დღეს მსოფლიოში 1.8 მილიარდი მწეველია, თამბაქოს მოხმარების შედეგად გამოწვეული არაგადამდები დაავადებებით კი ყოველწლიურად 7 მილიონი ადამიანი იღუპება. ამ პრობლემის წინააღმდეგ ბრძოლის პროცესში აქტიურად მონაწილეობენ სამთავრობო ინსტიტუტები და ჯანდაცვის საერთაშორისო ორგანიზაციები. ისინი აკრძალვებისა და კონტროლის დაწესებით ცდილობენ, შეამცირონ მწეველთა რაოდენობა და მოახდინონ თამბაქოს მოხმარების პრევენცია.

მიუხედავად ამისა, დიდი ნაწილი ვერ ან არ ანებებს თავს მოწევას. აშშ-ს საკვებისა და მედიკამენტების ადმინისტრაციის მონაცემების თანახმად, მწეველთა 70%-ს აქვს სურვილი შეწყვიტოს თამბაქოს მოხმარება, თუმცა მხოლოდ 7%-ს მცდელობა სრულდება წარმატებით.

მოწევის წინააღმდეგ ბრძოლის პროცესში განსხვავებულ მიდგომას იყენებენ თამბაქოს ინდუსტრიის წარმომადგენლები და უპირატესობას თამბაქოს ზიანის შემცირების სტრატეგიას ანიჭებენ. სწორედ ამ მიზნით შეიქმნა თამბაქოს გასახურებელი მოწყობილობა, რომელიც ტრადიციულ სიგარეტთან შედარებით ამცირებს ორგანიზმზე განხორციელებულ უარყოფით ზეგავლენას.

თამბაქოს გასახურებელი მოწყობილობა და ზიანის შემცირების მექანიზმი

სიგარეტის წვის დროს გამოყოფილი კვამლი 6000-მდე მავნე ქიმიურ ნივთიერებას შეიცავს, მათ შორის 70 კი კიბოს გამომწვევ მიზეზად სახელდება.

ტრადიციული სიგარეტისგან განსხვავებით, თამბაქოს გასახურებელი მოწყობილობები არ იყენებს წვას, არამედ იყენებს გახურების ტექნოლოგიას. რაც ნიშნავს იმას, რომ მოწყობილობა სპეციალურად შექმნილ თამბაქოს ღერს 350⁰C-მდე ახურებს. შედეგად ის კვამლის ნაცვლად აეროზოლს წარმოქმნის.

მეცნიერული კვლევებით დასტურდება, რომ წვის უგულებელყოფით, თამბაქოს ალტერნატიული მოწყობილობა სიგარეტთან შედარებით დაახლოებით 95%-ით ნაკლებ ტოქსიკურ ნივთიერებას გამოყოფს. თუმცა ეს არ ნიშნავს იმას, რომ მოწყობილობა სრულიად უსაფრთხოა. ჯანდაცვის  ექსპერტების აზრით, თამბაქოს გასახურებელი მოწყობილობა ტრადიციულ მოწევასთან შედარებით პოტენციურად ნაკლები რისკის შემცველია, თუმცა ეს პროდუქტები არ წარმოადგენს მოწევისთვის თავის დანებების ალტერნატივას.

ინფორმაციაზე ხელმისაწვდომობის მნიშვნელობა

არაერთი გამოქვეყნებული სამეცნიერო თუ კლინიკური კვლევისა და არსებული მტკიცებულების მიუხედავად, მწეველთა დაახლოებით ნახევარი (49%) არ ფლობს ინფორმაციას თამბაქოს გასახურებელი მოწყობილობის შესახებ.

ორგანიზაცია Povaddo-ს მიერ ჩატარებული გამოკითხვით დადგინდა, რომ მწეველთა დიდი ნაწილი (76%) მზად არის, ჩაანაცვლოს ტრადიციული მოწევა და გადავიდეს თამბაქოს ალტერნატიული მოწყობილობის მოხმარებაზე. გამოკითხულთა 77% კი მიიჩნევს, რომ იმ ზრდასრულ მწეველებს, რომლებიც ვერ ან არ ანებებენ თავს მოწევას, უნდა ჰქონდეთ წვდომა თამბაქოს ელექტრონულ მოწყობილობებზე. ამის მიზეზად გამოკითხულთა ნაწილი (71%) მწეველი და არამწეველი ინდივიდებისთვის მიყენებული ზიანის შემცირების პროცესში თამბაქოს გასახურებელი მოწყობილობის შესაძლო ბენეფიტებს ასახელებს.

გამოკითხულთა შორის არსებული მიმღებლობის მიუხედავად, საზოგადოებაში მაინც განსხვავებული დამოკიდებულება და ერთგვარი უნდობლობა არსებობს როგორც მოწყობილობების, ასევე, თამბაქოს ინდუსტრიის მიმართ. ამის მიზეზი კი ინტერნეტსივრცესა და მედიაში გავრცელებული არასწორი ან დაუსაბუთებელი ინფორმაციაა, რომელიც აფერხებს თამბაქოს ზიანის შემცირების პროცესს.

ამავე კვლევის თანახმად, გამოკითხულთა 43%-მა ბოლო 6 თვის განმავლობაში ინტერნეტში წაიკითხა ან გაიგო ურთიერთგამომრიცხავი ინფორმაცია თამბაქოს გასახურებელი მოწყობილობის და მისი პოტენციური სარგებლის შესახებ, რამაც მათში დაბნეულობა და უნდობლობა გამოიწვია.

ექსპერტების განცხადებით, თამბაქოს ზიანის შემცირების პროცესში მნიშვნელოვანია მოსახლეობას ჰქონდეს წვდომა სანდო და მეცნიერულ მტკიცებულებებზე დაფუძნებულ ინფორმაციაზე, რაც შესაძლებლობას მისცემს იმ ზრდასრულ მწეველებს, რომლებიც სხვაგვარად გააგრძელებდნენ მოწევას, გააკეთონ ინფორმირებული არჩევანი და გადავიდნენ შემცირებული რისკის მქონე მოწყობილობების მოხმარებაზე.

®