვისებლად მორიგი აუქციონი 30 სექტემბერსაა ჩანიშნული
access_time2022-09-24 23:00:00
თბილისში კოსტავას 68-ში მდებარე სსიპ „საზოგადოებრივი მაუწყებლის“ შენობა მორიგ აუქციონზე იყიდება. მიმდინარე აუქციონზე, რომელიც 30 სექტემბერსაა ჩანიშნული, ობიექტის საწყისი ღირებულება დღგ-ს გარეშე 65 000 000 ლარს, ხოლო დღგ-ს ჩათვლით 76 700 000 ლარს შეადგენს, რომელიც მყიდველს შემდეგი გრაფიკით უნდა გადაიხადოს: 45% - ხელშეკრულების დადებიდან 1 თვეში; 20% - არაუგვიანეს 2022 წლის 31...

ევროპის ავტომობილების ბაზარი პანდემიამდელ ზრდის დონეს დაუბრუნდა

ევროპის ავტომობილების ბაზარი პანდემიამდელ ზრდის დონეს დაუბრუნდა
access_time2022-09-25 11:00:20
აგვისტოს თვეში, ევროპაში ავტომობილების გაყიდვები 4,4%-ით გაიზარდა, რაც 650,305 მანქანას შეადგენს.    ევროპის ავტომობილების მწარმოებელთა ასოციაციის (ASEA) მონაცემებით, ეს პირველი დადებითი შედეგი იყო 13 თვიანი ვარდნის...

ბელარუსმა მარცვლეულის ექსპორტის აკრძალვა 6 თვით გაახანგრძლივა

ბელარუსმა მარცვლეულის ექსპორტის აკრძალვა 6 თვით გაახანგრძლივა
access_time2022-09-24 21:01:27
ბელარუსის მინისტრთა საბჭომ ქვეყნიდან ხორბლისა და სხვა მარცვლეულის ექსპორტზე აკრძალვა, კიდევ ექვსი თვით გაახანგრძლივა. ამავდროულად, რეზოლუციის მოქმედება არ ვრცელდება ბელარუსის რესპუბლიკის გარეთ ექსპორტირებულ საქონელზე ევრაზიის ეკონომიკური კავშირის (EAEU) წევრ ქვეყნებში. ბელარუსიდან დროებითი ექსპორტისთვის აკრძალული საქონლის სიაშია ხორბალი, ჭვავი, ქერი, სიმინდი, ფეტვი, წიწიბურა, შვრია და სხვა...

საომარ მოქმედებებში მონაწილეობაზე უარის თქმა 10 წლამდე პატიმრობას ითვალისწინებს - პუტინმა კანონს ხელი მოაწერა

საომარ მოქმედებებში მონაწილეობაზე უარის თქმა 10 წლამდე პატიმრობას ითვალისწინებს - პუტინმა კანონს ხელი მოაწერა
access_time2022-09-24 18:00:05
რუსეთის პრეზიდენტმა, ვლადიმერ პუტინმა ხელი მოაწერა კანონს, რომელიც საომარ მოქმედებებში მონაწილეობაზე უარის თქმის შემთხვევაში თავისუფლების 10 წლამდე ვადით შეზღუდვას ითვალისწინებს, - ინფორმაციას რუსული მედია ავრცელებს. მათივე ცნობით, შესაბამისი დოკუმენტი გამოქვეყნებულია იურიდიული ინფორმაციის ოფიციალურ ინტერნეტ პორტალზე. ამასთან, კანონი დეზერტირობისთვის, ან სამხედრო მოსამსახურეების მიერ გაწვევის შემთხვევაში სამხედრო სამსახურში გამოუცხადებლობის...

საცობები ყოველთვის იყო თბილისში, მაგრამ ასე გადამეტებით არ ყოფილა - კახა კალაძე

საცობები ყოველთვის იყო თბილისში, მაგრამ ასე გადამეტებით არ ყოფილა - კახა კალაძე
access_time2022-09-24 17:20:47
საცობები ყოველთვის იყო თბილისში, მაგრამ ასე გადამეტებით არ ყოფილა, ეს გამოწვეულია ქეთევან დედოფლისა და მელიქიშვილის ქუჩებზე მიმდინარე მნიშვნელოვანი და საშვილიშვილო სამუშაოების გამო, – ამის შესახებ თბილისის მერმა, კახა კალაძემ ჟურნალისტებს განუცხადა. მისივე თქმით, რაც შეეხება წერეთლისა და ვაჟა-ფშაველას ქუჩების რეაბილიტაციას, პროცესი ქეთევან დედოფლისა და მელიქიშვილის ქუჩებზე სამუშაოების დასრულების შემდეგ დაიწყება. „ეს სამუშაოები დაიწყება მას...


მსგავსი სიახლეები

up