ტაქსების რეფორმა შესაძლოა, სხვა დიდ ქალაქებშიც დაიწყოს

ტაქსების რეფორმა შესაძლოა, სხვა დიდ ქალაქებშიც დაიწყოს

access_time2019-10-31 18:30:33

დედაქალაქის შემდეგ, ტაქსისა და საზოგადოებრივი ტრანსპორტის რეფორმა, შესაძლოა, რეგიონებშიც ამოქმედდეს. მიუხედავად იმისა, რომ საზოგადოებრივი ტრანსპორტი არც თბილისშია მოწესრიგებული, ის ერთი კომპანიისა და მუნიციპალიტეტის მფლობელობაშია. სავარაუდოდ, სწორედ ამ მეთოდით მოხდება ძირითად ქალაქებში სფეროს რეგულირება.


ქვეყნის დიდ ქალაქებში, თბილისის მაგალითზე მოხდა პარკირების საბარათე სისტემის შექმნა. სავარაუდოდ, სწორედ ამ სცენარით განვითარდება საზოგადოებრივი ტრანსპორტისა და ტაქსის ლიცენზირების საკითხიც.


რეგიონებში ტრანსპორტის მომსახურების პრობლემაა. რამდენიმე ქალაქში სამარშრუტო ტაქსების და მუნიციპალური ავტობუსების მძღოლების სამუშაო დღე 18 საათზე მთავრდება. კიდევ უფრო მძიმე სურათია სოფლებში, სადაც რაიონული ცენტრებიდან რეისები დღის მეორე ნახევარში საერთოდ არ სრულდება. სამარშრუტო ტაქსებისგან გასხვავებით, ავტობუსები თვითმმართველობებს ექვემდებარება. გამგეობების ნაწილი საკანონმდებლო ხარვეზზე საუბრობს. მიუხედავად იმისა, რომ მუნიციპალური ტრანსპორტისა და ზოგადად გადაადგილების პრობლემა საქართველოს თითქმის ყველა რეგიონში მწვავედ დგას, ,,რეზონანსის” ინფორმაციით, ლიცენზირებისა და რეგულირების საკითხი, ამ ეტაპზე მხოლოდ ქუთაისსა და ბათუმს შეეხება.


ეკო ტრანსპორტ ცენტრის აღმასრულებელი დირექტორი ვასო ურუშაძე ამბობს, რომ თბილისში ტაქსებთან დაკავშირებულ ცვლილებებს საერთო არაფერი აქვს რეფორმასთან და გაუაზრებელი რეგულაციების ნაკრებია. თანაც, თუკი, რეფორმა მთელ ქვეყნაში არ განხორციელდა, შედეგი არ იქნება.


,,პირველ რიგში, უნდა დავიწყოთ იმით, რომ დედაქალაქის ანალოგი არ შეიძლება განხორციელდეს სადმე, რადგან ეს არ არის რეფორმა, ეს გაუაზრებელი რეგულაციების ნაკრებია. იმ შემთხვევაში, თუ საქართველოს მთელს ტერიტორიაზე არ იმუშავებს ტაქსის შემთხვევაში ერთიანი სისტემა, ამას აზრი არ ექნება და იქნება როგორც თბილისშია, როცა რუსთავში ან მარნეულში რეგისტრირებული ავტომობილები ჩამოდიან ლიცენზიისა და იმ პირობების დაკმაყოფილების გარეშე, რაც მხოლოდ თბილისში მოქმედებს. ასე მოხდება რეგიონებშიც. ბათუმში ქობულეთიდან ან ბათუმის სოფლებიდან ჩავლენ, ქუთაისში ზესტაფონიდან და წყალტუბოდან.



ამიტომაც ერთიანი სისტემაა აუცილებელი და არა ნაგლეჯ-ნაგლეჯ რეფორმა, რაც დღეს ხორციელდება ჩვენთან.


სახელმწიფომ უნდა გაითვალისწინოს ის მიდგომები, რასაც ჩვენ, სპეციალისტები ვუზიარებდით. არც დედაქალაქი და არც სხვა რომელიმე ქალაქი, რა თქმა უნდა, მზად არაა ტაქსის რეფორმისათვის, როცა საზოგადოებრივი ტრანსპორტი ამ დონეზეა მოუწესრიგებელი. რეგიონული ცენტრებისგან მოშორებით უფრო რთული მდგომარეობაა გადაადგილების მხრივაც”, - აცხადებს ურუშაძე ,,რეზონანსთან”.


