თამბაქოს ალტერნატიული პროდუქტები მალე ტრადიციულ სიგარეტებს ჩაანაცვლებენ- „ფილიპ მორის ინტერნეიშენალის“ ანგარიში

თამბაქოს ალტერნატიული პროდუქტები მალე ტრადიციულ სიგარეტებს ჩაანაცვლებენ- „ფილიპ მორის ინტერნეიშენალის“ ანგარიში

access_time2020-07-03 18:16:08

თამბაქოს ნაწარმის მწარმოებელი საერთაშორისო კომპანია “ფილიპ მორის ინთერნეიშენალი” ტრასფორმაციას გეგმავს, რაც 2025 წლისთვის ტრადიციული სიგარეტის ალტერნატიული მოწყობილობით ჩანაცვლებას გულისხმობს. განხორციელებული ცვლილებებისა და სამომავლო გეგმების შესახებ კომპანიამ შემაჯამებელი ანგარიში გამოაქვეყნა.

 

კომპანიის CEO-ს ანდრე კალანცოპოლოსის განცხადებით, თამბაქოს კვამლის გარეშე მომავლის შექმნა თავად PMI-ს ინტერესებშია.

 

"მჯერა, რომ სწორი მარეგულირებელი სისტემისა და საზოგადოების მხარდაჭერით, მომავალი 10-15 წლის განმავლობაში შესაძლებელი გახდება ტრადიციული სიგარეტის გაყიდვების მინიმუმამდე შემცირება“, - განაცხადა კომპანიის აღმასრულებელმა დირექტორმა, ანდრე კალანცოპოლოსმა.

 

„ფილიპ მორის ინთერნეიშენალის“ მიერ შექმნილი მოწყობილობა IQOS-ი თამბაქოს წვის ნაცვლად გახურების ტექნოლოგიას იყენებს. კომპანია სიგარეტის ალტერნატივების ბაზრის ამ სეგმენტზე ლიდერის პოზიციებს იკავებს. გამოქვეყნებული ანგარიშის თანახმად, კომპანიის მოგების დაახლოებით 20% სწორედ IQOS-ის გაყიდვებზე მოდის.


 

„ფილიპ მორის ინთერნეიშენალის“ შემაჯამებელი ანგარიშის თანახმად,  2019 წელს მსოფლიოს მასშტაბით PMI-ის პროდუქციის 140 მილიონი მომხმარებლიდან 13.6 მილიონი IQOS-ის მოწყობილობას მოიხმარდა, რომელთაგან 9.7 მილიონმა მწეველმა სრულად ჩაანაცვლა ტრადიციული სიგარეტი ალტერნატიული მოწყობილობით.

 

„კვამლისგან თავისუფალი მომავლის“ შესაქმნელად კომპანია აგრძელებს თამბაქოს ალტერნატივების განვითარებაში ინვესტიციების განხორციელებას. გამოქვეყნებული მონაცემების თანახმად, 2019 წელს კომპანიის ხარჯების 71% კვამლისგან თავისუფალი პროდუქტის წარმოებისა და განვითარებისკენ იყო მიმართული.

 

„ფილიპ მორისის” განცხადებით, ჩვეულებრივი სიგარეტის ალტერნატივების მოხმარებით გამოყოფილი ორთქლის შემადგენლობა ნაკლები მოცულობის საზიანო ნივთიერებებს შეიცავს, ვიდრე  ჩვეულებრივი სიგარეტი. თუმცა ექსპერტთა ნაწილი ამ საკითხს სკეპტიკურად უყურებს. ისინი ვარაუდეობენ, რომ მოწყობილობის მოხმარების დროს გამოიყოფილი ნივთიერებების გრძელვადიანი გავლენა ჯანმრთელობაზე ჯერ კიდევ უცნობია.

 

„PMI-ის მიზანს 2025 წლისთვის მწეველთა დადგენილი რაოდენობის, 1.1 მილიარდი მომხმარებლის, 40 მილიონით შემცირება წარმოადგენს. ამ მიზნის მიღწევა კი მხოლოდ მთავრობებისა და ჯანდაცვის სისტემების ხელშეწყობით არის შესაძლებელი,“- ამბობს კომპანიის აღმასრულებელი დირექტორი.


