ავიაკომპანია „ჯორჯიან ეარვეისის“ დამფუძნებელი თამაზ გაიაშვილი პარტნიორებთან ერთად საგარეჯოში საინვესტიციო პროექტს განახორცილებს.
ესტეო ჯგუფმა, რომელშიც ბიზნესმენის კომპანია „პილოტი“ და სენტ-ლუსიაში დაფუძნებულ „ეთოს ლიმიტედი“ 50-50%-იან წილებს ფლობენ, სოფელ გიორგიწმინდაში უძრავი ქონება შეიძინა. ქონების საპრივატიზაციო ღირებულება 1 510 000 ლარია. კომპანია ვალდებულებაც აიღო, რომ ადგილის განვითარებაში დღგ-ს გარეშე 5 მილიონს დააბანდებს.
შეძენილი უძრავი ქონება მოიცავს საგარეჯოს მუნიციპალიტეტში, სოფელ გიორგიწმინდაში არსებული 2 489.00 კვ.მ. არასასოფლო-სამეურნეო დანიშნულების მიწის ნაკვეთს და მასზე განთავსებულ N1 შენობა-ნაგებობას; ასევე საგარეჯოს მუნიციპალიტეტში, ს/ქ N3-ში, 1 172 376 კვ.მ. არასასოფლო-სამეურნეო დანიშნულების მიწის ნაკვეთს და მასზე განთავსებული შენობის ნანგრევებს.
აღსანიშნავია, რომ „ეთოს ლიმიტედი“ სასტუმროებისა და რესტორნების მენეჯმენტ ჯგუფ – ემ|გრუპთან ერთად ასევე ფლობს კომპანია „ოტიუმს“.
„ბიზნესპარტნიორი“