„თბილისი ენერჯის“ ტექნიკური დირექტორის მოადგილე - ჩვენი პოზიციაა, გაზის მომხმარებლები დეტექტორით აღიჭურვოს და ღია წვის დანადგარების გამოყენება კანონმდებლობით აიკრძალოს

„თბილისი ენერჯის“ ტექნიკური დირექტორის მოადგილე - ჩვენი პოზიციაა, გაზის მომხმარებლები დეტექტორით აღიჭურვოს და ღია წვის დანადგარების გამოყენება კანონმდებლობით აიკრძალოს

access_time2019-10-21 12:50:27

„თბილისი ენერჯის“ ტექნიკური დირექტორის მოადგილის გიორგი ლეფსვერიძის განცხადებით, გაზის მომხმარებლებს დეტექტორი უნდა დაუმონტაჟდეთ, რომელიც გაზის დაგროვების შემთხვევაში მცხოვრებელს გააფრთხილებს და დაკეტავს სახლში გაზის მიწოდებას.


ამის შესახებ გიორგი ლეფსვერიძემ „პალიტრანიუსის“ გადაცემა „Newsroom”-ის ეთერში განაცხადა.


ლეფსვერიძის თქმით, დეტექტორების დაყენების გარდა, უბედური შემთხვევების პრევენციისთვის ღია წვის დანადგარების სახლში გამოყენება საკანონმდებლო დონეზე უნდა აიკრძალოს.



„გაზის შედეგად უბედურების გამოწვევის ორი მიზეზი არსებობს, ეს არის გაზის დაგროვება და აფეთქება და მეორე არის CO-ს დაგროვება. ჩვენ გვინდა გაზის დაგროვების პრევენცია, რომ გაზის ყველა მომხმარებელს ჰქონდეს დამონტაჟებული დეტექტორი და ელექტროონკანი. ეს დეტექტორი დაკავშირებულია სახლში ან სადარბაზოში მრიცხველთან დამონტაჟებულ ელექტროონკანთან და ახდენს პრევენციას. თუ თქვენთან გაზმა დაიწყო დაგროვება, ის ავტომატურად კეტავს და გადასცემს სიგნალს ელექტროონკანს და ავტომატურად კეტავს თქვენ სახლში გაზის მიწოდებას. არამხოლოდ ხმოვან სიგნალს გაძლევთ, არამედ თქვენ ჩაურევლად კეტავს გაზის მიწოდებას. ჩვენი კომპანიის პოზიციაა, რომ მსგავსი დეტექტორით აღჭურვილი იყოს გაზის ყველა მომხმარებელი და მეორე, საკანონმდებლო დონეზე აიკრძალოს ღია წვის დანადგარების სახლში გამოყენება. ეს უკვე კანონმდებლობის პრეროგატივაა, როგორ გაწერენ. ამ საკითხზე ჩვენ ვთანამშრომლობთ სემეკთან, ეკონომიკის სამინისტროსთან და მიმდინარეობს ამაზე მუშაობა.


ლეფსვერიძე გაზის მომხმარებლებს სპეციალისტების რეკომენდაციების გათვალისწინებისკენ მოუწოდებს.


„უახლოეს დღეებში დაიწყება გათბობის სეზონი, დაიხურება ფანჯრები და შეიქმნება დახურული სივრცე, ამიტომ ჩვენ მომხმარებელს მოვუწოდებთ გამოიჩინონ ყურადღება, დაუჯერონ ჩვენი სპეციალისტების მითითებებს. ამასთან, უბედური შემთხვევებიდან ბოლო, თუ სწორად მახსოვს 17 შემთხვევა იყო დაგირავებულ და დაქირავებულ სახლებში. თუ ბინას ქირაობთ ან აპირებთ დაგირავებას, დაგვირეკეთ ცხელ ხაზზე და ჩვენი სპეციალისტები მაქსიმუმ მეორე დღეს შეამოწმებენ რა მდგომარეობაა სახლში“, - განაცხადა ლეფსვერიძემ.


ipn.ge






ივანე მაჭავარიანი: „წელს, დაახლოებით 1 მილიარდამდე ლარის დღგ-ის ზედმეტობის დაბრუნებას ვგეგმავთ“

ივანე მაჭავარიანი: „წელს, დაახლოებით 1 მილიარდამდე ლარის დღგ-ის ზედმეტობის დაბრუნებას ვგეგმავთ“
access_time2020-02-26 15:55:01
„წელს, დაახლოებით, 800 მილიონიდან 1 მილიარდამდე ლარის დღგ-ის ზედმეტობის დაბრუნებას ვგეგმავთ“, - აღნიშნა ფინანსთა მინისტრმა, ივანე მაჭავარიანმა ეკონომიკურ კონფერენციაზე - საქართველო და მსოფლიო 2020 წელს ფისკალურ რეფორმებზე დასმული შეკითხვის საპასუხოდ. „ჩვენ დამაჯერებელ ნაბიჯებს გადავდგამთ დღგ-ის რეფორმის კუთხით. თქვენ იცით, რომ ბოლო ორი წლის განმავლობაში უპრეცედენტოდ მაღალი დაბრუნება გვაქვს, დაახლოებით, 500-600 მილიონი ლარი. წელს, ჩვენ 800 მლნ ლარიდან 1...

