TBC RESEARCH - სამშენებლო და სასესხო რეგულაციები სავარაუდოდ, FDI-ის შემცირების მიზეზები იყო

TBC RESEARCH - სამშენებლო და სასესხო რეგულაციები სავარაუდოდ, FDI-ის შემცირების მიზეზები იყო

access_time2019-09-11 13:00:52

2019 წლის მეორე კვარტალში საქართველოში პირდაპირი უცხოური ინვესტიციების (FDI) სახით, $187 მილიონი აშშ დოლარი შემოვიდა, რაც წინა წლის ანალოგიურ პერიოდთან მიმართებით 53.7%-ით ნაკლები იყო. ოფიციალური სტატისტიკის მიხედვით, შემცირება არაერთ სექტორს, მათ შორის ენერგეტიკას (მინუს 37%), მშენებლობას (მინუს 91%), ტრანსპორტს და კავშირგაბმულობას (მინუს 73%) და სხვა დარგებს შეეხო.


TBC Research-მა აღნიშნულ სტატისტიკასთან დაკავშირებით ახალი მიმოხილვაგამოაქვეყნა. ორგანიზაცია აღნიშნავს, რომ ეს შემცირება პროგნოზირებულზე მაღალი იყო, ხოლო ცალკეული მიმართულებებით, განსაკუთრებით კი, არასაბანკო საფინანსო სექტორში FDI-ის კლება პასუხისმგებლიანი დაკრედიტების სისტემის ამოქმედებას მოჰყვა.


“FDI-ის შემცირება საფინანსო, განსაკუთრებით არასაბანკო საფინანსო სფეროსა და უძრავი ქონების სექტორებში, სავარაუდოდ, გამოწვეულია კრედიტებისა და სამშენებლო ნებართვების გაცემის რეგულაციების გამკაცრებით. იმის მიუხედავად, რომ სამშენებლო სექტორში FDI-ის შემცირება ნეგატიურ მოვლენად ფასდება, ინვესტიციების კლება, რაც ძირითადად სამომხმარებლო სესხების გამცემ არასაბანკო ინსტიტუტებს უკავშირდება - უნდა აღვიქვათ როგორც პასუხისმგებლიანი დაკრედიტების სისტემის ამოქმედების აუციელებელ თანმდევ ნაწილად. მათ შორის ამის ერთ-ერთი მიზეზი სესხების საპროცენტო განაკვეთზე 50%-იანი ლიმიტის დაწესება იყო, რაც ჩვენი აზრით, პოზიტიური მიმართულებით გადადგმულ ნაბიჯს წარმოადგენდა. ამასთანავე, ჩვენი პროგნოზის მიხედვით, სამშენებლო სექტორში პირდაპირი უცხოური ინვესტიციები სავარაუდოდ, გაიზრდება, რაც აღნიშნული სექტორის სიმყარით იქნება გამოწვეული", - ნათქვამია მიმოხილვაში.



TBC Research-ი აღნიშნავს, რომ აღნიშნულ პერიოდში პირდაპირი უცხოური ინვესტიციები საქართველოს მთლიანი შიდა პროდუქტის 4.7%-ს შეადგენდა. ორგანიზაციის შეფასებით, წლიურ ჭრილში FDI-ის შემცირება დაახლოებით, 30%-ის ტოლფასი იქნება.


საქართველოს სტატისტიკის ეროვნული სამსახურის განმარტებით, ინვესტიციების შემცირების მიზეზს მაგისტრალური გაზსადენის მშენებლობის დასრულება წარმოადგენს. საქსტატი ასევე აცხადებს, რომ შემცირების კიდევ ერთი მიზეზი არარეზიდენტი პირდაპირი ინვესტორის მიმართ ვალდებულებების შემცირება და რეინვესტიციების მოცულობის შემცირებაა.


bmg


თეგები:
TBC RESEARCH



რამდენ ხანს გავძლებთ ასე გაყინული?

