სვანეთის ტურისტული ბიზნესის წარმომადგენლები ხელისუფლებისგან ყურადღებას ითხოვენ – „კომერსანტის“ რეპორტაჟი

სვანეთის ტურისტული ბიზნესის წარმომადგენლები ხელისუფლებისგან ყურადღებას ითხოვენ – „კომერსანტის“ რეპორტაჟი

person access_time2016-06-19 10:18:31

ზაფხულის დადგომასთან ერთად საქართველოს ერთ-ერთ ყველაზე გამორჩეულ კუთხეში ტურისტული სეზონი დაიწყო. ტურისტების ნაკადები, ადგილობრივების თქმით, სვანეთს სექტემბრის ბოლომდე აწყდება.

 

კომერსანტი სვანეთის მდგომარეობით დაინტერესდა და გადაწყვიტა, თავად ასულიყო და გაცნობოდა ადგილობრივ გარემოს. თბილისიდან სვანეთამდე ჩასვლა საჰაერო და საავტომობილო გზით არის შესაძლებელი. დროის განაწილება და ფასები ინფოგრაფიკზეა აღნიშნული. 

 


ფრენის შესაძლებლობა დიდი კომფორტია, თუმცა თუკი საავტომობილო გზას აირჩევთ, გზაზე არანაირი დაბრკოლება არ შეგხვდებათ: ზუგდიდიდან მესტიამდე ბეტონის გზაა დაგებული და ამ ეტაპზე გზად მხოლოდ რამდენიმე უსწორმასწორობა შეგხვდებათ. გასულ წლებში ინფრასტრუქტურის განვითარების მხრივ მესტიაში საკმაოდ დიდი ნაბიჯები გადაიდგა, თუმცა ბოლო ხანებში მთავრობის მხრიდან უყურადღებობაზე ადგილობრივების საკმაოდ დიდი ნაწილი საუბრობს. 


თამარი, საოჯახო სასტუმროს მფლობელი: „გასულ წლებში მშენებლობები იყო და ყველა მუშაობდა. ახლა სამუშაოს ვერ პოულობს ხალხი. სეზონის დადგომა, ტურიზმი და ტურების მოწყობა - ეგ არის აქ ერთადერთი შემოსავალი.“ 


სვანეთში მოსახლეობას ელექტროენერგია უფასოდ მიეწოდება. 



„ამ შეღავათით ძალიან დიდი ხანია ვსარგებლობთ, თუმცა რეგიონში ბუნებრივი აირი შეყვანილი არ არის. ზამთარში ელექტროგამათბობელი სიცივეს ვერ ერევა, ამიტომაც ზამთარში მარტო სასტუმროები მუშაობენ. მზის ენერგიაზე იყო ადრე საუბარი, ახლა მას აღარავინ ახსენებს,“ – აღნიშნა მან. 


უფასო ელექტროენერგიით კერძო კომპანიები და სასტუმროები ვერ სარგებლობენ. ერთ-ერთი სასტუმროს მენეჯერის, ქ-ნი ნინოს თქმით, „გადასახადები საკმაოდ მაღალია. ბიზნესს მეტი შეღავათი სჭირდება. ნათქვამია მადა ჭამაში მოდისო, მაგრამ თუკი უფრო მეტად განავითარებს მთავრობა ამ მხარეს და ბიზნესს მეტ შეღავათს მისცემს, ეს ქვეყნის ეკონომიკაზეც დადებითად იმოქმედებს.“


 ქალაქის ცენტრში არაერთი საკვები ობიექტია გახსნილი. აქვე დგას ავტომობილები, რომლებიც მსურველებს სხვადასხვა მიმართულებით ტურებს სთავაზობენ. რაც შეეხება მაღაზიებს, საკვებ პროდუქტებზე ფასები საკმაოდ მაღალია. მესტიის მკვიდრის, ბ-ნი ზურას თქმით, მაღალი ფასი როგორც უცხოელ ტურისტს, ასევე მასაც ეხება. 