ქუთაისს უკვე 12 წელია, აღარ გააჩნია მუნიციპალური სატრანსპორტო სისტემა. ამჟამად ქალაქში მგზავრებს ემსახურება ტენდერებში გამარჯვებული ათზე მეტი კომპანიის ავტოტრანსპორტი, რომლის მდგომარეობა და მომსახურების ხარისხი ბევრს არ მოსწონს და ხშირად აპროტეტსტებენ ადგილობრივები.


თებერვალში ქუთაისის მერიის ტრანსპორტის განყოფილების ხელმძღვანელი ირაკლი ცხვედიანი ვერ აკონკრეტებდა, რა თანხა დასჭირდება მუნიციპალური სატრანსპორტო სისტემის შექმნას, თუმცა ამბობდა, რომ დაპირება, სავარაუდოდ, ერთ წელიწადში შესრულდება და პირველ ეტაპზე მუნიციპალურ დაქვემდებარებაში გადავა 10 საავტობუსო ხაზი. თებერვლამდე მხოლოდ 4 თვე დარჩა, თუმცა ქუთაისში ამ მხრივ ჯერ კიდევ არაფერი შეცვლილა. არავინ აკონკრეტებს მმართველ უმრავლესობაში არც იმას, ემზადება თუ არა დასავლეთ საქართველოს მთავარი ქალაქი, თბილისის მოდელზე გადასასვლელად, როცა ავტობუსები მუნიციპალიტეტს ეკუთვნის, მიკროავტობუსები ერთ კომპანიას, ხოლო ტაქსების ლიცენზირება და სხვადახვა რეგულაციებში მოქცევა უკვე დაწყებულია.


თბილისში გატარებული ცვლილებები რომ მასშტაბურ შედეგზე ორიენტირებული არ არის, ამბობს საავტომობილო სფეროს სპეციალისტი, ტრანსპორტისა და გზების ასოციაციის თავმჯდომარე, დათო მესხიშვილიც.


,,რეფორმა ვერ იქნება ის, რის შესახებაც არც კვლევაა ჩატარებული და არც ის ვიცით, რა შედეგზე უნდათ გასვლა. მეტიც, ეტაპებიც კი არ არის გამოცხადებული, ახლა რომ თვითდასაქმებულია მძღოლი, რა უნდა დააკმაყოფილოს მომავალ წელს. სრულიად უპასუხისმგებლოდ მიმდინარეობს პროცესი. ასე რომ, თბილისის მაგალითი ვერ გამოდგება რეგიონებისთვის, რადგან ერთადერთი რაც საბოლოოდ მოხდება, არის ტაქსის ბიზნესის გამსხვილება და თვითდასამქებულთა გაქრობა ამ ბაზრიდან.


რაც შეეხება მუნიციპალურ ტრანსპორტს, სანამ არ გვეცოდინება თითოეულ ქალაქს რა გეგმა აქვს და ასევე სანამ ქვეყნას არ ექნება საერთო სატრანსპორტო სტრატეგია, ძალიან რთულია რამეზე საუბარი. ფაქტია, ეს არ უნდა იყოს ისე, როგორც კომუნისტური მანკიერი პრაქტიკით დღემდე გრძელდება, როცა ყველაფერი სახელმწიფოსია”, - განაცხადა მესხიშვილმა.


bpn.ge





ლარის კურსი დოლართან და ევროსთან გამყარდა, რუბლთან გაუფასურდა

ლარის კურსი დოლართან და ევროსთან გამყარდა, რუბლთან გაუფასურდა
access_time2021-12-03 18:00:48
3 დეკემბრის ვაჭრობის შედეგად ლარი აშშ დოლართან მიმართებაში 0.73 თეთრით 3.1210-მდე გამყარდა. Bloomberg-ის პლატფორმაზე დღის ბოლოს კურსმა 3.1093 შეადგინა. საერთაშორისო ვალუტებიდან ლარი ევროსთან 1.39 თეთრით 3.5302-მდე, ბრიტანულ ფუნტთან 2.16 თეთრით 4.1447-მდე, ხოლო აზერბაიჯანულ მანათთან 0.46 თეთრით 1.8375-მდე, ლარი თურქულ ლირასთან 0.40 თეთრით 0.2291-მდე, 1000 სომხურ დრამთან 5.39 თეთრით 6.3327-მდე გამყარდა. 100 რუსულ...