კომპანიები, რომელთაც 2019 წელს საპრივატიზებო ვალდებულება გადაუვადდა

კომპანიები, რომელთაც 2019 წელს საპრივატიზებო ვალდებულება გადაუვადდა
access_time2020-02-26 15:30:18
2019 წელს საპრივატიზებო ვალდებულება 12 კომპანიას გადაუვადდა. „ბიზნესპრესნიუსის“ მიერ „სახელმწიფო ქონების ეროვნული სააგენტოდან“ გამოთხოვილი ინფორმაციის თანახმად, ჯამში, 63 584 136 ლარის სანივესტიციო ვალდებულება გადავადდა.დოკუმენტის მიხედვით, ყველაზე დიდი მოცულობის საპრივატიზაციო ვალდებულება შპს „იტონგკავკასუსს“ აქვს. მას საწარმოს შექმნა, წარმოების დაწყება და ინვესტიციის განხორციელება ევალება. საუბარია, ჯამში, 30 000 000 ლარის ინვესტიციაზე. რაც შეეხება სხვა...

HUB Georgia გიორგი გახარიას პასუხობს-„სატრანსპორტო მიმართულებით ბოლო 7 წლის განმავლობაში კატასტროფული სტაგნაცია გვაქვს“

HUB Georgia  გიორგი გახარიას პასუხობს-„სატრანსპორტო მიმართულებით ბოლო 7 წლის განმავლობაში კატასტროფული სტაგნაცია გვაქვს“
access_time2020-02-26 14:30:44
დღეს საქართველოს პრემიერ-მინისტრმა გიორგი გახარიამ ეკონომიკურ კონფერენციაზე - „საქართველო და მსოფლიო 2020“ განაცხადა, რომ „დღეს საქართველო სატრანზიტო მდგომარეობაში მყოფი ქვეყანაა, რომლის ძირითადი მისწრაფება პოლიტიკური თვალსაზრისით არის ევროატლანტიკური ინტეგრაცია და ეკონომიკური თვალსაზრისით - ღია, კონკურენტული ბაზარი“. გიორგი გახარიას HUB Georgia-ს აღმასრულებელი დირექტორი, ვასო ურუშაძე  „კომერსანტთან“ პასუხობს. „პრემიერი სატრანზიტო პოტენციალის...

2022 წელს ბაკურიანში სასტუმრო Four Points by Sheraton გაიხსნება

2022 წელს ბაკურიანში სასტუმრო Four Points by Sheraton გაიხსნება
access_time2020-02-26 13:30:55
2019 წლის ბოლოს „Marriott International“–სა და საქართველოს კერძო კომპანიებს შორის ხელშეკრულება გაფორმდა,რომლის თანახმადაც,2022 წელს ქალაქ ბაკურიანში სასტუმრო Four Points by Sheraton გაიხსნება. პროექტის ინვესტორი კომპანია „საინვესტიციო ჯგუფი კაპიტოლი“-ა, ხოლო სასტუმროს დეველოპმენტს ჯგუფის შვილობილი კომპანია...

გიორგი გახარია: საქართველოს მთავრობა ყველაფერს აკეთებს, რომ ქვეყანაში განსაკუთრებული ბიზნესკლიმატი შეიქმნას

გიორგი გახარია: საქართველოს მთავრობა ყველაფერს აკეთებს, რომ ქვეყანაში განსაკუთრებული ბიზნესკლიმატი  შეიქმნას
access_time2020-02-26 12:06:02
„ჩვენ არ ვართ დაინტერესებული, ვისაუბროთ მხოლოდ საქართველოს მთავრობის მიღწევებზე. ჩვენი ინტერესი უფრო არის ვისაუბროთ - საქართველოს ბიზნესის მიღწევებზე, რამეთუ ყველას კარგად გვესმის, რომ ჩვენი ეკონომიკის საფუძველი და ხერხემალი არის თავისუფალი ბიზნესი, ძლიერი ქართული ბიზნესი, რომელიც ქმნის სამუშაო ადგილებს. მოგეხსენებათ, ჩვენი ეკონომიკის სისტემური გამოწვევა გახლავთ დამატებითი სამუშაო ადგილების შექმნა. აქ დაბალანსებული ურთიერთობის, დაბალანსებული პოლიტიკის გარეშე კერძო სექტორსა და...


მსგავსი სიახლეები

up