ბათუ ქუთელია: ბოლოდროინდელი მოვლენები აშშ-საქართველოს ურთიერთობაზე უარყოფითად არ აისახება  - ამერიკის სტრატეგიული ინტერესები უცვლელია

ბათუ ქუთელია: ბოლოდროინდელი მოვლენები აშშ-საქართველოს ურთიერთობაზე უარყოფითად არ აისახება - ამერიკის სტრატეგიული ინტერესები უცვლელია

access_time2019-07-11 19:00:09

ბოლო დროს რუსეთ-საქართველოს შორის განვითარებულმა მოვლენებმა კიდევ უფრო აქტუალური გახადა ქვეყნის საგარეო კურსი და პარტნიორი  სახელმწიფოების მნიშვნელობა. საზოგადოების დიდი ნაწილი არჩევანს ევროპასა და ამერიკის შეერთებულ შტატებზე აკეთებს. რუსთაველის გამზირზე მიმდინარე აქციებზე, სულ უფრო მეტი ევროკავშირის და აშშ-ს დროშა ჩანს.  



26-წლიანი ეკონომიკური, სამხედრო და პოლიტიკური ურთიერთობების ფონზე, რას ნიშნავს დღეს აშშ-სთან პარტნიორობა საქართველოსთვის და რა სტრატეგიული მნიშვნელობა  აქვს ამერიკისთვის ჩვენს ქვეყანას, სადაც რამდენიმე დღის წინ აშშ-ს დამოუკიდებლობის დღე აღვნიშნეთ



“საქართველოს სტრატეგიული მნიშვნელობა აშშ-სთვის იმაზე გრძელვადიანია ვიდრე, ჩვენს ქვეყანაში რომელიმე მთავრობის პოლიტიკა, ასე რომ ამ სტრატეგიული პარტნიორობის გადახედვა აშშ-ში მრავალჯერადი ადმინისტრაციული ცვლილებების მიუხედავად, წლების მანძილზე არ ხდებოდა და არ მოხდება. საქართველო იყო და დარჩება გეოპოლიტიკურად, ეკონომიკურად, ენერგეტიკულად და სამხედრო მნიშვნელობით საინტერესო  პარტნიორად აშშ-სთვის  ამბობს “კომერსანტთან“ საერთაშორისო ურთიერთობების ექსპერტი  ბათუ ქუთელია.


როგორც საქართველოს ყოფილი ელჩი აშშ-ში განმარტავს  აშშ  არის ჩვენი მთავარი სტრატეგიული პარტნიორი.  სტრატეგიული პარტნიორობა კი ოთხ ფუნდამენტურ მიმართულებას ეფუძნება, ესენია 1. თავდაცვა და უსაფრთხოება  2. ეკონომიკა და ვაჭრობა 3.  დემოკრატიული ინსტიტუტების მშენებლობა   4. ხალხთა შორის ურთიერთობა.  


ამ საკითხების ქვეშ ძალიან ბევრი ქვესაკითხია, ჯამში ეს ყველაფერი საქართველოს სახელმწიფოს მშენებლობის შემადგენელი ქვეკუთხედია,  ამიტომ ამერიკის როლი და ფუნქცია არის განუზომლად დიდი.  გარდა ამ პრაგმატული ამოცანებისა, ისტორიულად, ამერიკას საქართველოსთვისაც და ზოგადად ოკუპირებული, საბჭოთა და კომუნისტურ რეჟიმგამოვლილი ერისთვის, ძალიან დიდი ფსიქოლოგიური და ემოციული დატვირთვაც ჰქონდა, რადგან  თავისუფლებისთვის მებრძოლი ხალხების ყველაზე აქტიური მხარდამჭერი სწორედ ამერიკაა. აქედან გამომდინარე, აშშ-სთან ჩვენი სტრატეგიული პარტნიორობა ეფუძნება სწორედ ამ მთავარ ფასეულობას, სწრაფვას თავისუფლებისთვის და ბუნებრივია, ამ თავისუფლებისთვის ჩვენ ჩვენი წვლილი უნდა გავიღოთ,  ჩვენი წილი მონაწილეობა მივიღოთ ამ გლობალურ, დაპირისპირებაში ცივილიზებულ და არა ცივილიზებულ სამყაროს შორის.  ამ თავისუფლებისთვის იბრძოდნენ ჩვენი მეომრები ერაყში ამერიკელების მხარდამხარ, ავღანეთში ნატოსთან ერთად - ეს ყველაფერი ერთობლიობაში  ქმნის სწორედ იმ გარემოს, რასაც ეწოდება სტრატეგიული პარტნიორობა.  ბოლო 28 წლის განმავლობაში ეს სტრატეგიული პარტნიორობა ინტენსიურად ვითარდებოდა,  მიუხედავად ამერიკაში ადმინისტრაციების ცვლილებისა.“



