ავღანეთის ახალმა მთავრობამ კერპთაყვანისმცემლობასთან ბრძოლა გააძლიერა. Daily Mail-ის ცნობით, თალიბებს ამჯერად მაღაზიის მანეკენები არ მოსწონთ და გადაწყვიტეს, რომ მათი სახეების გამოჩენა ვიტრინებში აკრძალონ.
გამოცემის თანახმად, სათნოების ხელშეწყობისა და მანკიერების პრევენციის სამინისტრომ ჯერ მაღაზიებიდან ყველა მანეკენის გატანა მოითხოვა და დაადგინა, რომ ისინი კერპები იყვნენ. მაგრამ მაღაზიების მფლობელებმა დაიწყეს ჩივილი, რომ ეს მათ ბიზნესს დააზარალებდა. ხელისუფლებამ ეს საჩივრები განიხილა და გადაწყვიტა, რომ მანეკენების თავის გარეშე დატოვება სჯობდა.
ერთ-ერთმა მეწარმემ ახალ მოთხოვნაზე კომენტირებისას განაცხადა, რომ მანეკენები 70-დან 100 დოლარამდე ღირს და მათი მოშორება ბიზნესისთვის ხელშესახები დარტყმა იქნება. მისი აზრით, უფრო ლოგიკური იქნება არა თავის მოჭრა, არამედ მანეკენებისთვის სახის დაფარვა.
შეგახსენებთ, რომ თალიბანმა ხელისუფლებაში მოსვლის შემდეგ, სხვადასხვა შეზღუდვები შემოიღო: ქალები და გოგონები ჩაკეტეს სახლში, მათ ასევე შორ მანძილზე მამაკაცი ნათესავის თანხლების გარეშე მგზავრობა აუკრძალეს. ისლამისტების მიერ შემოღებულ მოთხოვნებს შორისაა მანქანებში მუსიკის მოსმენის აკრძალვაც.