გასული შაბათ-კვირის ვაჭრობის შედეგად stepn-ის მონეტის ფასი დაეცა, მისი ღირებულება $1-ს ჩამოსცდა და $0,83 შეადგინა. ამის შესახებ ინფორმაციას crowdwisdom ავრცელებს. მანამდე GMT-ის ფასი $1.5–თან ახლოს იყო. კრიპტო ბაზრის აღდგენა ვერ მოხერხდა და მთლიანი კრიპტო ბაზრის კაპიტალიზაცია ახლა $1.20 ტრილიონზე დაბალია. თუმცა, ბოლო 24 საათის განმავლობაში STEPN მონეტამ გარკვეულწილად აღდგენა მოახერხა და GMT-ის ფასი ახლა $1-ზე მეტია.
GMT-ის საერთო საბაზრო კაპიტალიზაცია 18%-ით გაიზარდა, თუმცა ვაჭრობის მოცულობა ბოლო რამდენიმე საათში შემცირდა. STEPN საბაზრო კაპიტალიზაციით 70-ე ადგილზეა.
STEPN-ის ფასის მოძრაობა წელს საინტერესო იყო, მისი მონეტის ფასი მარტში $0,15–ზე ოდნავ მეტი იყო, მაგრამ აპრილის ბოლოს ის საგრძნობლად გაიზარდა და მონეტის ფასმა 4 დოლარს გადააჭარბა. თუმცა, STEPN–მა მას შემდეგ უკან დაიხია და მისი ფასი ახლა $4-თან ახლოსაც არ არის, მაგრამ მაისის ბოლო კვირაში კი, YTD ჩარტში STEPN დადებითად ვაჭრობდა და ის წელს ერთ-ერთ საუკეთესო მოქმედ კრიპტოვალუტად რჩება.
ჩინური გამოცემა South China Morning Post-ის თანახმად, ჩინეთის მარეგულირებელი ქვეყანაში Stepn-ის მიმოქცევას კრძალავს, რაც ძალაში 15 ივლისიდან შევა.
თამაშის მონაწილეები NFT ბოტასს ფიქსირებულ ფასად ყიდულობენ, შემდეგ იღებენ თამაშის დავალებებს და ყოველდღიურად გარკვეულ მანძილს ფეხით გადიან, რის სანაცვლოდაც GMT ტოკენს ანუ მონეტებს აგროვებენ, შემდეგ ამ თანხის განაღდება შეუძლიათ.
Stepn საქართველოში მარტ-აპრილის პერიოდში გახდა პოპულარული, კომპანია 2021 წლის დეკემბერში დაფუძნდა და მას მთელი მსოფლიოს მასშტაბით და 580 000 მომხმარებელი ჰყავს. კომპანიამ 2022 წლის პირველ კვარტალში 20 მილიონი დოლარის წმინდა მოგება გამოიმუშავა.