TBC ბანკის გენდირექტორის მოადგილე - „TBC ბანკმა „პროგრეს ბანკის“ შესყიდვისას მხოლოდ ფასთან შესაბამისობა დაადგინა“

TBC ბანკის გენდირექტორის მოადგილე - „TBC ბანკმა „პროგრეს ბანკის“ შესყიდვისას მხოლოდ ფასთან შესაბამისობა დაადგინა“

access_time2019-10-21 14:22:37

„TBC ბანკმა „პროგრესბანკის“ შესყიდვისას ჩატარებული აუდიტის დროს მხოლოდ ფასთან შესაბამისობა დაადგინა“ - ამის შესახებ TBC ბანკის გენერალური დირექტორის მოადგილე გიორგი თხელიძემ „იმედის კვირასთან“ სატელეფონო ინტერვიუში განაცხადა.


იმედის კვირის სიუჟეტიდან ირკვევა, რომ TBC ბანკმა „პროგრეს ბანკის“ შესყიდვის დროს ჩაატარა აუდიტი. თუმცა კვლევის საგანი არა ბანკის საქმიანობის შესწავლა, არამედ ღირებულების ფასთან შესაბამისობა იყო. კითხვაზე - აუდიტორული კომპანიის დასკვნა ეხებოდა მხოლოდ ფინანსურ ღირებულებას, თუ კონკრეტულ ტრანზაქციებსაც სწავლობდა, თხელიძემ განაცხადა:


„ჩვენი ძირითადი მიზანია, დავადგინოთ აქტივის ღირებულება, რომელშიც უნდა გადავიხადოთ ფასი ან საერთოდ უარი ვთქვათ. შესაბამისად, ამ შეფასების და ანალიზის ძირითადი მიზანი იყო აქტივების ღირებულების დადგენა. ჩვენ მოვახდინეთ აქტივების და ვალდებულებების ღირებულების შეფასება იურიდიული და აუდიტური კომპანიების დახმარებით."


მამუკა ხაზარაძის ეჭვების დასადასტურებლად, რომ "პროგრეს ბანკში" ფულს ათეთრებდნენ, "იმედის კვირა" TBC ბანკს დაუკავშირდა და იმ საერთაშორისო ექსპერტების დასკვნის მიწოდება სთხოვა, რომელიც არც ეროვნულ ბანკში მოიპოვება და არც საზოგადოებას უნახავს თვალით, თუ არ ჩავთვლით "მთავარი" არხის საგამოძიებო სერიალს, სადაც ჟურნალისტი ამტკიცებს, რომ სიუჟეტი სწორედ ხსენებულ დასკვნაზე დაყრდნობით მომზადდა.


როგორც "იმედის კვირის" სიუჟეტში აღინიშნა, "თუ დავუშვებთ, რომ მამუკა ხაზარაძის ინფორმაცია "პროგრეს ბანკში" "საეჭვო" ტრანზაქციების თაობაზე მართალია, გამოდის, რომ მან პირდაპირ ეთერში აღიარებითი ჩვენება მისცა". მისივე ნაამბობის თანახმად, "პროგრეს ბანკის" ყიდვა უნდოდა, თუმცა საერთაშორისო აუდიტორებმა მხოლოდ ე.წ. ჯანსაღი აქტივების შეძენა ურჩიეს. ყოფილი ბანკირი ეჭვობდა, რომ "პროგრეს ბანკში" სავარაუდოდ ფულს ათეთრებდნენ. მაშინ არაფერი უთქვამს. იმ ქვეყნის კანონით, სადაც მამუკა ხაზარაძე ცხოვრობს, დანაშაულის შეუტყობინებლობა სისხლის სამართლის დანაშაულია, ისევე, როგორც ფულის გათეთრება, რასაც თავად მას ქვეყნის მთავარი საგამოძიებო უწყება ედავება. მისი ბრალდების საქმეში მტკიცებულებები უცხოელმა ექსპერტებმა შეისწავლეს. ბრალდების მრჩეველთა საერთაშორისო ჯგუფის დასკვნით, მტკიცებულებებიდან აშკარად იკვეთება ხაზარაძისა და ჯაფარიძის სქემა, რომლის მიზანი ბანკისგან მიღებული თანხების დანაწილების შენიღბვა იყო, რაც ფულის გათეთრებაა და მისი პრედიკატი დანაშაული თაღლითობა იყო“.


ამგვარად, გაუგებარი რჩება, რა აუდიტორულ დასკვნაზე საუბრობს მამუკა ხაზარაძე.