მესტიიდან 8 კილომეტრში ჰაწვალი მდებარეობს, საიდანაც საბაგიროს დაახლოებით 15 წუთში 2340 მეტრზე, ზურულდის მთაზე აყავხართ. უკრაინელი ანატოლი თავის მეუღლესთან ერთად არის სვანეთში ამოსული: „ავტოსტოპით ვმგზავრობთ, შესანიშნავი ადგილია. ჩვენთვის შენობებზე მნიშვნელოვანი ბუნების პირველყოფილობაა, თუმცა ისეთი ინფრასტრუქტურა, როგორიც თუნდაც ეს საბაგიროა, ამ მხარეს კიდევ უფრო მიმზიდველს ხდის.“


ზურულდის მთაზე სვანეთის ყველაზე მაღალ წერტილში რესტორანი მდებარეობს, რომლის ვერანდიდან სვანეთის ერთ-ერთი უმაღლესი მწვერვალი, უშბა (4700მ) იდეალური რაკურსით ჩანს. მთაზე ზამთარში მოთხილამურეები ამოდიან. საბაგიროს ერთ-ერთი თანამშრომლის, ნუგზარის თქმით, „თეთნულდზეც უნდა გაიხსნას საბაგირო, თუმცა უკვე ძალიან დიდი ხანია მიმდინარეობს მშენებლობა. როგორც ამბობენ, თეთნულდზე ამიერკავკასიაში ყველაზე გრძელი სათხილამურო ტრასა უნდა იყოს და იმედია სამუშაო მალე დასრულდება.“ 


ხელისუფლების უყურადღებობის ფონზე სვანები რუსეთისა და თურქეთის ურთიერთობის გაფუჭების შედეგად იღებენ მოგებას - 

 

„ბევრად მეტი ტურისტი ამოდის, შედარება არაა. რუს ტურისტებს ჩემს საოჯახო სასტუმროში შემდეგ თვეში ველოდები,“ – ამბობს ბ-ნი ნუგზარი. 


რა მიზნები აქვთ სვანეთში ახალგაზრდებს? 


17 წლის თამარმა სკოლა წელს დაამთავრა და ეროვნული გამოცდებისათვის ემზადება. „ტურიზმზე ვაბარებ ილიას სახელმწიფო უნივერსიტეტში. მერე ისევ აქ მინდა დაბრუნება. ჩემი კლასელების უმეტესობა ან ტურიზმზე აბარებს, ან სამართალზე. მხოლოდ ერთი ჩაიჭრა საატესტატო გამოცდაზე.“


 მესტიისა და ზოგადად, სვანეთის მზაობა, გახდეს საქართველოს ერთ-ერთი უმნიშვნელოვანესი ტურისტული ცენტრი, თვალშისაცემია. როგორ მიუდგება მთავრობა მოსახლეობის უკმაყოფილებას და გადაიდგმება თუ არა პრობლემების გამოსასწორებლად ნაბიჯები - ამ საკითხებს კომერსანტი მომავალში კვლავ დაუბრუნდება. 

 

 




საოჯახო სასტუმროებისთვის წყლის საფასურის გადახდის ახალი წესი 2020 წლის 1-ლი იანვრიდან ამოქმედდება

საოჯახო სასტუმროებისთვის წყლის საფასურის გადახდის ახალი წესი 2020 წლის 1-ლი იანვრიდან ამოქმედდება
access_time2019-12-12 18:00:33
2020 წლის 1-ლი იანვრიდან, სემეკის დადგენილების თანახმად საოჯახო სასტუმროებისთვის წყლის საფასურის გადახდის ახალი წესი - ე.წ ჰიბრიდული ტარიფი ამოქმედდება, - ამის შესახებ ინფორმაციას GWP ავრცელებს. როგორც ცნობილია, გადახდის ახალი წესი მხოლოდ იმ ტიპის საოჯახო სასტუმროებზე ვრცელდება, სადაც მფლობელი თავად ცხოვრობს ბინაში, პარალელურად აქირავებს ბინას ტურისტებზე და უწევს მათ მომსახურებას. „სემეკის ახალი დადგენილების მიხედვით 2020 წლის 1-ლი იანვრიდან ამ ტიპის...

