თამარ ჩუგოშვილი: საქართველოში ქალების ეკონომიკური აქტიურობა თუ გაუტოლდება კაცების ეკონომიკურ აქტიურობას, ქვეყნის მთლიანი შიდა პროდუქტი 11%-ით გაიზრდება

თამარ ჩუგოშვილი: საქართველოში ქალების ეკონომიკური აქტიურობა თუ გაუტოლდება კაცების ეკონომიკურ აქტიურობას, ქვეყნის მთლიანი შიდა პროდუქტი 11%-ით გაიზრდება

access_time2019-10-17 19:40:34

„საქართველოში ქალების ეკონომიკური აქტიურობა თუ გაუტოლდება კაცების ეკონომიკურ აქტიურობას, ქვეყანაში მთლიანი შიდა პროდუქტი გაიზრდება 11%-ით. ეს არის ძალიან დიდი მაჩვენებელი, ეკონომიკისთვის ძალიან დიდი რესურსი, რომელიც ახლა დაკარგულია და რომელსაც ქართული ეკონომიკა აბსოლუტურად ვერ იყენებს. ამიტომ, ამ მიმართულებით გააქტიურება სჭირდება არა მარტო ქალებს, არამედ ჩვენს ოჯახებს და ჩვენს ქვეყანას“, - განაცხადა პარლამენტის თავმჯდომარის პირველმა მოადგილემ, გენდერული თანასწორობის საბჭოს თავმჯდომარემ, თამარ ჩუგოშვილმა ფორუმზე - „როგორ ისწრაფვიან ქალები ინოვაციისა და პროგრესისადმი“ სიტყვით გამოსვლისას. ინფორმაციას პარლამენტი ავრცელებს.



როგორც თამარ ჩუგოშვილმა აღნიშნა, გენდერული თანასწორობის საბჭო სხვადასხვა საკითხებზე მუშაობს, მათ შორის: ძალადობის თემებზე, ქალთა პოლიტიკური მონაწილეობის გაძლიერებაზე, თუმცა, წელსაც და მომდევნო წელსაც პრიორიტეტული მიმართულება ქალების ეკონომიკური გაძლიერება იქნება.



პარლამენტის თავმჯდომარის პირველმა მოადგილემ ფორუმის მონაწილეებს გააცნო ქალების ეკონომიკური გაძლიერების კუთხით საქართველოს პარლამენტის გენდერული თანასწორობის საბჭოს საქმიანობა.



„სრულიად გაცნობიერებულად გადავწყვიტეთ, რომ მთავარი აქცენტი გაგვეკეთებინა ქალების ეკონომიკურ გაძლიერებაზე იმიტომ, რომ ქალს აქვს თუ არა თავისი შემოსავალი, აქვს თუ არა თავისი საარსებო წყარო, თავისი ბიზნესი და სამსახური, ამაზეა საბოლოო ჯამში დამოკიდებული მისი დამოუკიდებლობაც და მისი სიძლიერეც“, - აღნიშნა გენდერული თანასწორობის საბჭოს თავმჯდომარემ.



მისივე თქმით, ქალების ეკონომიკური გაძლიერება უამრავი საკითხისგან და თემისგან შედგება, ამიტომ გამოიკვეთა რამდენიმე საკითხი, მათ შორის - სახელმწიფო ეკონომიკურ პროგრამებში ქალთა მონაწილეობა და პროფესიული განათლების ხელმისაწვდომობა ქალთა ეკონომიკური გაძლიერებისთვის.




„სახელმწიფო აფინანსებს სხვადასხვა ეკონომიკურ პროგრამებს, რომლებიც მაქსიმალურად მორგებული უნდა იყოს, განსაკუთრებით, ქალების საჭიროებებზე, იმ ადამიანებზე, რომლებსაც აქვთ სურვილი დაიწყონ ან უკვე დაწყებული აქვთ სამეწარმეო საქმიანობა და სურვილი აქვთ მისი გაფართოების. ნამდვილად ბევრი რამის გაკეთება შეიძლება იმისთვის, რომ ის პროგრამები, რომლებიც სახელმწიფოს ფულით, ყველა ჩვენგანის გადახდილი გადასახადებით ფინანსდება, ბევრად უკეთ იყოს მორგებული იმ საჭიროებებზე, რომლებიც თქვენ გაქვთ ან სხვა ადამიანებს აქვთ და, შესაბამისად, მათი ეფექტურობა იყოს ბევრად უფრო მაღალი“, - განაცხადა თამარ ჩუგოშვილმა.



