თამარ გაბუნია: მობილიზებულია 6 000-მდე საწოლი, გარკვეული შეფერხებაა კოვიდსასტუმროებში პაციენტების გადაყვანაში

თამარ გაბუნია: მობილიზებულია 6 000-მდე საწოლი, გარკვეული შეფერხებაა კოვიდსასტუმროებში პაციენტების გადაყვანაში

access_time2021-07-21 17:05:28

საქართველოს ჯანდაცვის მინისტრის მოადგილის თამარ გაბუნიას განცხადებით, ამ დროისათვის კოვიდინფიცირებული პაციენტებისთვის ქვეყნის მასშტაბით არსებულ საავადმყოფოებში 6 000-მდე საწოლია მობილიზებული.

 

„გუშინ დაემატა კიდევ საწოლები, რომლებიც ბოლო პერიოდის განმავლობაში უკვე აღარ მონაწილეობდნენ პროგრამაში იმის გამო, რომ შემთხვევების რაოდენობა იყო დაბალი. ასევე მობილიზდა დამატებით ბავშვთა საწოლები“, - უთხრა ჟურნალისტებს თამარ გაბუნიამ ქიმიურ რისკფაქტორთა კვლევის ლაბორატორიის გახსნასთან დაკავშირებით გამართული ღონისძიების დასრულების შემდეგ. მინისტრის მოადგილის განმარტებით, ამ ეტაპზე გარკვეული შეფერხება არსებობს კოვიდსასტუმროებში იმ პაციენტების გადაყვანასთან დაკავშირებით, რომლებიც ჰოსპიტალიზაციას არ საჭიროებენ:

 

„არის ბევრი მსუბუქი უსიმპტომო შემთხვევა, რომელსაც არ სჭირდება ჰოსპიტალიზაცია და უკვე დამატებით სასტუმროების მობილიზებაც ხდება. დღეს დაემატა 2 სასტუმრო და ასევე კიდევ მიდის მუშაობა ტურიზმის დეპარტამენტთან იმისთვის, რომ სასტუმროები კიდევ დაემატოს, რადგან სრულიად გაუმართლებელია მსუბუქი შემთხვევების ჰოსპიტალიზაცია და არც ჰოსპიტალური შესაძლებლობა იძლევა ამის საშუალებას“, - განაცხადა თამარ გაბუნიამ.

 


ტურიზმის დეპარტამენტში რადიო თავისუფლებას უთხრეს, რომ ამ დროისათვის კოვიდის მართვის პროცესში სულ 26 სასტუმროა ჩართული. მათგან 22 კოვიდსასტუმროა, 4 კი საკარანტინო მიზნებისთვის გამოიყენება.

 

მეორე დღეა 2000-ს აჭარბებს ინფიცირების ახალი, დადასტურებული შემთხვევების რიცხვი. ბოლო 24 საათში ჩატარებული 37 627 ტესტირებიდან გამოვლენილია კორონავირუსის 2415 შემთხვევა, გარდაიცვალა 26 პაციენტი. 20 ივლისს ეს მაჩვენებელი კიდევ უფრო მაღალი იყო და 2616-ს შეადგენდა. 20 ივლისის მონაცემებით, გასული 24 საათის განმავლობაში ასევე 26 პაციენტი გარდაიცვალა.

 

ოფიციალური მონაცემებით, 21 ივლისისთვის სტაციონარული მეთვალყურეობის ქვეშ 4584 ადამიანი იმყოფება, ხოლო კოვიდსასტუმროებში 1183 პირია განთავსებული.


radiotavisupleba.ge




„გავოცდი იმ ბუნდოვანი ხედვით, რაც გიორგი ვაშაძემ საპენსიო საკითხებზე წარმოადგინა“ - პაატა ბაირახტარი

„გავოცდი იმ ბუნდოვანი ხედვით, რაც გიორგი ვაშაძემ საპენსიო საკითხებზე წარმოადგინა“ - პაატა ბაირახტარი
access_time2021-09-15 18:55:05
„არგუმენტი, თითქოს პენსიონერს სხვა ბანკში სესხს არ აძლევენ, არასწორია“, – ამის შესახებ “ახალგაზრდა ფინანსისტთა და ბიზნესმენთა ასოციაციის” ვიცეპრეზიდენტმა, ეკონომისტმა პაატა ბაირახტარმა სოციალურ ქსელში დაწერა. პოსტს უცვლელად გთავაზობთ: “ბოლო პერიოდში, სხვადასხვა პოლიტიკური ჯგუფების წარმომადგენლები თუ ცალკეული პოლიტიკოსები აქტიურად საუბრობენ საპენსიო სესხზე და მის საპროცენტო განაკვეთზე. გულწრფელად მინდა, ეს პროცესი წინასაარჩვენო კამპანიასა და სამიზნე...

