რუსული რეაქტიული თვითმფრინავის Sukhoi Superjet 100-ის თაობაზე მედიაში რამდენიმე კრიტიკული მასალა გამოქვეყნდა - ეს საფრენი აპარატი დღეს მხოლოდ რუსეთში იყიდება, ისიც - სერიოზული პრობლემებით.

მასზე დიდი მოთხოვნა არ არსებობს, იმის მიუხედავად, რომ მსოფლიო ანალოგებთან შედარებით შედარებით იაფია- ხარისხის და სანდოობის კუთხით მას არც თუ ისეთი კარგი რეპუტაცია აქვს.

2021 წელი ყველაზე ცუდი წელი უნდა ყოფილიყო Sukhoi Superjet 100-ის სერიული წარმოების დაწყების დღიდან. აპრილში ექსპერტებმა ივარაუდეს, რომ მწარმოებელი კომპანია მხოლოდ 8 ახალ თვითმფრინავს გამოუშვებს - საუბარია სწორედ ახალ საფრენ აპარატებზე და არა იმ თვითმფრინავებზე, რომლების მშენებლობა 2020 წელს აიწყო და ბიუროკრატიული პროცედურების გამო ექსპლუატაციაში 2021 წელს ჩაბარდა.

პროგნოზი მცდარი აღმოჩნდა - 2021 წელს 12 Sukhoi Superjet 100 აიგო, მათ შორის ერთი რეალურად 2020 წელს აიწყო, 11 კი - უშუალოდ 2021-ში. მაგრამ ყველა შემთხვევაში, ეს არც თუ ისე კარგი მაჩვენებელია ქვეყნისთვის, რომელიც ამ თვითმფრინავების წყალობით მსოფლიოში Airbus-ის და Boeing-ის მონოპოლიის დანგრევას ცდილობდა.

სხვათა შორის, Sukhoi Superjet 100-ს გასულ წელს ახალი მყიდველები არ შეემატა. თუ გავითვალისწინებთ, რომ უცხოური ავიაკომპანიები, რომლებიც თავიდან ყიდულობდნენ ამ თვითმფრინავებს, შემდეგში მათზე უარი განაცხადეს დაბალი სანდოობის, მაღალი ავარიულობის და მწარმოებლის მიერ ცუდი შესყიდვისშემდგომი მომსახურების გამო, ცხადია,  რომ ექსპორტის რამენაირ ზრდაზე საუბარი ზედმეტია.

პირველმა საერთაშორისო ბაზარზე Sukhoi Superjet 100-ის ყიდვაზე 2018 წელს უარი ავიაკომპანია Brussels Airlines-მა განაცხადა. შემდეგ მას მოჰყვა მექსიკური Interjet, რომელსაც იმ დროისთვის 6 რუსული თვითმფრინავი ჰყავდა. იგივე 2019 წელს Sukhoi Superjet 100-ის შემდგომ ექსპლუატაციაზე უარი ავიაკომპანია CityJet -მა განაცხადა.

საყურადღებოა, რომ 2021 წელს წარმოებული არც ერთი Sukhoi Superjet 100 არ გაიყიდა - 12-ვე საფრენი აპარატი თავისი შვილობილი კომპანიებისთვის Аэрофлот-მა იქირავა.

ამ დროისთვის ანგარებში თავმოყრილია 50-ზე მეტი გამოუყენებელი  Sukhoi Superjet 100, რომლებსაც ადგილობრივ ბაზარზეც კი ეჭვის თვალით უყურებენ.

ასე რომ, თამამად შეგვიძლია ვთქვათ - პროპაგანდისტების მიერ გაბერილი დიდი წარმატების ნაცვლად Sukhoi Superjet 100 რუსული ავიამშენებლობის გრანდიოზულ ჩავარდნად იქცა. მისი რეანიმირებას წლების მანძილზე ცდილობენ, თუმცა, „პაციენტი“ უფრო მკვდარია, ვიდრე ცოცხალი.

თანაც, 10 იანვარს Sukhoi Superjet 100-ს მორიგი ავარია მოუვიდა ქალაქ ბელგოროდის აეროპორტში დაშვების დროს. ეს ფაქტი კი მის რეპუტაციას ნამდვილად არ წაადგება.

sprotyv.info