ქალთა ეკონომიკური გაძლიერებისთვის პროფესიული განათლების ხელმისაწვდომობაზე საუბრისას, პარლამენტის თავმჯდომარის პირველმა მოადგილემ აღნიშნა, რომ პროფესიული განათლება არის მეტნაკლებად სწრაფი მექანიზმი იმისთვის, რომ ადამიანი დასაქმდეს და შემოსავლის წყარო გაუჩნდეს.



მისივე თქმით, პარლამენტმა უკვე მიიღო კანონმდებლობა, რომელიც შეეხება შევიწროების და დისკრიმინაციის თემებს და ასევე, იგეგმება შრომის კანონმდებლობაში გარკვეული ცვლილებების შეტანა, რომელიც დასაქმების ადგილას შექმნის მეტნაკლებად თანასწორ გარემოს და თანასწორ პირობებს.



„ჩვენ ვიცით, რომ არსებობს ე. წ. Pay Gap-ი ანუ ანაზღაურების სხვაობა იმ თანხებს შორის, რომელსაც გამოიმუშავებენ ქალები და კაცები. ამიტომ, ბევრი კომპონენტი ქმნის უთანასწორო გარემოს და ჩვენი ამოცანაა, რომ განსაკუთრებით, სადაც სახელმწიფო დებს რესურს, ის პროგრამები იყოს მაქსიმალურად გამართული, ეფექტური და იძლეოდეს მაქსიმალურად სწრაფ შედეგს“, - აღნიშნა გენდერული თანასწორობის საბჭოს თავმჯდომარემ.



თამარ ჩუგოშვილის თქმით, როგორც სახელმწიფო ეკონომიკურ პროგრამებში ქალთა მონაწილეობასთან, ასევე ქალთა ეკონომიკური გაძლიერებისთვის პროფესიული განათლების ხელმისაწვდომობის საკითხებთან დაკავშირებით არსებული გამოწვევების იდენტიფიცირების მიზნით, გენდერული თანასწორობის საბჭოს წევრებმა შეხვედრები გამართეს რეგიონებში. ასევე, მისი განცხადებით, ორივე საკითხთან დაკავშირებით, პარლამენტის პლენარულ სხდომაზე გაიმართება გენდერული თანასწორობის საბჭოს ფარგლებში შექმნილი თემატური მოკვლევის ჯგუფების მიერ მომზადებული დასკვნების განხილვა.



„ჩვენი კარი ღიაა და, გთხოვთ, მოგვაწოდოთ საინტერესო იდეები, რა შეიძლება პარლამენტმა დამატებით კიდევ გააკეთოს. ჩვენთვის პირველწყაროდან მიღებული ინფორმაცია მართლაც ძალიან მნიშვნელოვანია“, - განაცხადა პარლამენტის თავმჯდომარის პირველმა მოადგილემ.







„ლარს მიხედე, ბიძინა, ლარს“

„ლარს მიხედე, ბიძინა, ლარს“
access_time2019-11-18 14:30:56
ქვეყანა ისევ დესტაბილიზაციისა და კოლაფსის საფრთხის წინაშეა“ ინტერვიუ ანალიტიკოს ვაჟა ბერიძესთან – ბატონო ვაჟა, როგორ შეაფასებდით ქვეყანაში შექმნილ...