„მწვანე ზონის“ შემქმნელი რესტორნებისთვის შესაძლოა დაწესებული შეზღუდვები გაუქმდეს

„მწვანე ზონის“ შემქმნელი რესტორნებისთვის შესაძლოა დაწესებული შეზღუდვები გაუქმდეს
access_time2021-09-16 13:00:41
ბიზნესისა და სახელმწიფოს მოლაპარაკებები კოვიდ 19–ის გავრცელების წინააღმდეგ ბრძოლაში ახალ ეტაპზე გადადის. „მწვანე ზონების“ შექმნის ინიციატივით შრომის ინსპექციის სამსახურის ხელმძღვანელი ბექა ფერაძე რესტორატორებს შეხვდა. იმ შემთხვევაში, თუ სტუმართ-მასპინძლობის სექტორი კოვიდ-სტატუსის დასადგენად შექმნილ სპეციალური აპლიკაციას წარმატებით გამოიყენებს და რესტორანი მხოლოდ ვაქცინირებულ, სწრაფი და PCR ტესტის მქონე მომხმარებლებს მიიღებს, ობიექტი დაწესებული შეზღუდვებისგან...

ლარი დოლართან გამყარდა და ევროსთან გაუფასურდა

ლარი დოლართან გამყარდა და ევროსთან გაუფასურდა
access_time2021-09-15 18:00:02
15 სექტემბრის ვაჭრობის შედეგად ლარი აშშ დოლართან მიმართებაში 0.12 თეთრით 3.1129-მდე გამყარდა. Bloomberg-ის პლატფორმაზე დღის ბოლოს 3.1053-იანი კურსი დაფიქსირდა. საერთასორისო ვალუტებიდან ლარი ევროსთან 0.63 თეთრით 3.6822-მდე გაუფასურდა, ბრიტანულ ფუნტთან 1.50 თეთრით 4.3039-მდე გამყარდა. მეზობელი ქვეყნების ვალუტებიდან კი ყველას მიმართ გაუფასურდა, კერძოდ: თურქულ ლირასთან 0.07 თეთრით 0.3690-მდე, აზერბაიჯანულ მანათთან 0.35 თეთრით 1.8336-მდე, 100 რუსულ რუბლთან 1.57 თეთრით...

„ლოპოტა სპა რეზორტი“ საქართველოში კონკურენტებს ვერ ხედავს

„ლოპოტა სპა რეზორტი“ საქართველოში კონკურენტებს ვერ ხედავს
access_time2021-09-16 11:00:23
„ლოპოტა სპა რეზორტის“ გენერალურმა მენეჯერმა მაკა ღლიღვაშვილმა „კომერსანტთან“ საუბრისას კახეთის რეგიონში სასტუმროების მიმართულებით კონკურენცია შეაფასა და აღნიშნა, რომ „ლოპოტა სპა რეზორტი“ რეგიონში არსებულ სასტუმროებთან შედარებით ბევრად დიდი ობიექტია და მათ კონკურენტად თავს არ განიხილავს. „ჩვენ ბევრად დიდი სასტუმრო ვართ, ჩვენი კომპლექსი 40 ჰექტარზეა განლაგებული და ის სერვისები, რასაც ჩვენ სტუმრებს ვთავაზობთ, იქნება ეს სათავგადასავლო, თუ განტვირთვის...

დასაქმებულთა 75%-ის შრომის ანაზღაურება 1000 ლარზე ნაკლებია

დასაქმებულთა 75%-ის შრომის ანაზღაურება 1000 ლარზე ნაკლებია
access_time2021-09-16 14:00:32
საქართველოში დასაქმებული მოქალაქეების უდიდეს ნაწილს, თითქმის 75%-ს, იმაზე ბევრად ნაკლები შრომის ანაზღაურება აქვს, ვიდრე საშუალო ხელფასის ოფიციალური მაჩვენებელია ქვეყანაში. ამის შესახებ ,,კომერსანტთან“ ეკონომიკურ მეცნიერებათა დოქტორმა, პროფესორმა პაატა აროშიძემ განაცხადა. ამ თვალსაზრისით, როგორც პროფესორმა აღნიშნა, ეჭვს იწვევს სტატისტიკის ეროვნული სამსახურის მონაცემი, რომლის თანახმადაც, 2021 წლის მეორე კვარტალში საქართველოში საშუალო თვიური ნომინალური...


მსგავსი სიახლეები

up