საქსტატი თაფლის მზარდ ექსპორტზე, მეფუტკრეები კი დარგში ღრმა კრიზისზე საუბრობენ

საქსტატი თაფლის მზარდ ექსპორტზე, მეფუტკრეები კი დარგში ღრმა კრიზისზე საუბრობენ

access_time2021-09-14 16:00:29

წარმოების კრიზისის ფონზე, საქსტატი თაფლის ექსპორტის არნახული ზრდის შესახებ ავრცელებს მონაცემებს. მეფუტკრეების ინფორმაციით, მათთვის რეალურად არაფერი იცვლება და ისევე დიდ გასაჭირში არიან, როგორშიც გასულ წლებში იყვნენ. საუბარია იმაზეც, რომ მეფუტკრეების უმეტესობას არათუ ქვეყნის გარეთ პროდუქტის გატანა, ადგილობრივ ბაზარზეც უჭირს რეალიზაცია.



როგორც მეფუტკრეობის სფეროს სპეციალისტი და მეფუტკრე როლანდ ზირაქაშვილი „კომერსანტთან“ საუბარში ამბობს, ქართული თაფლის წარმოებაში დიდი კრიზისია და პრობლემის მოგვარების ნიშნები ჯერჯერობით არ ჩანს.



ზირაქაშვილის თქმით, საქართველოში სულ რამდენიმე მსხვილი მწარმოებელია, რომელსაც ექსპორტის საშუალება და რესურსი აქვს, მცირე და საშუალო საწარმოები ამ შესაძლებლობას მოკლებული არიან.



,,მართალია, მეფუტკრეობა არ გაჩერებულა, კარანტინის პერიოდშიც ვმუშაობთ, მაგრამ რეალიზაციის დიდი პრობლემაა. თქვენ წარმოიდგინეთ, რომ გაუყიდავი თაფლის მარაგი გვიწყვია - დაგროვილი პროდუქტი, რომლის შიდა ბაზარზე გაყიდვის შანსი მინიმალურია. ასეთ დროს მთავრობა აცხადებს, რომ არნახული ტემპით მატულობს ექსპორტი, ჩვენი ცხოვრება კი დღითიდღე უარესდება, ფაქტობრივად, უშემოსავლოდ დავრჩით. ექიმმა თუ არ გამოუწერა, ხალხი თაფლს იშვიათად ყიდულობს“, - აცხადებს ზირაქაშვილი.




მისი თქმით, მწარმოებლებს სერიოზული პრობლემა აქვთ სერტიფიკატთან დაკავშირებითაც, რადგან მომსახურების ხარჯი მაღალია.



მეწარმის ინფორმაციით, თითოეული ლაბორატორიული სინჯი შიდა ბაზრისათვის მეფუტკრეს უჯდება 400 ლარამდე, ექსპორტისთვის ეს ხარჯი 3 300 ლარს აჭარბებს, რის შესაძლებლობასაც მწარმოებლების უმეტესობა მოკლებულია.



როგორც როლანდ ზირაქაშვილი ამბობს, კრიზისის ფონზე პროდუქტის საექსპორტო მაჩვენებლები საეჭვოდ გამოიყურება.



,,2020 წელს თაფლის ექსპორტი ფაქტობრივად გაჩერებული იყო. უძრაობის პერიოდს ნუ ადარებენ, რეალურად უმძიმესი მდგომარეობაა, მეთაფლეების უმეტესობა გაკოტრებულია, ვერ ჰყიდიან პროდუქტს და ვერ ეწევიან ხარჯს. პრობლემა საგრძნობლად მოგვარდება, რეალიზაციის საშუალება რომ გვქონდეს. რაც შეეხება უცხოურ ბაზრებს, პროდუქტის გატანის საშუალება არ არის. ხარისხის სტანდარტიც კი არ გვაქვს, იმდენად მაღალ ხარჯთანაა დაკავშირებული, ვერ აუდის წარმოება. ლაბორატორიულ კვლევებში ვერ ვმონაწილეობთ, რაშიც ასევე დახმარებას ვითხოვთ, მაგრამ რეაგირება არ არის. ჩვენ ვაწარმოებთ ნატურალურ თაფლს, რომელიც უნდა გავიდეს ევროკავშირის ბაზარზე, ყველა სტანდარტი დაცულია, გარდა იმისა, რომ სერტიფიკატი არ გვაქვს. მთავრობის დახმარების გარეშე ამას ვერც მოვახერხებთ“, - უთხრა ,,კომერსანტს“ ზირაქაშვილმა.



გარემოსდაცვითი ინფორმაციისა და განათლების ცენტრის ინფორმაციით, საქართველოში ამ დროისთვის 10 ათასამდე მეფუტკრეა რეგისტრირებული.



რაც შეეხება ექსპორტს, სტატისტიკის ეროვნული სამსახურის ცნობით, საქართველოდან თაფლის ექსპორტით მიღებული შემოსავალი 15-ჯერ გაიზარდა. კერძოდ, მიმდინარე წლის იანვარ-ივლისში საქართველომ 116.3 ტონა თაფლის ექსპორტიდან $397 ათასის შემოსავალი მიიღო, მაშინ როდესაც გასული წლის ანალოგიურ პერიოდში თაფლის ექსპორტი 3 ტონას ($25.7 ათასი) არ აღემატებოდა.