პირველი სერიოზული ბიზნესქეისი-კლინიკების ხელმძღვანელები ბიზნესომბუდსმენს შეხვდნენ

პირველი სერიოზული ბიზნესქეისი-კლინიკების ხელმძღვანელები ბიზნესომბუდსმენს  შეხვდნენ
access_time2019-11-18 13:28:03
„კომერსანტისთვის“  ცნობილი გახდა, რომ ახლად დანიშნულმა  ბიზნესომბუდსმენმა პირველ სერიოზულ ბიზნეს ქეისზე დაიწყო მუშაობა-ის კლინიკების ხელმძღვანელებს შეხვდა. განსახილველი საკითხი ეკატერინე ტიკარაძის უწყების მიერ გატარებული რეფორმაა, რომელიც საყოველთაო ჯანდაცვის პროგრამაში ჩართული კლინიკებისთვის ერთიანი ტარიფის ამოქმედებას გულისხმობს.   8 ნოემბერს „კომერსანტი“ წერდა, რომ 25-მა სამედიცინო დაწესებულებამ, პრემიერ მინისტრს, საქართველოს პარლამენტის...

გია ვოლსკი - ბიუჯეტის ჩაგდება იქნება ქვეყნის ღალატი და უკან დახევა

გია ვოლსკი - ბიუჯეტის ჩაგდება იქნება ქვეყნის ღალატი და უკან დახევა
access_time2019-11-18 12:51:44
პარლამენტის თავმჯდომარის მოადგილე, უმრავლესობის ლიდერი გიორგი ვოლსკი ოპოზიციური პარტიების აქციებსა და ბოლო დროს განვითარებულ მოვლენებს ეხმაურება. ვოლსკის შეფასებით, აღნიშნული„ნაციონალური მოძრაობის“ და მისი მეორე ფრთის რევოლუციური სცენარის განვითარებას წარმოადგენს. „ეჭვი მაქვს, იქნებ, ბიუჯეტზეა საერთოდ გალაშქრება, რომ არ მივიღოთ, რადგან ბიუჯეტი არის გათვლილი ადამიანზე. ის შევადგინეთ მას შემდეგ, რაც ათასობით სოფელი მოვიარეთ საქართველოში. ბიუჯეტის და იმ...

უნაღდო გადახდების მომავალი Mastercard-თან ერთად

უნაღდო გადახდების მომავალი Mastercard-თან ერთად
access_time2019-11-18 11:20:21
ციფრული გადახდების გლობალურმა ლიდერმა, Mastercard-მა, პროექტის “Cashelss for future” გამარჯვებულები გამოავლინა. ფინანსური განათლების ასამაღლებელი ტრენინგები Mastercard-მა არასამთავრობო ორგანიზაცია „საზოგადოება და ბანკებთან“ ერთად დაგეგმა, პროექტის მოწვეული ტრენერი საქართველოს ეროვნული ბანკის დირექტორის მრჩეველი, გიორგი ბაქრაძეც გახლდათ. პროექტი 2 კვირის განმავლობაში გრძელდებოდა და მიზნად საუკეთესო მარკეტინგული კამპანიის დაგეგმვას ისახავდა, რომელიც საქართველოში უნაღდო...

„ჩვენ აღარ ვაპირებთ საარჩევნო სისტემასთან დაკავშირებული რაიმე ახალი ინიციატივის განხილვას“

„ჩვენ აღარ ვაპირებთ საარჩევნო სისტემასთან დაკავშირებული რაიმე ახალი ინიციატივის განხილვას“
access_time2019-11-18 12:16:29
,,ქართული ოცნება - დემოკრატიული საქართველოს პრესსამსახური  გენერალური მდივნის კახა კალაძის განცხადებას  ავრცელებს, რომელსაც “კომერსანტი“  უცვლელად გთავაზობთ: „პარტია ,,ქართული ოცნება - დემოკრატიული საქართველოს“ სახელით გვსურს, საზოგადოებას განვუმარტოთ, თუ რა პროცესები ვითარდება რეალურად უკანასკნელ დღეებში. გუშინ, ყველამ ნათლად დაინახა, რომ საპროტესტო აქციის რეალური ორგანიზატორი იყო ნაციონალური მოძრაობა თავისი განშტოებებით. ამ აქციის საბაბი პროპორციული...


მსგავსი სიახლეები

up