თამაზ გაიაშვილი: „თუ სახელმწიფომ ავიაკომპანიებს ყურადღება არ მიაქცია, ვერანაირი გენერალური დირექტორი ვერ გვიშველის“

თამაზ გაიაშვილი: „თუ სახელმწიფომ ავიაკომპანიებს ყურადღება არ მიაქცია, ვერანაირი გენერალური დირექტორი ვერ გვიშველის“

access_time2019-03-28 16:30:08



„თუ ქართულ ავიაკომპანიებს სახელმწიფომ არ გაუწია სერიოზული დახმარება და ყურადღება არ გაამახვილა ქართული ბიზნესის განვითარებაზე, ჩვენ ძალიან გაგვიჭირდება და ვერანაირი ახალი გენერალური დირექტორი ვერ უშველის ვერაფერს. სახელმწიფოს პრიორიტეტად უნდა ჰქონდეს ქართული ავიაკომპანიების დახმარება,“ - ამის შესახებ დღეს გამართულ პრესკონფერენციაზე ავიაკომპანია Georgian Airways-ის დირექტორთა საბჭოს თავმჯდომარემ თამაზ გაიაშვილმა განაცხადა.


გაიაშვილის თქმით, ეკონომიკის სამინისტრო საავიაციო სფეროში არსებულ მძიმე კონკურენტულ გარემოს და რთულ მდგომარეობას კარგად იცნობს, თუმცა რეალური ღონისძიებები ამის გამოსასწორებლად არ ხორციელდება.


„ეკონომიკის მინისტრთან მქონდა შეხვედრა და გავაცანი ჩვენი რთული მდგომარეობა. ძალიან ბევრი რუსული კომპანიაა შემოსული, რომლებიც დემპინგურად ყიდიან ბილეთებს. ისინი სამჯერ მეტ ფრენებს ახორციელებენ თბილისში, ვიდრე ჩვენ - რუსეთში. სახელმწიფო ამ კუთხით გვერდით არ გვიდგას. მათი პოზიციაა, რომ ხელისუფლება ტურიზმს ავითარებს და ვერ ხვდებიან, ავიაციაც საჭიროებს ყურადღებას.“


თამაზ გაიაშვილმა ჟურნალისტებთან „ტავ ჯორჯიასთან“ არსებულ დავალიანებაზეც ისაუბრა.



„ჯერჯერობით საკითხი მოლაპარაკებების ფაზაშია. ჯერ კიდევ საკითხავი და დასათვლელია, თუ საიდან არის ეს დავალიანება წარმოშობილი. რეალურად ეს არის ვირტუალური ვალი და საბოლოო ჯამში შესაძლოა არ აღმოჩნდეს. მომსახურეობას ჩვენ თავს თავადვე ვუწევთ. უბრალოდ, „ტავ ჯორჯიასთან“ ასეთი ცნება აქვს, რომ უნდა გადავუხადოთ ფული,“- განაცხადა თამაზ გაიაშვილმა.



შეგახსენებთ, რომ „ტავ ურბან ჯორჯიას“ მიერ გამოქვეყნებულ განცხადებაში აღნიშნულია, რომ Georgian Airways-ს “ტავ ჯორჯიას” მიმართ 9 მილიონი ლარის დავალიანება აქვს და, ოპერატორი კომპანიის მიერ შეთავაზებული გადახდის გრაფიკის შეთავაზების მიუხედავად, ავიაკომპანია ფინანსური ვალდებულებების შესრულებაზე უარს ამბობს. ხოლო იმ შემთხვევაში, თუ ავიაკომპანია Georgian Airways არ შეასრულებს ნაკისრ ფინანსურ ვალდებულებას, „ტავ ჯორჯია“იძულებული გახდება შეუზღუდოს ავიაკომპანიას აეროპორტის სერვისების და ინფრასტრუქტურის გამოყენების შესაძლებლობა. „ტავ ჯორჯიას“ მიერ, Georgian Airways-ისთვის გაგზავნილი წინასწარი შეტყობინებებისა და არაერთი გაფრთხილების მიუხედავად, ავიაკომპანია უარს ამბობს, დაიცვას თავისი მგზავრების ინტერესები და შეასრულოს ნაკისრი ფინანსური ვალდებულებები.
თბილისისა და ბათუმის საერთაშორისო აეროპორტების ოპერატორი კომპანია „ტავ ჯორჯია“ უკვე 14 წელზე მეტია, ქვეყანაში განხორციელებული ინვესტიციებით, ინფრასტრუქტურული პროექტებით, მოზიდული ავიაკომპანიების რაოდენობითა და მგზავრებისთვის ახალი მიმართულებების შეთავაზებით, ქართული საავიაციო ბაზრის განვითარებაში მნიშვნელოვან როლს ასრულებს.