რამდენ ხანს გავძლებთ ასე გაყინული?
access_time2020-04-02 18:40:38
ზურაბ გირჩი ჯაფარიძე სოციალურ ქსელ  Faceebok-ში სტატუსს აქვეყნებს, რომელსაც „კომერსანტი“ უცვლელად გთავაზობთ : „რელიგიური რიტუალების ჩატარება თუ შეიძლება გარკვეული წესების დაცვით,ისევე როგორც, (როგორც გაირკვა) ონლაინ გაყიდვების დაშვება თუ შეიძლება გარკვეული წესების დაცვით. ან სასურსათო მაღაზიების და აფთიაქების მუშაობა თუ შეიძლება გარკვეული წესების დაცვით. რატომ არ შეიძლება რომ რესტორანმა/კაფემ იფუნქციონიროს გარკვეული წესები...

2 აპრილი - ქართული ლარი და თურქული ლირა მყარდება

2 აპრილი - ქართული ლარი და თურქული ლირა მყარდება
access_time2020-04-02 19:00:15
კორონავირუსის უარყოფითი ეფექტი რეგიონში ყველაზე მკვეთრად ქართული ლარის კურსზე აისახა. Bloomberg-ის სავაჭრო სისტემაში ბოლო პერიოდის განმავლობაში ლარი ძირითადად მკვეთრად უფასურდებოდა, სამეზობლოში ვალუტის კურსები კი ან მცირედით და ეტაპობრივად უფასურდება, ან მყარდება. თუმცა, ბოლო კვირის განმავლობაში ლარის კურსი გამყარების ტენდენციით ხასიათდება.   ეროვნული ბანკის მიერ გამოქვეყნებული 1 აპრილის ვაჭრობის შედეგად, ქართული ლარის კურსი 6 თეთრით გამყარდა და ერთი აშშ დოლარის...

რუსული ნავთობის ფასმა ახალ რეკორდულ მინიმუმს მიაღწია

რუსული ნავთობის ფასმა ახალ რეკორდულ მინიმუმს მიაღწია
access_time2020-04-02 18:15:56
რუსული ურალსის ტიპის ნავთობის ფასი ახლა ერთ ბარელზე 11 დოლარზე ნაკლებია.  ასეთ სიტუაციაში ბიუჯეტი ნავთობის გადასახადებისგან პრაქტიკულად შემოსავალს ვერ იღებს, ხოლო კომპანიებს ევროპაში ნავთობის გაყიდვა აღარ უღირთ. ურალსის ტიპის რუსული ნავთობის ღირებულება ჩრდილო-დასავლეთ ევროპაში 1 აპრილს 10,54 დოლარამდე დაეცა და ახალი ანტირეკორდი დაამყარა-  ამის შესახებ სააგენტო Argus-ი წერს. ასეთი მინიმუმი 1999 წლის შემდეგ არ დაფიქსირებულა. ურალს-ის ნავთობის პარტიის ფასი...

დღის Top-10 საინტერესო ამბავი

დღის Top-10 საინტერესო ამბავი
access_time2020-04-02 21:30:11
დღის Top-10 საინტერესო ამბავი 1.„საქართველოს ეკონომიკის რეაბილიტაციისთვის საერთაშორისო ინსტიტუტებიდან მაქსიმალური თანხის მობილიზებაა საჭირო, თუმცა სესხიც დაგვჭირდება“ კორონავირუსის პანდემიის შედეგად მსოფლიო ეკონომიკა კრიზისულ ფაზაში შედის და ეს ყველაზე...

„გარდამავალ სტადიაში ვართ, მაგრამ მშენებლობებს არ ვაჩერებთ“

„გარდამავალ სტადიაში ვართ, მაგრამ მშენებლობებს არ ვაჩერებთ“
access_time2020-04-02 16:15:00
2020 წლის 30 მარტის დადგენილებით. საქართველოს მთავრობამ ყველა დეველოპერული მშენებლობა შეაჩერა.  შესაბამისი ცვლილება „საქართველოში ახალი კორონავირუსის გავრცელების აღკვეთის მიზნით გასატარებელი ღონისძიებების დამტკიცების შესახებ“ მთავრობის დადგენილებაში შევიდა. თუმცა, დღეს  საქართველოს მთავრობის №211 დადგენილების თანახმად რამდენიმე ეკონომიკური საქმიანობა, მათ შორის მშენებლობა და კომპიუტერული ტექნიკით დისტანციურად ვაჭრობა დასაშვები ხდება.   დეველოპერებს ახლა იმის...


მსგავსი სიახლეები

up