“როცა მძღოლების 80 პროცენტს  თეთრ ფერზე აქვს პროტესტი, უნდა მოხდეს შეთავაზების გადახალისება და დათმობებზე წასვლა“   -  ჩავარდება თუ არა თეთრი ფერის ტაქსების რეფორმა

“როცა მძღოლების 80 პროცენტს თეთრ ფერზე აქვს პროტესტი, უნდა მოხდეს შეთავაზების გადახალისება და დათმობებზე წასვლა“ - ჩავარდება თუ არა თეთრი ფერის ტაქსების რეფორმა

access_time2019-08-14 14:30:45

 „ჩემი აზრით, ტაქსების რეფორმა შედგება და საბოლოო ჯამში არ ჩავარდება. თუმცა, თეთრი ფერის  თემა გაიწელება, იქნება კიდევ მეტი წინააღმდეგობებიც, მაგრამ საბოლოო ჯამში მაინც გადავალთ ერთიან თეთრ ფერზე,“ -   ასე აფასებს ტაქსების კომპანია 200-200-ის დამფუძნებელი ნიკა ხოფერია ტაქსების რეფორმის მიმდინარე ეტაპს და მძღოლების  ტაქსების თეთრად გადაღებვასთან დაკავშირებით მინიმალურ დაინტერესებას. 


 მანქანების თეთრად გადაღებვის მომსახურების გაწევაზე პასუხისმგებელი კომპანიის, „ალმას“ დირექტორის განცხადებით, მათ მოლოდინი ჰქონდათ, რომ შესაბამის მომსახურებას დაახლოებით 15 ათას ტაქსს გაუწევდნენ. თუმცა, ტაქსის ლიცენზიის მქონე მძღოლებზე, 10 აგვისტოს მდგომარეობით, თეთრად გადაღებვის და ფირის გადაკვრის მხოლოდ 2610 ვაუჩერია გაცემული. 7 აგვისტოს მდგომარეობით კი განაღდებულია 994 ვაუჩერი. აღსანიშნავია, რომ 10 აგვისტოს ვაუჩერების გაცემის ვადა ამოიწურა.


ნიკა ხოფერია მიიჩნევს, რომ რეფორმაში ჩართვის მსურველების ასეთი მცირე მაჩვენებელი გამოწვეულია იმით, რომ ტაქსების გადაღებვას  გარკვეული ვალდებულება მოყვება იმ კომპანიის მიმართ, რომელიც უზრუნველყოფს მანქანის თეთრად გადაღებვის ხარჯებს. კერძოდ, კომპანია, რომელიც იღებს საკუთარ თავზე  ტაქსის თეთრად გადასაღებვას, ითხოვს თავისივე გადაღებილ მანქანაზე სარეკლამო სტიკერის გაკვრას ორი წლის მანძილზე. იმ ხალხისთვის კი ვინც არა მხოლოდ სამუშაოდ, არამედ ყოველდღიურ ცხოვრებაში, ოჯახისთვისაც იყენებს მანქანას, სტიკერის გაკვრა და მანქანის შეღებვა მიუღებელია და სწორედ ამას მოჰყვა  მძღოლების 80 პროცენტის მხრიდან წინააღმდეგობა. 


„ე.წ. ტაქსების რეფორმაში ჩვენთვის  უფრო მისაღებია უსაფრთხოებაზე ზრუნვა, ფერი კი უსაფრთხოებას არ უზრუნველყოფს. მარცხენა  საჭე უზრუნველყოფს უსაფრთხოებას ისევე, როგორც ტექდათვალიერება,  თვითონ ფერის ცვლილება ნაკლებად პრინციპულია.  ყველას უნდა ესთეტიური ტაქსებით მგზავრობა ქალაქში, მაგრამ ხვალ შეიძლება ვინმემ თქვას, რომ გვინდა თბილისი ეკოლოგიური ქალაქი იყოს და მწვანე იყოს ყველაფერი , მაშინ უნდა გადავამწვანოთ, მერე შეიძლება ვიღაცას სხვა აზრი დაებადოს და გახადოს იასამნისფერი და სულ გადასტიკერებებში უნდა ვიყოთ? შემდეგ ეტაპზე თუ ავტოპარკის ჩანაცვლება მოხდებოდა, ყველაფერი დამშვიდდებოდა, მერე უნდა გაეთვალათ ფერის საკითხი. როცა 2018 წელს  დაიწყებ რეფორმას და იტყვი რომ 20121 წლისთვის ტაქსი უნდა იყოს თეთრი, მაშინ რეკომენდაციას მისცემ მძღოლს, რომ შეიძინოს არა წითელი არამედ თეთრი ფერის მანქანა. ახლა ამ გადაღებვას და დასტიკერებას მოჰყვება ვალდებულება, ეუბნება რომელიმე კომპანია მძღოლს, მე გადაგიღებავ ტაქსს ვითომ უფასოდ, მაგრამ შენ ჩემი რეკლამა უნდა განათავსო მანქანაზე. ტაქსის მძღოლები კი სავალდებულო პროცესს  წინააღმდეგობას უწევენ,“ - აღნიშნა ნიკა ხოფერიამ