საქართველოს, როგორც პატარა ქვეყნისთვის აშშ-ს მხარდაჭერა რომ მნიშვნელოვანია და ქართველი ხალხის კეთილდღეობისთვის  ეს სტრატეგიული პარტნიორობა ეკონომიკური კუთხით დადებითი შეიძლება იყოს, ეს ფაქტია. მაგრამ, რა სტრატეგიული მნიშვნელობა აქვს საქართველოს ამერიკისთვის?



საქართველოს მნიშვნელობა ამერიკისთვისაც ძალიან დიდია. თუ ნახავთ პოლიტიკოსების გამოსვლებში და ანალიტიკურ სტატიებში,  საქართველოს წარმატება არის აშშ-ს სტრატეგიულ ინტერესებში და ეს არ არის ცარიელი სიტყვები. სტრატეგიული პარტნიორობა არ არის ცალმხრივი. ის,  რომ საქართველო ამტკიცებს დემოკრატიული წარმატებულობის შესაძლებლობას იმ რეგიონში,  სადაც ეს თითქოს წარმოუდგენელი იყო, სწორედ ესაა ფასეულობების თანხვედრა. უსაფრთხოებისა და თავდაცვის კუთხით,  ჩვენი გეოპოლიტიკური მდგომარეობიდან გამომდინარე, ეს იქნება ახლო აღმოსავლეთი,  ირანი,  შავი ზღვის უსაფრთხოება, ნატო,  ტერორიზმთან ბრძოლა, ეკონომიკა და ვაჭრობა -  საქართველო არის გზაჯვარედინზე დასავლეთსა და ახლო აღმოსავლეთს შორის, აქედან გამომდინარე ეს ვაჭრობის და ეკონომიკის კომპონენტი ძალიან მნიშვნელოვანია. ენერგეტიკული უსაფრთხოების კუთხითაც საინტერესოები ვართ ამერიკისთვის, რადგან საქართველოზე გადის ალტერნატიული, არა რუსეთის მიერ კონტროლლირებადი გზა, რათა კასპიის ზღვიდან ცენტრალური აზიის ენერგორესურსები ევროპულ ბაზარზე მოხვდნენ.  ეს კომბინაციაში ერთად ქმნის ამერიკის სტრატეგიულ ინტერესებს საქართველოს მიმართ, აქ გვაქვს 100-პროცენტიანი თანხმობა.


პოპულარული ენით რომ ვთქვათ, ძალიან მნიშვნელოვანია, რომ ჩვენმა მოსახლეობამ ბევრი ფული იშოვოს ამერიკასთან ერთობლივი ბიზნესით, იქნება ეს ლოგისტიკური გადაზიდვები , წარმოება ამერიკული ბაზრისთვის, ამერიკაში ქართული პროდუქციის გატანა, ან ისეთ ქვეყნებში ექსპორტი, რომელიც ჩვენსავით აშშ-ს  სტრატეგიული პარტნიორები არიან და აშშ -ს შეუძლია ხელი შეგვიწყოს ამ საქმეში.  ეს არის თავიდათავი, რაც საქართველოს გააძლიერებს არა მარტო ეკონომიკურად, არამედ პოლიტიკურადაც.  სწორედ ამიტომაცაა რუსეთის ერთ-ერთი სამიზნე საქართველოს ეკონომიკური დამოკიდებულების გაზრდა რუსეთზე და, სამწუხაროდ, ბოლო პერიოდში სახეზეა ეს დამოკიდებულება.  



როგორ ფიქრობთ, ბოლო პერიოდში განვითარებული მოვლენები  საქართველოში როგორ შეიძლება აისახოს აშშ-საქართველოს ურთიერთობაზე? 


