საქართველოში საკუთარი ავტომობილის გარდა ტაქსი ერთადერთი ტრანსპორტია, რომლით გადაადგილებაც „კომენდანტის საათის“ ფარგლებში მოსახლეობას შეუძლია.  საგანგებო მდგომარეობის მიუხედავად, კი მომსახურე კომპანიებში  ტარიფის ზრდაზე არ საუბრობენ. 

 „საგანგებო მდგომარეობისა და „კომენდანტის საათის“ ამოქმედებასთან ერთად, შემცირდა ტაქსის გამოძახების რაოდენობა“.-ამის შესახებ „კომერსანტს“ ტაქსის გამოძახების სერვის «მაქსიმის» რეგიონალურმა დირექტორიმა  თორნიკე კირკიტაძემ განუცხადა.

 „ე.წ კომენდანტის საათის გამო გამოძახების საერთო რაოდენობა, რა თქმა უნდა, შეცვლილია. არსებული მდგომარეობიდან გამომდინარე, ბევრი სამუშაო ადგილი გაჩერებულია და მოსახლეობას ხშირად გადაადგილდება არ უწევს, მათი უმეტესობა სახლებში რჩება. ასეთ სიტუაციაში ტაქსიზე მოთხოვნაც შესაბამისად იკლებს.  კარგია როცა მოსახლეობა ემორჩილება არსებულ დადგენილებებს, ჩვენ, ჩვენი მხრივ ვიცავთ ყველა მოთხოვნას, მძღოლებს ხშირად ვაწვდით მსოფლიო ჯანდაცვის ორგანიზაციის მიერ გამოქვეყნებულ რეკომენდაციებს.“-ამბობს თორნიკე კირკიტაძე.

„კომერსანტის“ კითხვაზე შეიცვალა თუ არა ტაქსის მომსახურების საფასური, კომპანიაში გვპასუხობენ, რომ „მაქსიმი“ ითვალისწინებს ქვეყანაში არსებულ მდგომარეობას და ფასებს არ ზრდის და არც მომავალში განიხილავს.  მათი ინფორმაციით, ფასები არ შეცვლილა თავად მძღოლებისთვისაც, რომლების კომპანიას მიღებული შეკვეთებიდან საკომისიოს უხდიან.

ტაქსის გამოძახების სერვის «მაქსიმის» რეგიონალური  დირექტორის თქმით, მათ მომსახურებას სურსათის მიწოდებისა და კურიერის მომსახურებებიც დაემატა, რაც მომხმარებელს სასურველი პროდუქციის, ხოლო მძღოლებს შეკვეთების მიღებაში დაეხმარება .

 ფასთან დაკავშირებული ცვლილელბები არ გაუტარებიათ, არც ტაქსის კომპანია „200-200“-ში. როგორც მისი დამფუძნებელი ნიკა ხოფერია ამბობს, კომპანიას გამოძახების ტარიფთან ერთად, არ გაუზრდია მძღოლებისთვის დაწესებული საკომისიო, რომელსაც ისინი თითოეული გამოძახებიდან იღებენ.

„ჩვენს კომპანიას არ გაუძვირებია არც გადაადგილების ტარიფი და არც მძღოლების. გამოძახებების რაოდენობა იგივე დარჩა. დღის მანძილზე ვინც გადაადგილდება ძირითადად ტაქსით დადიან. თუმცა, საზოგადოებრივი ტრანსპორტის გაუქმებას გამოძახების რაოდენობაც არ გაუზრდია. არც ველოდით ამ მაჩვენებელს, რადგან ხალხის დიდი ნაწილი სახლებშია და არსად გადის გარდა ახლო ტერიტორიებისა, სადაც ქვეითად მოზრაობენ.“-ამბობს  ნიკა ხოფერია.

ნათია ლომიძე