ილონ მასკმა განათლების თანამედროვე სისტემაზე, სკოლებსა თუ უმაღლესებში არსებულ ვითარებაზე ისაუბრა და აღნიშნა, რომ ბავშვის ინტერესები ყოველთვის უნდა გავითვალისწინოთ. 

„თუ ბავშვს უყვარს მათემატიკა, მიეცით საშუალება ამ მიმართულებით განვითარდეს. თუ უცხოური ენები მოსწონს, დაე, ისწავლოს. საყოველთაოდ მიღებული უნივერსალური პროგრამები წარსულს უნდა ჩაბარდეს თითოეული ბავშვისთვის უნდა შემუშავდეს უნიკალური მიდგომა, მისი ინტერესებისა და შესაძლებლობების გათვალისწინებით“, - განაცხადა მასკმა და ისიც დასძინა, რომ აბსტრაქტული მათემატიკური ამოცანების ამოხსნისას, მოსწავლეებმა უნდა იცოდნენ, რაში შეიძლება გამოადგეთ მიღებული ცოდნა, ასე მოტივაციაც გაუჩნდებათ და განათლებასაც დამოუკიდებლად მიიღებენ.

მასკი მიიჩნევს, რომ თანამედროვე განათლების პრობლემა შემდეგშია. სკოლებში ზედმეტად უღრმავდებიან საგანს ისე, რომ მოსწავლეებს არ უხსნიან მის საფუძვლებს, მთავარ იდეას და რაც მთავარია, ბიზნესმენის აზრით, ტესტებით ცოდნის შემოწმება არანაირ შედეგს არ იძლევა. მასკი აქცენტს პრესტიჟული კურსების არაეფექტურობაზე აკეთებს

„იქ ადამიანებს საერთოდ არ ასწავლიან ფიქრს შთააგონებენ, რომ არიან განსაკუთრებულები, არადა, ისიც კი არ იციან, როგორ გააანალიზონ საკუთარი შეცდომები

და ბოლოს, მასკი ფიზიკას მეცნიერების დედოფლად მიიჩნევს და ამბობს, რომ ის ყველა ადამიანმა უნდა ისწავლოს. მიუხედავად იმისა, აპირებს თუ არა განვითარებას ამ მიმართულებით.

წყარო: etaloni.ge