კორონავირუსის პანდემიისგან დაზარალებული ბიზნესი გახსნისთვის მზად არის. მთავრობისგან რეგულაციების დამტკიცებას და გახსნის ზუსტ თარიღს ელოდებიან ტანსაცმლის მაღაზიებიც. მათ შორის, ქართული ბრენდული მაღაზია „DOTS”, რომელმაც წარმოება გააქტიურა, თუმცა მაღაზია ჯერ კიდევ დახურულია და მომხმარებელთან დაბრუნებას ჯანდაცვის რეკომენდაციების გათვალიწინებითა და კოლექციებზე ფასდაკლებით გეგმავს.
როგორც „კომერსანტს“ „DOTS”-ში განუცხადეს ბოლო ორი თვე მაღაზია უშემოსავლოდ დარჩა, რის გამოც კომპანიამ დიდი ფინანსური ზარალი მიიღო. მათივე თქმით, შეზრუდვების პერიოდი იმ თვეებს დაემთხვა რომელიც ტურისტულად ყველაზე აქტიური იყო და გაყიდვის მაღალ მაჩვენებელზეც უნდა ასახულიყო.
„ზარალი რომელიც ამ დროის განმავლობაში კომპანიას მიადგა კონფიდენციალურია , თუმცა რიცხვი საკმაოდ მაღალია. იმის გათვალისწინებით, რომ 20 მარტიდან დღემდე მაღაზია დაკეტილია და კომპანიაში არ ფიქსირდება შემოსავალი, მაშინ როდესაც ხარჯი უცვლელი დარჩა. ეს იყო ტურისტულად ყველაზე აქტიური პერიოდი და ჩვენ ვერ გამოვიყენეთ. წინა წლების ანალოგიურ პერიოდს, რომ გადავხედოთ, ყველაზე მაღალი გაყიდვების მაჩვენებელი გაზაფხულზე ფიქსირდებოდა.
მდგომარეობას ისიც ამძიმებს, რომ არ ვიცით როდის შევძლებთ მუშაობის განახლებას, ჯერ ზუსტი თარიღი უცნობია, თუმცა უსაფრთოხოების ყველა ზომა მიღებული გვაქვს, არა მატო ჩვენ არამედ ყველა ობიექტი მზადაა მუშაობისთვის და გაუგებარია რატომ გაახანგრძლივეს ვადა. რაც უფრო მალე შეძლებს ბიზნესი საწყის მდგომარეობას დაუბრუნდეს, უფრო სწრაფად და უკეთ შეიცლება ქვეყნის ეკონომიკური მდგომარება“,— განგვიცხადეს „DOTS”-ში.
კომპანიის წარმომადგენელმა „კომერსანტთან“ ისაუბრა, თუ რას გეგმავს DOTS გახსნის შემდეგ რა ფორმით დაბრუნდებიან ბაზარზე.
„მაღაზიასთან ერთად გვაქვს წარმოებაც, რომელზეც მოიხსნა შეზღუდვა და ყველა რეკომენდაციის დაცვით განვაახლეთ სამუშაო პროცესი. მუშაობას დავიწყებთ დიდი შეთავაზებით, მაქსიმალურად დავტვირთავთ ონლაინ მომსახურებას. ასევე ვაპირებთ კონკრეტული კოლექციებზე ფასდაკლებას. ტანსაცმელი და ფეხსაცმელი არ არის პირველადი გამოყენების ნივთი, მაგრამ გვაქვს სიახლე -კრიზისის დროს DOTS-ში დავიწყეთ პირველადი მოხმარების ნივთების წარმოება, მათ შორის პირბადეები, რომელიც უკვე გაყიდვაშია და მსურველს რამდენიმე სახეობის/დიზაინისა და ზომის, სახის დამცავ ნიღბებს ვთავაზობთ. მხოლოდ დიზაინი არ არის პირბადის პირდაპირი დანიშნულება, არამედ შევქმენით ლუგარის ლაბორატორიის რეკომენდაციით”,- აცხადებენ კომპანიაში.
ნათია ლომიძე