„სალომე ზურაბიშვილი იქნება ჩვენი ქვეყნის ღირსეული პრეზიდენტი“

„სალომე ზურაბიშვილი იქნება ჩვენი ქვეყნის ღირსეული პრეზიდენტი“
access_time2019-12-12 14:30:05
„არც ჯარი გვაქვს, არც იარაღი და არც გვექნება, არც ის ეკონომიკური ძალიან დიდი პოტენციალი, რომ დავიპყროთ, თუნდაც, რეგიონი“, - ეს სალომე ზურაბიშვილის მორიგი სკანდალური განცხადებაა. საქართველოს პრეზიდენტის ნათქვამი საზოგადეობის დიდმა ნაწილმა შეურაცხყოფად მიიღო და მთავრსარდლისგან მობოდიშება მოითხოვა.  აღსანიშნავია რომ პრეიზდენტს „ქართული ოცნების“  წევრებიც...

„პროდუქციის გაიაფებაზე არც ვილაპარაკოთ და არც ვიოცნებოთ“

„პროდუქციის გაიაფებაზე არც ვილაპარაკოთ და არც ვიოცნებოთ“
access_time2019-12-12 15:00:44
„თებერვლის ბოლოს თუ იქნება ის მოცემულობა, რომ  ლარის კურსი  2.70-ის მიდამოებში იქნება,მაშინ შეიძლება ფასები გადაიხედოს“-ამის შესახებ „კომერსანტს“ „საქართველოს დისტრიბუტორთა ბიზნეს ასოციაციის“ თავმჯდომარე ივა ჭყონიამ განუცხადა. როგორც  ჭყონია განმარტავს,კომპანიებს გარკვეული მარაგები აქვთ, რომელიც  ნაყიდი საკმაოდ მაღალ კურსზეა, შესაბამისად,...

საქართველოს რუსეთზე ენერგოდამოკიდებულების ზრდის რისკი

საქართველოს რუსეთზე ენერგოდამოკიდებულების ზრდის რისკი
access_time2019-12-12 14:01:05
ბუნებრივია, რომ საქართველოს ეკონომიკის განვითარების პარალელურად ელექტროენერგიის მოხმარებაც მზარდია. აღსანიშნავია, რომ ბოლო ხუთ წელიწადში ელექტროენერგიაზე მოთხოვნის 1.4-ჯერ ზრდის მიუხედავად, საქართველოში ერთ სულზე ელექტროენერგიის მოხმარება ორჯერ ნაკლებია ევროპისა და დასავლეთ აზიის ქვეყნების საშუალო მოხმარებასთან შედარებით. ეს ის ქვეყნებია, სადაც ენერგოეფექტიანობა მთავარი სამიზნეა, თუმცა განვითარების მაღალი დონე უფრო მაღალ ენერგომოხმარებასაც ნიშნავს. ცხადია, ენერგოეფექტიანობის...

ვის ეკისრება პასუხისმგებლობა გაძვირებულ ცხოვრებაზე

ვის ეკისრება პასუხისმგებლობა გაძვირებულ ცხოვრებაზე
access_time2019-12-12 16:00:38
ფასების ზრდამ წლის ახალი რეკორდი მოხსნა და ინფლაციამ 7%-ს მიაღწია. იმის მიუხედავად, რომ ბოლო წლებში ქვეყანას უფრო მაღალი მაჩვენებელიც ახსოვს, არსებული მდგომარეობა გაცილებით უფრო მძიმეა. იმდენად, რამდენადაც არსებული ინფლაციის ფორმირებაზე, მთავარი ზეგავლენა იქონია ისეთმა ქვეჯგუფმა როგორიცაა სურსათი და უალკოჰოლო სასმელები (ზრდა 13.4%). სხვა სიტყვებით, რომ ვთქვათ ფასები ყველაზე მეტად გაიზარდა პირველადი მოხმარების პროდუქტებზე. თუმცა, ამის გარდა ფასების ზრდა...


მსგავსი სიახლეები

up