პერსპექტივაში არ მგონია ეს მოვლენები უარყოფითად აისახოს, სტრატეგიული პარტნიორობა უფრო გრძელვადიანია, ვიდრე რომელიმე კონკრეტული მთავრობის პოლიტიკა.  აქედან გამომდინარე,  აშშ არ გადახედავს თავის ინეტრესებს იმიტომ, რომ ეს არის სტრატეგიული ინტერესები. აქ საუბარია იმაზე ჩვენ რამდენად ეფექტურად გამოვიყენებთ ამას, რათა მოკლე დროში უფრო კარგად ვიცხოვროთ და უფრო უსაფრთხოდ ვიყოთ.  უსაფრთხოებასთან დაკავშირებით ლოგისტიკური ბაზრის ინფრასტრუქტურის მშენებლობა მნიშვნელოვანია, როგორც ჩვენთვის ასევე ამერიკელებისთვის.  აქაც ძალიან დიდი სივრცეა ასათვისებელი იმისთვის, რომ ჩვენ მივიღოთ მეტი უსაფრთხოების გარანტიები და პლიუს ამას, უფრო გავზარდოთ ჩვენი ეკონომიკური პოტენციალი.

 


1992 წელს გაფორმდა პირველი ეკონომიკური ხელშეკრულება ინვესტიციების შესახებ საქართველოსა და ამერიკის მთავრობებს შორის, რომელიც მიზნად ისახავდა ინვესტორების შემოსვლას საქართველოში და ეკონომიკური კავშირის გაღრმავებას; 1992 წლის 23 აპრილს საქართველოში აშშ-ს საელჩო გაიხსნა, რომლის პრიორიტეტს ქვეყანაში ეკონომიკის გაძლიერება და დემოკრატიის გამარჯვება წარმოადგენდა; 1993 წელს  კი ევროპა-კავკასია-აზია სატრანსპორტო დერეფნის განვითარების შესახებ (TRACECA) პროექტში პრეზიდენტ კლინტონის ადმინისტრაციამ მხარი დაუჭირა ტრანსპორტირებას საქართველოს და აზერბაიჯანის გზით.



მარიამ მორგოშია





აკაკი ზოიძე - არ დავუშვებთ, ერთი მხრივ, ბიზნესი ზედმეტი რეგულაციებით დავახრჩოთ და მეორე მხრივ, არსებობდეს მონური შრომა

აკაკი ზოიძე - არ დავუშვებთ, ერთი მხრივ, ბიზნესი ზედმეტი რეგულაციებით დავახრჩოთ და მეორე მხრივ, არსებობდეს მონური შრომა
access_time2019-09-21 13:00:25
არის მცდელობა იმ პროცესის დისკრედიტაცია მოხდეს, რომელიც ჩვენი მოქალაქეების უფლებების დაცვას ემსახურება, – ამის შესახებ პარლამენტის ჯანდაცვის კომიტეტის თავმჯდომარე აკაკი ზოიძემ განაცხადა შრომის კოდექსში დაგეგმილ ცვლილებებთან დაკავშირებით.   მისი თქმით, ამ საკითხზე აბსოლუტურად დაუსაბუთებელი წუხილებია და საზოგადოებაში მცდარი ინფორმაცია გავრცელდა.   „რატომღაც მცდელობაა, იმ პროცესის დისკრედიტაციის, რომელიც მხოლოდ ჩვენი მოქალაქეების უფლებების დაცვას...

ბეჭდები ქვევრის თემაზე - Tsikolia-ს ახალი ხაზი

ბეჭდები ქვევრის თემაზე - Tsikolia-ს ახალი ხაზი
access_time2019-09-21 11:00:59
დიზაინერი ზვიად ციკოლია ქვევრის თემაზე საიუველირო ნაწარმის შექმნას იწყებს.   როგორც bm.ge-ის დიზაინერმა განუცხადა, ახალ ხაზში თავიდან იქნება ბეჭდები, რომელსაც დაემატება საყურეები, ყელსაბამები და ა.შ.   ბრენდს Tsikolia ერქმევა.   „ქვევრს მე ბევრნაირად ვხედავ. ის არის ჩვენი ერის საიდენტიფიკაციო ატრიბუტი, ამიტომ ვაგრძელებ ქვევრის ხაზს და მალე კიდევ ბევრ სხვა რამეს იხილავთ“, - უთხრა ციკოლიამ bm.ge-ის.   დიზაინერს...

