სწავლის სრული დაფინანსება ევროპის 100-მდე უნივერსიტეტში - როგორ მოვიპოვოთ ERASMUS-ის გრანტი

სწავლის სრული დაფინანსება ევროპის 100-მდე უნივერსიტეტში - როგორ მოვიპოვოთ ERASMUS-ის გრანტი

access_time2017-02-26 11:03:17

ქართველი სტუდენტებისთვის, საზღვარგარეთ სწავლის გაგრძელებისა და დაფინანსების ერთ-ერთი საშუალება პროგრამა "Erasmus +"-ია . პროგრამა ორი ეტაპისგან შედგება, სტუდენტებს დაფინანსების მოპოვება როგორც მოკლევადიან მობილობის პროგრამაზე, ასევე სრულ სამაგისტრო პროგრამაზე შუძლიათ. რა კრიტერიუმებს უნდა აკმაყოფილებდეს სტუდენტი და რა პროცესების გავლაა საჭირო დაფინანსების მოპოვებითვის, - პროგრამის დეტალებზე "ბიზნესკონტაქტს" Erasmus+ საქართველოს პროგრამის ასისტენტი, ნინო ურუშაძე ესაუბრა.



ქართველი სტუდენტებისთვის "ერასმუსის" ფარგლებში წელს 100-მდე უნივერსიტეტის პროგრამაა ხელმისაწვდომი. პროგრამა ორ ძირითად ეტაპად იყოფა, - კრედიტ-მობილობა და სრული სამაგისტრო პროგრამა.

 

"მობილობის პროგრამის ფარგლებში, სტუდენტი, კონკრეტული უნივერსიტეტის შიდა ხელშეკრულების საფუძველზე, მოკლევადიანი მობილობით ევროპის უნივერსიტეტში მიდის სასწავლებლად. მობილობა შესაძლოა 3-თვიანი, 6-თვიანი ან მაქსიმუმ 1 წლიანი იყოს. აღნიშნული პერიოდის შემდეგ, სტუდენტი საქართველოში ბრუნდება, მას საზღვარგარეთ აღებული კრედიტები გადმოჰყვება, სწავლის დასრულების შემდეგ კი მშობლიური უნივერსიტეტის დიპლომს იღებს.

 

პროგრამა სტუდენტის სწავლის საფასურსა და მგზავრობის ხარჯებს ფარავს, ასევე ის ყოველთვიურ სტიპენდიასაც ითვალისწინებს, რომლის ოდენობაც საშუალოდ 750-850 ევროა.

 

სრული სამაგისტრო პროგრამის შემთხვევაში, სტუდენტი ქართული უნივერსიტეტისგან დამოუკიდებლად, ინდივიდუალურად აკეთებს განაცხადს, ევროპულ სამსაგისტრო პროგრამებზე. კონკურსი მთელი მსოფლიოს სტუდენტებისთვის ღიაა. დადებითი პასუხის მიღების შემთხვევაში, კი სტუდენტს სრულად უფინანსდება სწავლისა და მგზავრობის ხარჯები, ასევე ერიცხება ყოველთვიური სტიპენდია. კურსის დასრულების შემდეგ, სტუდენტი იღებს ევროპული უნივერსიტეტის დიპლომს. პროგრამა ევროპის მინიმუმ 2 უნივერსიტეტში სწავლას ითვალისწინებს, ზოგიერთ შემთხვევაში კი სტუდენტს შესაძლოა 3 სხვადასხვა უნივერსიტეტში მოუწიოს სწავლა. სამაგისტრო პროგრამების ხანგრძლივობა 1, 1.5 ან 2 წელია", - ამბობს ნინო ურუშაძე.

 

რაც შეეხება, კრიტერიუმებს, რომელიც სტუდენტმა პროგრამაში მონაწილებისთვის უნდა დააკმაყოფილოს, ის ყველა უნივერსიტეტისა და მიმართულებისთვის ინდივიდუალური და განსხვავებულია, თუმცა ყველა სტუდენტს უწევს ძირითადი მოთხოვნების დაკმაყოფილება. ნინო ურუშაძე ამბობს, რომ უპირველესი მოთხოვნა ყველა პროგრამისთვის აკადემიური მოსწრებაა.