ორგანიზაცია საქართველოს ალიანსი უსაფრთხო გზებისთვის თავმჯდომარე ეკა ლალიაშვილი მიიჩნევს, რომ ტაქსების თეთრად გადაღებვა ამ რეფორმის დასკვნით ნაწილში უნდა ყოფილიყო, მაღალი პროტესტის გამო საზოგადოების მხრიდან, თუმცა მიიჩნევს, რომ საბოლოო ჯამში გარკვეულ დათმობებზე წასვლა მერიას მაინც მოუწევს.

 


„ეს რეფორმა არის იმისთვის, რომ გაუმჯობესდეს ხარისხი და უსაფრთხოების ნაწილი და არა იმისთვის, რომ მაინც და მაინც ერთფერიანი ტაქსები ვიხილოთ თბილისის ქუჩებში. როდესაც ქალაქის ხელისუფლება ატარებს რეფორმას, უნდა დავინახოთ რისთვის კეთდება ის. გადაღებვა იყო კარგი ინიციატივა ხელისუფლების მხრიდან, თუმცა როცა ვხედავთ, რომ  ტაქსების 80 პროცენტს  თეთრ ფერზე აქვს გარკვეული პროტესტი და ვერ იმუშავა ამ შეთავაზებამ,  უნდა მოხდეს გარკვეული გადახალისება და დათმობებზე წასვლა. ეს არ ნიშნავს იმას, რომ რეფორმა უნდა ჩავარდეს, არ უნდა ჩავარდეს და ეს არის პრინციპული საკითხი. ჩვენ უნდა დავინახოთ სექტემბერში რა ვითარება იქნება, რა მოცემულობა გვექნება და ამის შემდეგ ხელისუფლებამ მოდიფიცირება უნდა გაუკეთოს ამ შეთავაზებებს. ვინც გადაღება იმათაც არ უნდა იგრძნონ თავი უსამართლო პოზიციაში,  მაგრამ თუ ასეთი პრინციპული წინააღმდეგობაა, არ უნდა ჩავაჯინდეთ  ფერის  საკითხს.  თუ არ მუშაობს ეს შეთავაზება, უმჯოებსია გარკვეულ დათმობებზე წავიდეთ, ვიდრე უსაფრთხოება და თავად რეფორმის საკითხი დადგეს  უკვე საფრთხის ქვეშ, - ასე აფასებს კომერსანტთან ტაქსების რეფორმის პროცესს ეკა ლალიაშვილი

 


ცნობისთვის, 2019 წლის 1-ელ ოქტომბერს ტაქსების რეფორმის მეორე ეტაპი იწყება. ამ დროისთვის თბილისში მოძრავი ლიცენზირებული ტაქსები თეთრი ფერის, მარცხენასაჭიანი და ხუთკარიანი უნდა იყოს, გავლილი ჰქონდეს ტექდათვალიერება, და ფლობდეს ლიცენზიას.

ამ დროისთვის ლიცენზია თბილისში 31784 მძღოლს აქვს აღებული.

 

მარიამ მორგოშია





ლიბერთის და რუსთაველის თეატრის ერთობლივი ახალი სოციალური პროექტი

ლიბერთის და რუსთაველის თეატრის ერთობლივი ახალი სოციალური პროექტი
access_time2019-12-05 14:50:25
5 დეკემბერს, ლიბერთი ბანკსა და რუსთაველის თეატრს შორის ურთიერთ თანამშრომლობის მემორანდუმი გაფორმდა.  5 დეკემბრიდან, ლიბერთის სოციალური ბარათის მფლობელები, მათ შორის პენსიონრები და სახელმწიფო სოციალური სარგოს მიმღები პირები, რუსთაველის თეატრის მიერ გამართული სპექტაკლების ბილეთებს 30%-იანი ფასდაკლებით შეძლებენ. ერთობლივი სოციალური პროექტის თანახმად, ფასდაკლების მისაღებად ბილეთების შეძენა უნდა განხორციელდეს ლიბერთის სოციალური ბარათით თეატრის სალაროში განთავსებულ ლიბერთის...