„ერთიანი აგროპროექტის“ ფარგლებში სამეგრელოს რეგიონში ლოკოკინების ფერმა ამოქმედდა

„ერთიანი აგროპროექტის“ ფარგლებში სამეგრელოს რეგიონში ლოკოკინების ფერმა ამოქმედდა
access_time2019-09-21 10:00:49
ხობის მუნიციპალიტეტის სოფელ ახალ ხიბულაში თანამედროვე სტანდარტებით აღჭურვილი ლოკოკინების ფერმა „ნადი გრუპი“ სახელმწიფოს დახმარებით, „ერთიანი აგროპროექტის“ ფარგლებში აშენდა. ფერმის ასაშენებლად ჯამურად 1,410,000 ლარის ინვესტიცია განხორციელდა, საიდანაც 1,260,000 ლარი ბენეფიციარმა შეღავათიანი აგროკრედიტით მიიღო. გარემოს დაცვისა და სოფლის მეურნეობის მინისტრის მოადგილემ, გიორგი ხანიშვილმა, სოფლისა და სოფლის მეურნეობის განვითარების სააგენტოს დირექტორთან ოთარ შამუგიასთან, სამეგრელო ზემო-სვანეთის...

რამაზ საყვარელიძე - ქართულ პოლიტიკაში უშინაარსობა უნდა დამთავრდეს, თორემ ერთფეროვნებაში, როცა არც პურია და არც სანახაობა, კიდევ უფრო გაიზრდება პოლიტიკური ნიჰილიზმი

რამაზ საყვარელიძე - ქართულ პოლიტიკაში უშინაარსობა უნდა დამთავრდეს, თორემ ერთფეროვნებაში, როცა არც პურია და არც სანახაობა, კიდევ უფრო გაიზრდება პოლიტიკური ნიჰილიზმი
access_time2019-09-21 12:00:06
საშინაო და საგარეო პოლიტიკის აქტუალურ თემებზე ”ინტერპრესნიუსი” ფსიქოლოგსა და პოლიტოლოგს რამაზ საყვარელიძეს ესაუბრა. - ბატონო რამაზ, რადგან ახალ პოლიტიკურ სეზონში პირველად შეგეხმიანეთ, შესაძლოა, ყველაზე აქტუალური თემითაც კი გთხოვოთ საუბრის დაწყება. ყველაზე აქტუალურ თემაში ვგულისხმობ იმას, რომ ჩვენში პოლიტიკური ცხოვრება ზედმეტადაც კი პოლარიზებულია. პოლარიზებულ...

მამუკა ხაზარაძე - არ აჰყვეთ ბიძინა ივანიშვილის რუსეთში, კრემლში ნაშოვნ ფულს, რომელიც დღეს პანამიდან შემოდის საქართველოში

მამუკა ხაზარაძე - არ აჰყვეთ ბიძინა ივანიშვილის რუსეთში, კრემლში ნაშოვნ ფულს, რომელიც დღეს პანამიდან შემოდის საქართველოში
access_time2019-09-20 21:45:06
არ აყვეთ პროვოკაციებს, არ აყვეთ ბოტებს, აგერ რომ იჯდნენ და ახლა საბურთალოზე ზიან, არ აჰყვეთ ბიძინა ივანიშვილის რუსეთში, კრემლში ნაშოვნ ფულს, რომელიც დღეს პანამიდან შემოდის საქართველოში,- ამის შესახებ მოძრაობა „ლელოს“ დამფუძნებელმა, მამუკა ხაზარაძემ აქციაზე „სირცხვილია“ სიტყვით გამოსვლისას განაცხადა.   მისივე თქმით, საქართველოს ბევრი პრობლემა აქვს და პრობლემების დაძლევა თავისუფლების გარშემო გაერთიანებით უნდა დაიწყოს.   „ჩვენ გვეგონა, რომ ყველაფერი უკვე...


მსგავსი სიახლეები

up