 


"კრედიტ-მობილობისა და სრული სამაგისტრო პროგრამის შემთხვევაში, სტუდენტის აკადემიური მოსწრება პირველი კრიტერიუმია. ასევე პროგრამა ითხოვს ენის დამადასტურებელ საბუთს, რომელიც კრედიტ-მობილობის შემთხვევაში შესაძლოა, რომ უნივერსიტეტმა თავად მიანიჭოს სტუდენტს. მაგისტრატურის პროგრამის შემთხვევაში, ეს აუცილებლად უნდა იყოს საერთაშორისოდ აღიარებული ენის დამადასტურებელი საბუთი, მაგალითად TOEFL-ი ან IELTS-ი.

 

სამუშაო გამოცდილება პროგრამის ძირითად კრიტერიუმებში არ შედის. ერთ-ერთი დამატებითი მოთხოვნა, კი სტუდენტის სოციალური აქტივობაა, რომელიც შეგიძლიათ სამოტივაციო წერილშიც მიუთითოთ. ჩვენ ყოველთვის რეკომენდაციას ვუწევთ სტუდენტს, რომ ეს ინფორმაცია ასახონ რეზუმეშიც, რაც კოორდინატორს სტუდენტის შესახებ მეტი ინფორმაციის მიღების საშუალებას მისცემს". ნინო ურუშაძე ამბობს, რომ ქართველი სტუდენტებისთვის ყველაზე რთული ეტაპი სამოტივაციო წერილისა და რეზუმეს შედგენაა.

 

"ჩვენ გვეგონა, რომ ამ უნარებს სტუდენტები უნივერსიტეტებში მიიღებდნენ, თუმცა ეს ერთ-ერთი ყველაზე რთული საფეხური აღმოჩნდა. ჩვენთან მომართვიანობა საკმაოდ მაღალია, ამიტომ ამისთვის სპეციალური გზამკვლევი შევქმენით. CV-ის შედგენისას ევროკავშირის სტილს ვუწევთ რეკომენდაციას.

 

რაც შეეხება სამოტივაციო წერილს, - სტუდენტმა უნდა ჩამოაყალიბოს საკუთარი მიზნები, თუ რატომ აირჩია კონკრეტულად ეს პროგრამა დანარჩენი 100 პროგრამიდან, ასევე რატომ გამოირჩევა სხვა კანდიდატებისგან. უნდა დაასაბუთოს რატომ უნდა გაკეთდეს მასზე არჩევანი, უნდა გამოკვეთოს მისი წარმატებები სწავლის პერიოდში.

 

იმ შემთხვევაში, თუ სტუდენტს დაბალი აკადემიური მოსწრება აქვს, შეუძლია ამის მიზეზებიც წერილში დაასაბუთოს. სასურველი GPA პროგრამისთვის 3,0-ია".

 

პროგრამაზე მიღება შემოდგომიდან ცხადდება. ქართველის სტუდენტებს 100-ზე მეტ უნივერსიტეტში შეუძლიათ განაცხადის წარდგენა და ყველა მათგანს მიღების ინდივიდუალური ვადები აქვთ.

 

წელს საქართველოს მხრიდან პროგრამაში 25 უნივერსიტეტია ჩართული, აღნიშნული უნივერსიტეტებია: თბილისის სახელმწიფო უნივერსიტეტი, ილიას სახელმწიფო უნივერსიტეტი, კავკასიის უნივერსიტეტი, სახელმწიფო კონსერვატორია, სახელმწიფო სამედიცინო უნივერსიტეტი, აკაკი წერეთლის სახელობის სახელმწიფო უნივერსიტეტი, იაკობ გოგებაშვილის თელავის სახელმწიფო უნივერსიტეტი, შოთა რუსთაველის უნივრსიტეტი ბათუმში, აგრარული უნივერსიტეტი, შავი ზღვის საერთაშორისო უნივერსიტეტი, შოთა მესხიას სახელმწიფო უნივერსიტეტი ზუგდიდში, აღმოსავლეთ ევროპის უნივერსიტეტი, ტექნიკური უნივერსიტეტი, თბილისის შოთა რუსთაველის უნივერსიტეტი, კავკასიის საერთაშორისო უნივერსიტეტი, თავისუფალი უნივერსიტეტი, ჰუმანიტარული უნივერსიტეტი, სოხუმის უნივერსიტეტი, გორის უნივერსიტეტი, გრიგოლ რობაქიძის სახელობის უნივერსიტეტი, თბილისის სამხატვრო აკადემია.

