მმართველი პარტია თვითმმართველობის აჩევნების მეორე ტურის წინ, დღეს, 27 ოქტომბერს მხარდამჭერებთან შემაჯამებელ შეხვედრას მართავს. თავისუფლების მოედანზე იმავე ადგილას 2 კვირით ადრე საპროტესტო აქცია ექს-პრეზიდენტ სააკაშვილის პატიმრობიდან გათავისუფლების მოთხოვნით გაიმართა. ქართულ ოცნებაში ირწმუნებიან, რომ მათი აქცია უფრო მრავალრიცხოვანი იქნება.
2 ოქტომბერს გამართულ თვითმართველობის არჩევნებზე, არაოფიციალურ რეფერენდუმში ქართულმა ოცნებამ 43%-იანი ბარიერი გადალახა და პროპორციულ ნაწილში ხმების 46.7% მიიღო. 2020 წლის საპარლამენტო არჩევნებისგან განსხვავებით ოპოზიციამ შედეგები მიიღო.
მმართველმა პარტიამ მერების არჩევნებში 64-დან 44 ქალაქში გაიმარჯვა, მაგრამ ყველა დიდ ქალაქში, მათ შორის თბილისში, რუსთავში, ქუთაისში, ბათუმში, ფოთსა და ზიგდიდში მეორე ტურები დაინიშნა. ქუთაისში ბათუმსა და ზუგდიდში პირველი ტურის შედეგად უპირატესობას ნაციონალური მოძრაობის კანდიდატები ფლობენ.
დედაქალაქში მეორე ტურში ერთმანეთს ქართული ოცნების კანდიდატი და მოქმედი მერი კახა კალაძე ნაციონალური მოძრაობის კანდიდატს ნიკა მელიას დაუპირისპირდება. ორივე მათგანი კენჭს მეორედ იყრის. 2014 წელს მელია დავით ნარმიანისთან მეორე ტურში დამარცხდა, კალაძემ კი 2017 წელს პირველივე ტურში გაიმარჯვა.
20 ქალაქში თვითმართველობის არჩევნების მეორე ტური შაბათს, 30 ოქტომბერს გაიმართება.