მოქალაქეებს სახელმწიფო და კერძო დაზღვევით ერთდროულად სარგებლობის უფლება მიეცეთ – სადაზღვევო კომპანიების შეთავაზება

მოქალაქეებს სახელმწიფო და კერძო დაზღვევით ერთდროულად სარგებლობის უფლება მიეცეთ – სადაზღვევო კომპანიების შეთავაზება
access_time2021-12-03 15:32:51
სადაზღვევო კომპანიები მოსახლეობისთვის მედიკამენტების ხელმისაწვდომობის გაზრდის მიზნით ინიციატივით გამოდიან. ისინი მთავრობას სთავაზობენ, მედიკამენტების ფასების რეგულირების ნაცვლად, სხვა სახის გადაწყვეტილებები იქნას მიღებული. მათი ნაწილის ინიციატივა შემდეგია: როგორც ცნობილია, 2017 წლიდან „საყოველთაო ჯანდაცვის“ პროგრამაში ცვლილებები შევიდა და დიფერენცირებული პაკეტები მოქმედებს. კერძოდ, ყოველთვიურად 1000 ლარზე ნაკლები შემოსავლის მქონე მოქალაქეები,...

დღის TOP10 საინტერესო ამბავი

დღის TOP10 საინტერესო ამბავი
access_time2021-12-03 21:00:10
დღის TOP10 საინტერესო ამბავი:     1. თემურ ჭიჭინაძე ენერგოკომპანიებთან დადებული ხელშეკრულებების გადახედვას ითხოვს ენერგომომარაგების ხელშეკრულებების უმეტესობა გაუმჭვირვალობის გამო უამრავ კითხვას აჩენს. ეს მხოლოდ ტარიფებს არ ეხება,  ენერგეტიკოსი თემურ ჭიჭინაძე აცხადებს, რომ თავიდან ბოლომდე  ეჭვს იწვევს როგორც ჰესების...

საქართველოში, მხოლოდ გრატოს სათბურებში მოყვანილი, შობის ვარსკვლავი

საქართველოში, მხოლოდ გრატოს სათბურებში მოყვანილი, შობის ვარსკვლავი
access_time2021-12-03 14:55:22
გრატო, ერთადერთი სათბურია საქართველოში, რომელსაც 10 წელია შობის ვარსკვლავი ადგილზე მოჰყავს. პოინსეტია ტროპიკული მცენარეა, ამიტომ მას ესაჭიროება კონკრეტული პირობების შექმნა, რაც გრატოს სათბურებში მაქსიმალურად არის მიღწეული. გრატოს სათბურებში, მცენარეებს, ჩითილის ფაზიდანვე უტარდება მუდმივი, ყოველკვირეული კონტროლი მავნებელ-დაავადებებზე. ვინაიდან, მათი ერთ-ერთი უმნიშვნელოვანესი ამოცანაა, მომხმარებელს მიაწოდონ ჯანმრთელი და ხარისხიანი მცენარე. ასევე, პოინსეტიას...

სამომხმარებლო კალათაში შემავალი 305 დასახელების პროდუქტიდან 270 გაძვირდა

სამომხმარებლო კალათაში შემავალი 305 დასახელების პროდუქტიდან 270 გაძვირდა
access_time2021-12-03 14:30:17
ნოემბერში საქართველოში ინფლაციის წლიურმა განაკვეთმა 12.5% შეადგინა, თუმცა ცალკეულ პროდუქციაზე ფასები ბევრად უფრო მეტად გაიზარდა. სამომხმარებლო კალათაში შესული 305 დასახელების პროდუქტიდან და მომსახურებიდან 270 შემთხვევაში ფასები გაიზარდა, 10 დასახელების პროდუქტზე უცვლელად შენარჩუნდა 25 შემთხვევაში კი შემცირდა.   ბოლო ერთ წელიწადში თევზის კონსერვი და მოხარშული ძეხვი 13-13 პროცენტით გაძვირდა, შოკოლადი, ნიგოზი, ბანანი და კარაქი 14-14 პროცენტით, შებოლილი ხორცი 16%-ით, სულგუნი...


მსგავსი სიახლეები

up