„ბიძინა ივანიშვილის ინიციატივა ქართველი ემიგრანტების ცხოვრებას რადიკალურად გააუმჯობესებს“

„ბიძინა ივანიშვილის ინიციატივა ქართველი ემიგრანტების ცხოვრებას რადიკალურად გააუმჯობესებს“
access_time2019-12-05 18:30:54
ბიძინა ივანიშვილის განცხადებამ საზღვარგარეთ ქართველი ემიგრანტების ლეგალურად დასაქმებასთან დაკავშირებით, საზოგადოებაში აზრთა სხვადასხვაობა გამოიწვია. ძირითადად ამ ინიციატივას უარყოფითი შეფასებები მოყვა.   „ბანკებისა და ფინანსების" აზრით „ბიძინა ივანიშვილის ინიციატივა ქართველი ემიგრანტების ცხოვრებას რადიკალურად გააუმჯობესებს“, კომერსანტმა ამ განცხადების და ინიციატივის შინაარსის შეფასება სთხოვა საზღვარგარეთ მოღვაწე ბიზნესმენს, ვასილ ბაბლუანს, რომელიც საქართველოშიც ახორციელებს...

Apple-ის ჩაძირვას პაბლო ესკობარის ძმა აპირებს

 Apple-ის  ჩაძირვას პაბლო ესკობარის ძმა აპირებს
access_time2019-12-05 19:00:14
1993 წელს მოკლული კოლუმბიელი ნარკობარონის პაბლო ესკობარის ძმამ, რობერტო ესკობარმა დრეკადი სმარტფონი გამოუშვა, რომელიც 350 დოლარი ღირს - ეს ამ მოდელის ყველაზე იაფი ტელეფონია მსოფლიოში.   რობერტო ესკობარი აპირებს Apple-ის ჩაძირვას და იმის დამტკიცებას, რომ კარგი სმარტფონი 1000 დოლარზე ნაკლები შეიძლება ღირდეს.   მოდელი სახელწოდებით Escobar Fold 1, წარმოადგენს ჩინური Royole FlexPai ოქროსფერ ანალოგს და მისი რეალური ფასი 1400...

„საარჩევნო წელი მოდის და მთავრობა ცდილობს ხალხს ინფრასტრუქტურული სამუშაოებით მოაწონოს თავი“

„საარჩევნო წელი მოდის და მთავრობა ცდილობს ხალხს ინფრასტრუქტურული სამუშაოებით მოაწონოს თავი“
access_time2019-12-05 17:30:48
საქართველოს რეგიონული განვითარებისა და ინფრასტრუქტურის სამინისტრომ მიმდინარე წლის 11 თვეში ბიუჯეტიდან 1.67 მილიარდი ლარი აითვისა. უწყების ინფორმაციით სამინისტროს 11 თვის ბიუჯეტის შესრულება 2019 წელს ისტორიულად ყველაზე მაღალია. ეკონომიკის ექსპერტი ზვიად ხორგუაშვილი მიიჩნევს, რომ რეგიონული განვითარებისა და ინფრასტრუქტურის სამინისტროს ბიუჯეტის სიდიდე არჩევნების მოახლოებასთან ერთად უფრო იზრდება, რათა...

რა ზიანი შეიძლება მიადგეს კერძო ბიზნესს აქციზის დაუგეგმავი და სწრაფი ზრდის შედეგად

რა ზიანი შეიძლება მიადგეს  კერძო ბიზნესს  აქციზის დაუგეგმავი და სწრაფი ზრდის შედეგად
access_time2019-12-05 16:30:07
ბიზნესი საქართველოს მთავრობას მოუწოდებს სიგარეტზე აქციზი ეტაპობრივად გაიზარდოს. მათი თხოვნაა, ეტაპობრივად გაიზარდოს მხოლოდ ფიქსირებული გადასახადი, ადვალური კი პირვანდელ ნიშნულს დაუბრუნდეს. სექტორი იმ უარყოფით შედეგებზე საუბრობს რომელიც ბიზნეს აქციზის დაუგეგმავი და სწრაფი ზრდის შედეგად მიადგება. კომერსანტი თამბაქოს ინდუსტრიის განცხადებას უცვლელად გთვაზობთ. „იმპორტირებულ ფილტრიან სიგარეტზე ადვალური გადასახადის გაზრდამ 2019 წლის განმავლობაში მისი რამდენიმე ეტაპად გაძვირება გამოიწვია....


მსგავსი სიახლეები

up