მარი ჩიტაია





ირაკლი ღარიბაშვილი - ყველა ჩვენ წინსვლას ერთი მარტივი მიზანი აქვს: ევროპული და ევრო-ატლანტიკური ინტეგრაცია

ირაკლი ღარიბაშვილი - ყველა ჩვენ წინსვლას ერთი მარტივი მიზანი აქვს: ევროპული და ევრო-ატლანტიკური ინტეგრაცია
access_time2021-09-25 03:00:00
ყველა ჩვენ წინსვლას ერთი მარტივი მიზანი აქვს: ევროპული და ევრო-ატლანტიკური ინტეგრაცია. ვერ დავისვენებთ, სანამ ევროკავშირისა და ჩრდილოატლანტიკური ალიანსის წევრობას მივაღწევთ, - ამის შესახებ საქართველოს პრემიერ-მინისტრმა ირაკლი ღარიბაშვილმა გაეროს 76-ე სესიის გენერალურ დებატებზე სიტყვით გამოსვლისას განაცხადა. პრემიერ-მინისტრმა ხაზი გაუსვა, რომ ევროპული და ევროატლანტიკური სტრუქტურებისკენ მიმავალი გზა სახლში დაბრუნებას ნიშნავს. ...

ირაკლი ღარიბაშვილი - დღეს ყველას მოგმართავთ თხოვნით - დავასრულოთ რუსეთის მიერ საქართველოს სუვერენული მიწების უკანონო ოკუპაცია

ირაკლი ღარიბაშვილი - დღეს ყველას მოგმართავთ  თხოვნით - დავასრულოთ რუსეთის მიერ საქართველოს სუვერენული მიწების უკანონო ოკუპაცია
access_time2021-09-25 02:53:18
დღეს ყველას მოგმართავთ თხოვნით - დავასრულოთ რუსეთის მიერ საქართველოს სუვერენული მიწების უკანონო ოკუპაცია, - ამის შესახებ საქართველოს პრემიერ-მინისტრმა ირაკლი ღარიბაშვილმა, გაერო-ს 76 სესიის გენერალურ დებატებზე სიტყვით გამოსვლისას განაცხადა. როგორც მთავრობის მეთაურმა აღნიშნა, რუსეთს არა მხოლოდ საქართველოს ტერიტორიის 20% აქვს ოკუპირებული, არამედ ის აქტიურად ცდილობს ძირი გამოუთხაროს ევროპულ და ევროატლანტიკურ ოჯახში ქვეყნის გაწევრიანების ეროვნულ მისწრაფებებს. ...

სრულყოფილება სიმარტივეში - ახალი Rolls-Royce Ghost-ის დებიუტი საქართველოში

სრულყოფილება სიმარტივეში - ახალი Rolls-Royce Ghost-ის დებიუტი საქართველოში
access_time2021-09-24 17:55:02
საქართველოში ახალ როლს-როის ,,გოსთის“ ოფიციალური დებიუტი შედგა. თბილისში მედიისა და საზოგადოების ცნობილმა წარმომადგენლებმა უკვე გაუზიარეს ერთმანეთს თავიანთი პირველი შთაბეჭდილებები ექსკლუზიური საღამოს განმავლობაში. „ახალი „გოსთი“დიდ ბრიტანეთში შეიქმნა და ის არის ინჟინერიის, ტრადიციებისა და დიზაინის ნამდვილი შედევრი. მე ვარ ამაყი იმის გამო, რომ მაქვს შესაძლებლობა ვაჩვენო ჩვენს ქართველ მეგობრებს საუკეთესო ბრიტანული...

ნავთობის ფასი სამწლიან მაქსიმუმზეა

ნავთობის ფასი სამწლიან მაქსიმუმზეა
access_time2021-09-25 11:00:22
მსოფლიო ბაზარზე ნავთობის ფასები გაიზარდა, ხოლო Brent-ის ტიპის ღირებულებამ სამწლიან მაქსიმუმს მიაღწია. Brent-ის ტიპის ნავთობის ნოემბრის ფიუჩერსების ფასი 0,13%-ით გაიზარდა და ბარელზე 77,35 აშშ დოლარს შეადგენს. ამავდროულად, WTI-ის ნოემბრის ფიუჩერსების ღირებულება 0,04%-ით გაიზარდა და ბარელზე 73,33 აშშ დოლარად ბარდება. OPEC+-ის 1-ელ სექტემბერს გამართულ შეხვედრაზე მხარეებმა 2022 წლის 3.28 მილიონი ბარელის დღიური მოპოვების პროგნოზი 4.2 მილიონ ბარელამდე...

როგორი იქნება ვაკის პარკის კასკადი

როგორი იქნება ვაკის პარკის კასკადი
access_time2021-09-25 10:00:51
გასულ კვირაში, ვაკის პარკის ტერიტორიაზე არსებული შადრევნებისა და კასკადის სარეაბილიტაციო სამუშაოებზე თბილისის მერიამ ტენდერი გამოაცხადა. თბილისის მთავრობა რეკრეაციული სივრცის მოწყობას მესამედ ცდილობს. ტენდერის მიხედვით, შესყიდვის სავარაუდო ღირებულება ყველაზე მაღალი 13.5 მლნ ლარია. გამარჯვებულმა კომპანიამ კი სამუშაოები ხელშეკრულების...


მსგავსი სიახლეები

up