მარიამ მორგოშია






საქართველოში კორონავირუსით ინფიცირების 780 ახალი შემთხვევა დაფიქსირდა

საქართველოში კორონავირუსით ინფიცირების 780 ახალი შემთხვევა დაფიქსირდა
access_time2021-01-17 10:55:27
ბოლო 24 საათში ქვეყნის მასშტაბით ჩატარდა 9 083 კვლევა ტესტით, მათ შორის 4 796 კვლევა ანტიგენის ტესტით და 4 287 PCR ტესტით. ჩატარებული ტესტირების შედეგად, ბოლო 24 საათში გამოვლინდა ვირუსით ინფიცირების 780 ახალი დადასტურებული შემთხვევა, ხოლო ქვეყანაში კოვიდ-19-ის პანდემიის გავრცელებიდან დღემდე გამოვლენილი დადასტურებული შემთხვევების საერთო რაოდენობა შეადგენს 247 805-ს. ბოლო 24 საათში ვირუსისგან გამოჯანმრთელდა 1 608 პირი, ხოლო ჯამში გამოჯანმრთელებულთა რაოდენობა გაიზარდა...

Kaveuli Parfum აბასთუმნის ტყის სურნელით გაჯერებული ქართული სუნამო

Kaveuli Parfum აბასთუმნის ტყის სურნელით გაჯერებული ქართული სუნამო
access_time2021-01-16 16:00:10
პირველი ქართული არტიზანული სუნამო Kaveuli Parfum ქალებისა და მამაკაცებისთვის, თამარა ქაფიანიძემ თავისი დის დახმარებით, იტალიელ პარფიუმერის ბოტეგა მალატინის ჩართულობით შექმნა.     ქართული სოჭი, ციტრუსი, წიწაკა, კიპარისი, ჩინური ღვია... ქართული სუნამოსთვის ინგრედიენტები მსოფლიოს სხვადასხვა ქვეყნიდან ერთიანდება და საბოლოო ჯამში 30 მლ-იან ფლაკონში იყრის თავს.     სუნამო იტალიაში, იტალიელი პარფიუმერის სახელოსნოში ისხმება და გავლილი...

ქართული ოცნების ახალი პოლიტსაბჭოს შემადგენლობა ცნობილია [სია]

ქართული ოცნების ახალი პოლიტსაბჭოს შემადგენლობა ცნობილია [სია]
access_time2021-01-16 14:44:25
ქართული ოცნების ყრილობაზე ახალი თავმჯდომარის გარდა, რომელიც ირაკლი კობახიძე გახდა, განახლებული პოლიტიკური საბჭო აირჩიეს. საბჭოს შემადგენლობა...

საქართველოში კორონავირუსით ინფიცირების 1236 ახალი შემთხვევა გამოვლინდა

საქართველოში კორონავირუსით ინფიცირების 1236 ახალი შემთხვევა გამოვლინდა
access_time2021-01-16 10:59:15
ინტენსიური ტესტირების ფარგლებში, ბოლო 24 საათში ქვეყნის მასშტაბით ჩატარდა 15 152 კვლევა ტესტით, მათ შორის 9 208 კვლევა ანტიგენის ტესტით და 5 944 PCR...

თემურ ჭყონია: ახალი ტექნოლოგიებით შესაძლებელია წყალტუბო ამერიკიდანაც მართო

თემურ ჭყონია: ახალი ტექნოლოგიებით შესაძლებელია წყალტუბო ამერიკიდანაც მართო
access_time2021-01-17 11:20:28
ბიზნესმენი თემურ ჭყონია „ბიზნესპარტნიორთან“ ქვეყანაში მართვის იმ მეთოდებზე საუბრობს, რომლის დროსაც არ ხდება თანამედროვე ტექნოლოგიების გამოყენება.   „ჩვენმა სახელმწიფომ დეკლარირება გააკეთა და ამაში ვეთანხმები, რომ საქართველო კოვიდის დროს უფრო დაცული ქვეყანაა და ტექნოლოგიურად შესაძლებელია უცხოელებმა საქართველოდან იმუშაონ, აქედან მართონ თავიანთი კომპანიები. ამას მოჰყვა განცხადებები, რომ მთავრობა საერთაშორისო IT კომპანიების საქართველოში შემოსვლას ხელს შეუწყობს. ეს ყველაფერი...


მსგავსი სიახლეები

up