სს „სვის კაპიტალის“ ზარალი სესხების შესაძლო დანაკარგების მიხედვით 2020 წლის სამ კვარტალში წინა წლის ანალოგიურ პერიოდთან შედარებით 75%-ით გაიზარდა. 2019 წლის ანალოგიურ პერიოდში ზარალი სესხების შესაძლო დანაკარგების მიხედვით 3, 901,225 ლარს შეადგენდა, ხოლო გასული წლის სამ კვარტალში 6,862,490 ლარი იყო.

მიკროსაფინანსოს მთლიანმა აქტივებმა გასული წლის 9 თვეში 106,249,641 ლარი, ხოლო მთლიანმა ვალდებულებებმა 60,413,355 ლარი შეადგინა.

გასული წლის 9 თვე „სვის კაპიტალმა“ 1,589,746 ლარის წმინდა მოგებით დაასრულა, მაშინ როდესაც 2019 წლის ანალოგიურ პერიოდში ეს მაჩვენებელი 3,769,016 ლარი იყო.

„სვის კაპიტალის“ მოგება-ზარალის უწყისის მიხედვით, ორგანიზაციის მთლიანმა საპროცენტო შემოსავლებმა 2020 წლის 30 სექტემბრის მდგომარეობით 24,322,158 ლარი შეადგინა, ხოლო მთლიანმა არასაპროცენტო შემოსავლებმა 512,646 ლარი.