 

"ბიზნესკონტრაქტი"

 



დღის Top 10 საინტერესო ამბავი

დღის Top 10 საინტერესო ამბავი
access_time2020-10-23 21:00:15
დღის Top 10 საინტერესო ამბავი:   1. თბილისს ხვალიდან 126 ახალი ავტობუსი მოემსახურება მუნიციპალური ავტოპარკის განახლების პროექტის ფარგლებში, თბილისის სატრანსპორტო კომპანიამ, ევროპის რეკონსტრუქციისა და განვითარების ბანკის (EBRD) ხელშეწყობით, 226 ერთეული 12-მეტრიანი, კომპრესირებულ ბუნებრივ აირზე (CNG) მომუშავე, EURO 6-ის სტანდარტის ავტობუსი შეისყიდა. მათი ნაწილი...

23 ოქტომბერი - რეგიონში ყველა ვალუტა გაუფასურდა

23 ოქტომბერი - რეგიონში ყველა ვალუტა გაუფასურდა
access_time2020-10-23 18:15:38
კორონავირუსის უარყოფითი ეფექტი რეგიონში ყველაზე მკვეთრად ქართული ლარის კურსზე აისახა. 2020 წლის განმავლობაში, ქართული ლარი აშშ დოლართან მიმართებაში დაახლოებით 12%-ით გაუფასურდა. შედარებისთვის, დაახლოებით 11%-ით არის შემცირებული თურქული ლირა, სომხური დრამი და აზერბაიჯანული მანათი კი 2%-ის ქვემოთ მერყეობს. ეროვნული ბანკის მიერ 23 ოქტომბრის ვაჭრობის შედეგად, ეროვნული ვალუტა აშშ დოლართან მიმართებით გაუფასურდა, რის შედეგადაც ერთი დოლარის ოფიციალური ღირებულება 3.2202 ლარი...

“ვენდი” მიტანის, Pick Up და Drive-Thru სერვისით მომხმარებელს 24/7-ზე ემსახურება

“ვენდი” მიტანის, Pick Up  და Drive-Thru სერვისით მომხმარებელს  24/7-ზე ემსახურება
access_time2020-10-23 17:15:26
“ვენდის” რესტორნების ქსელი სამთავრობო დადგენილების შესაბამისად რესტორნებში სტუმრებს ყოველდღიურად 22:00 საათამდე ემსახურება, თუმცა ამერიკული რესტორნების უგემრიელესი მენიუს დაგემოვნება ერთგულ მომხმარებელს მიტანის, Pick Up  და Drive-Thru სერვისით  24/7-ზე შეუძლიათ.   ““ვენდის” რესტორნების ქსელი ვიზიარებთ ჩვენ წილ საზოგადოებრივ პასუხისმგებლობას და უწყეტ რეჟიმში უზრუნველვყოთ ნებისმიერი ოდენობის მომხმარებელთა მოთხოვნის დაკმაყოფილება, რაც გულისხმობს როგორც ჩვენს...

Starbucks-ი ფულს კლიენტებისგან შეუმჩნევლად სესხულობს

Starbucks-ი ფულს კლიენტებისგან შეუმჩნევლად სესხულობს
access_time2020-10-23 20:00:04
Starbucks-ის ონლაინ დამატება კომპანიას უპროცენტო საკრედიტო დარბაზთან წვდომას და დამატებით შემოსავალს აძლევს.   საქმე იმაშია, რომ ყავახანების ქსელი სასაჩუქრე ბარათებზე დარჩენილ...

საქართველოში უცხოეთიდან შემოსვლის წესები და პირობები შეიცვალა

საქართველოში უცხოეთიდან შემოსვლის წესები და პირობები შეიცვალა
access_time2020-10-23 16:30:10
იზოლაციისა და კარანტინს წესების დამტკიცების შესახებ საქართველოს მთავრობის N322 დადგენილებაში 2020 წლის 21 ოქტომბერს განხორციელებული ცვლილებების თანახმად უცხო ქვეყნიდან ჩამოსული საქართველოს მოქალაქეები, აგრეთვე მათი ოჯახის წევრები, იზოლაციაში განთავსდებიან 8 დღით, შემდეგი წესის შესაბამისად:   ა) უცხო ქვეყნიდან ჩამოსულმა პირმა სასაზღვრო პუნქტებზე უნდა წარადგინოს საქართველოში ვიზიტამდე უკანასკნელი 72 საათის განმავლობაში ჩატარებული PCR კვლევის დამადასტურებელი საბუთი, რის...


მსგავსი სიახლეები

up