(R)





საქართველოში კორონავირუსი კიდევ 4426 ადამიანს დაუდასტურდა

საქართველოში კორონავირუსი კიდევ 4426 ადამიანს დაუდასტურდა
access_time2020-11-29 11:00:07
საქართველოში კორონავირუსი კიდევ 4426 ადამიანს დაუდასტურდა, 3721 კი გამოჯანმრთელდა. ამის შესახებ ინფორმაცია მთავრობის ადმინისტრაციამ გაავრცელა. ბოლო 24 საათის განმავლობაში საქართველოში 35 კოვიდინფიცირებული...

საქართველოს ნაკრებმა ფინეთიც დაამარცხა და ჯგუფის ერთპიროვნული ლიდერია

საქართველოს ნაკრებმა ფინეთიც დაამარცხა და ჯგუფის ერთპიროვნული ლიდერია
access_time2020-11-28 23:51:10
ევრობასკეტის საკვალიფიკაციო ეტაპზე ერთმანეთს საქართველოსა და ფინეთის ნაკრებები დაუპირისპირდნენ. ვინაიდან მომდევნო წელს ევრობასკეტს საქართველო მასპინძლობს, ჩვენი ნაკრები ამ ტურნირზე ავტომატურად მოხვდა. მატჩი თანაბარ ბრძოლაში მიდიოდა. პირველი ტაიმი საქართველოს ნაკრებმა მინიმალური ანგარიშით მოიგო. მესამე მეოთხედში ფინეთმა მოგვიგო და ბოლო მეოთხედის წინ სიტუაცია დაძაბა.თუმცა საქართველოს ნაკრებმა ბოლო მეოთხედში ძალები მოიკრიბა, დალაგებულად ითამაშა და საბოლოოდ, 91:85...

27 ნოემბერი - რეგიონში მხოლოდ ქართული ლარი გაუფასურდა

27 ნოემბერი - რეგიონში მხოლოდ ქართული ლარი გაუფასურდა
access_time2020-11-27 18:15:54
კორონავირუსის უარყოფითი ეფექტი რეგიონში ყველაზე მკვეთრად ქართული ლარის კურსზე აისახა. 2020 წლის განმავლობაში, ქართული ლარი აშშ დოლართან მიმართებაში დაახლოებით 12%-ით გაუფასურდა. შედარებისთვის, დაახლოებით 11%-ით არის შემცირებული თურქული ლირა, სომხური დრამი და აზერბაიჯანული მანათი კი 2%-ის ქვემოთ მერყეობს. ეროვნული ბანკის მიერ 26 ნოემბრის ვაჭრობის შედეგად, ეროვნული ვალუტა აშშ დოლართან მიმართებით გამყარდა, რის შედეგადაც ერთი დოლარის ოფიციალური ღირებულება 3.3164 ლარი გახდა....

დღის Top 10 საინტერესო ამბავი

დღის Top 10 საინტერესო ამბავი
access_time2020-11-27 21:00:33
დღის Top 10 საინტერესო ამბავი: 1.„მარტში რესტორნების სასაფლაოს მივიღებთ, მათი 90% ვეღარ გაიხსნება“ - რესტორატორთა ასოციაცია მთავრობის გადაწყვეტილებით, 28 ნოემბერი - 31 იანვრის ჩათვლით რესტორნები და კვების ობიექტები მთლიანად გატანის სერვისზე გადადიან. „რესტორატორთა ასოციაციის” ხელმძღვანელი კოტე გაბრიჩიძე „კომერსანტთან“...

„ყოველი დაკეტილი დღე 10 მილიონიანი ზარალია“ - სავაჭრო ცენტრები ფუნქციონირების შეზღუდვის 15 დეკემბერიდან მოხსნას ითხოვენ

„ყოველი დაკეტილი დღე 10 მილიონიანი ზარალია“ - სავაჭრო ცენტრები ფუნქციონირების შეზღუდვის 15 დეკემბერიდან მოხსნას ითხოვენ
access_time2020-11-27 16:15:35
თბილისში არსებული დიდი სავაჭრო ცენტრების ხელმძღვანელების განცხადებით, მთავრობის მიერ გამოცხადებულმა ე.წ. ლოკდაუნმა ისინი მწარე რეალობის წინაშე დააყენა, ყოველი დაკეტილი დღე 6 ცენტრისთვის 10 მილიონი ზარალია. თბილისში არსებული დიდი სავაჭრო ცენტრების წარმომადგენლები პრემიერმინისტრსა და ანტიკრიზისულ საბჭოს მიმართავენ. ეს სავაჭრო ცენტრებია: გალერეა თბილისი;თბილისი მოლი;ისთ ფოინთი;თბილისი ცენტრალი;ქარვასლა;სითი...


მსგავსი სიახლეები

up