„რაც შეეხება პროექტის განხორციელებას, ჩვენ შევთანხმდით თურქმენეთთან სესხის აღებაზე. ნასესხები თანხები დაბრუნდება გაზსადენის ექსპლუატაციიდან მიღებული  შემოსავლებიდან“, - თქვა ვალიულა შაჰინმა, თალიბანის საგარეო საქმეთა სამინისტროს სტრატეგიული კვლევების დირექტორმა. 

თალიბანის ფინანსთა სამინისტროს წარმომადგენლის, აჰმად ვალი ხაკმალის, განცხადებით,  ისინი TAPI-ის პროექტისთვის თანხების გამოყოფას მიმდინარე ფინანსურ წელს აპირებენ.

მანამდე გავრცელდა ინფორმაცია, რომ თალიბანის მოძრაობა შექმნის სპეციალურ განყოფილებას TAPI-ის გაზსადენის 30 ათასი მებრძოლისგან დასაცავად. თალიბანის წარმომადგენლებმა არაერთხელ განაცხადეს, რომ ისინი განსაკუთრებულ მნიშვნელობას ანიჭებენ ამ პროექტს და აპირებენ მის განხორციელებას.

TAPI პროექტის განხორციელება ავღანეთის, პაკისტანის, ინდოეთის და თურქმენეთის მონაწილეობით 2015 წლიდან მიმდინარეობს. მისი ღირებულება 10 მილიარდი დოლარია.მილსადენი ენერგიით მდიდარ ცენტრალურ აზიას სამხრეთ აზიის ენერგიით ღარობ ქვეყნებთან დააკავშირებს. პროექტის შესაბამისად, 33 მილიარდ კუბურ მეტრამდე გაზის ტრანსპორტირება მოხდება ყოველწლიურად თურქმენეთის გალკინიშის გაზის საბადოდან ქალაქ ფაზილკაში, ინდოეთის შტატ პენჯაბში, ავღანეთისა და პაკისტანის გავლით 1814 კილომეტრიანი მილსადენით.

ამ პროექტიდან ავღანეთი ყოველწლიურად 500 მილიონ დოლარს მიიღებს.

ავტორი: ბელა გელაშვილი