რამდენიმე თვეა ტაქსის გამოძახების სერვისმა „მაქსიმმა" დისტანციური შესყიდვებისა და მიწოდებისთვის ახალი ტარიფები დანერგა. აღნიშნული სიახლე სერვისის მომხმარებლებში უკვე საკმაო პოპულარობით სარგებლობს. „მაქსიმის" ანალიტიკოსებმა გამოიკვლიეს აპრილიდან ივნისის ჩათვლით რომელ ქალაქში სარგებლობდნენ ყველაზე მეტად კურიერის მომსახურებით და ძირითადად რის მიწოდებას ითხოვდენ მოქალაქეები.

კურიერის სერვისი ყველაზე აქტუალური თბილისშია. შეკვეთების მთლიანი რაოდენობის 61 პროცენტი სწორედ დედაქალაქზე მოდის. ასევე, საინტერესოა თუ რას უკვეთავენ თბილისის მოსახლეები „მაქსიმის" კურიერებს. მომხმარებლების უმეტესობა სურსათის მიწოდებას ითხოვს, ასევე აქტუალურია კოსმეტიკის, ყვავილებისა, ტკბილეულისა და კომპიუტერული ტექნიკის მიწოდების მოთხოვნა.

თბილისს აქტიურობით ბათუმი მოჰყვება, შეკვეთების 18% სწორედ ზღვისპირა ქალაქში ფიქსირდება. ბათუმში კურიერის მომსახურებას ყველაზე მეტად ყვავილების მისატანად იყენებენ, კურიერს ასევე ხშირად აბარებენ სხვადასხვა სახის ტკბილეულისა და გასაღებების მიტანას.

კურიერის მომსახურება პოპულარულია ქუთაისშიც (13%). თბილისის მსგავსად ქუთაისელებიც ყველაზე ხშირად საკვების მიწოდებას ითხოვენ, ასევე აქტუალურია წამლებისა და ყვავილების მოთხოვნა.

„მაქსიმის" ახალი ტარიფი აქტუალურია სხვა, შედარებით მცირე მოსახლეობის მქონე ქალაქებშიც, მაგალითად ტარიფ „კურიერის" შეკვეთების მთლიანი რაოდენობის 4% რუსთავზე მოდის, შემდეგ არიან: გორი 2%, ზუგდიდი 1% და ფოთი 1%.

მომხარებლებს შესაძლებლობა აქვთ კურიერის მომსახურება სხვა პიროვნებისთვისაც შეუკვეთონ, ამისთვის საჭიროა აპლიკაციაში მიუთითონ სხვა ნომერი კავშირისთვის. აღსანიშნავია, რომ შეკვეთების უმეტესობა სწორედ აპლიკაციით ხორციელდება.

შეგახსენებთ, რომ სერვისით სარგებლობა შეგიძლიათ ონლაინ საიტზე https://taximaxim.ge/ , აპლიკაციით https://taximaxim.com/ge/app/ ან ოპერატორთან დაკავშირებით.