„კომერსანტი“




იპოთეკური სესხის სუბსიდირება მეორად ბინებს არ შეეხება-ვახტანგ ბუცხრიკიძე

იპოთეკური სესხის სუბსიდირება მეორად ბინებს არ შეეხება-ვახტანგ ბუცხრიკიძე
access_time2020-05-28 19:16:24
ახალი, სუბსიდირებული იპოთეკური სესხებით სარგებლობას მოქალაქეები „თიბისიში“ ივნისის შუა რიცხვებიდან შეძლებენ. ამის შესახებ „თიბისის“ დირექტორმა ვახტანგ ბუცხრიკიძემ რადიო „პალიტრასა“ და „პალიტრანიუსის“ გადაცემაში „საქმე“ განაცხადა. მისივე თქმით, სესხების გაცემის დასაწყებად ტექნიკური სამუშაოებია დარჩენილი, რასაც დაახლოებით, 1-2 კვირა დასჭირდება, შესაბამისად, ივნისის შუა რიცხვებში ბანკი მზად იქნება, რომ სესხები გასცეს. „ბოლო 3 კვირის განმავლობაში...

28 მაისი - ქართული ლარი გამყარდა, თურქული ლირა გაუფასურდა

28 მაისი - ქართული ლარი გამყარდა, თურქული ლირა გაუფასურდა
access_time2020-05-28 19:00:55
კორონავირუსის უარყოფითი ეფექტი რეგიონში ყველაზე მკვეთრად ქართული ლარის კურსზე აისახა, მარტის თვეში, ლარი რეკორდულად 22%-ით გაუფასურდა. წლის განმავლობაში, ქართული ლარი აშშ დოლართან მიმართებაში - 12%-ით გაუფასურდა. შედარებისთვის, დაახლოებით 16%-ით არის შემცირებული თურქული ლირა, სომხური დრამი და აზერბაიჯანული მანათი კი 2%-ის ქვემოთ მერყეობს.    ეროვნული ბანკის მიერ გამოქვეყნებული 28 მაისის ვაჭრობის შედეგად, ქართული ლარის კურსი მცირედით გამყარდა და ერთი აშშ დოლარის...

„ნატახტარი“ ბაზარზე 1 კვირაში მწვანე ლაიმის შეცველობის ლუდს გამოიტანს

„ნატახტარი“  ბაზარზე 1 კვირაში მწვანე ლაიმის შეცველობის ლუდს გამოიტანს
access_time2020-05-28 18:45:57
„ნატახტარი“ პროდუქციის ასორტიმენტს აფართოებს. კომპანია დაახლოებით ერთ კვირაში ბაზარზე მწვანე ლაიმის შემცველობის ლუდს გამოიტანს. როგორც „კომერსანტს“   „ნატახტარის“ კორპორატიულმა   დირექტორმა ნიკოლოზ ხუნძაკიშვილმა განუცხადა,ლუდის სეზონზე მნიშვნელოვანი იქნება ისიც, რომ „ნატახტარი“  არსებულ სასმელებზე, კომპანია  ფასებს დააკორექტირებს.    „განახლებული პროდუქციით  ვგეგმავთ გამოვჩნდეთ ბაზარზე და დავიწყოთ ლუდის სეზონი, წინა წელს...

ირაკლი ბურდილაძე - უძრავ ქონებაზე ფასების გაზრდა ან გაყიდვების შემცირება მოსალოდნელი არ არის

ირაკლი ბურდილაძე - უძრავ ქონებაზე ფასების გაზრდა ან გაყიდვების შემცირება მოსალოდნელი არ არის
access_time2020-05-28 16:38:06
მთავრობის მიერ წარდგენილი დეველოპერული სექტორის მხარდაჭერის ანტიკრიზისული გეგმა არის ყოვლისმომცველი და ძალიან კარგად დაბალანსებული, – ამის შესახებ კომპანია „საქართველოს უძრავი ქონება m2“-ის ხელმძღვანელმა, ირაკლი ბურდილაძემ განაცხადა, რომელიც გეგმის პრეზენტაციას დაესწრო. მისი თქმით, ეკონომიკას სტიმულირება ნებისმიერი კრიზისის დროს სჭირდება. „მინდა, ვისარგებლო შემთხვევით და ძალიან დიდი მადლობა გადავუხადო საქართველოს მთავრობას, თბილისის მერიასა...

ფრონტერა მოქმედებს როგორც არაკეთილსინდისიერი ბიზნეს სუბიექტი-ნავთობის და გაზის კორპორაცია

ფრონტერა  მოქმედებს როგორც არაკეთილსინდისიერი ბიზნეს სუბიექტი-ნავთობის და გაზის კორპორაცია
access_time2020-05-28 16:15:17
საქართველოს ნავთობისა და გაზის კორპორაცია (სნგკ/კორპორაცია) ნავთობისა და გაზის სახელმწიფო სააგენტოსთან (ნგსს/სააგენტო) ერთად მოუწოდებს ,,ფრონტერა რისორსიზ ჯორჯია კორპორეიშენს“, თავი შეიკავოს არაკეთილსინდისიერი ქმედებებისგან, საარბიტრაჟო განხილვის რეალური შედეგების საწინააღმდეგო ცნობების გავრცელებისგან და ამ გზით სამართლებრივი დავისთვის პოლიტიკური სახის მიცემისგან. აქვე, „ფრონტერამ“ პატივი უნდა სცეს მხარეთა მიერ შეთანხმებული დავების განმხილველი ინსტიტუტის -...


მსგავსი სიახლეები

up