სტარტაპერები ბახტაძის ახალ ინიციატივაზე - “სუბსიდირებაზე გაცილებით მნიშვნელოვანი  შესაბამისი ეკონომიკური და სამართლებრივი გარემოა“

სტარტაპერები ბახტაძის ახალ ინიციატივაზე - “სუბსიდირებაზე გაცილებით მნიშვნელოვანი შესაბამისი ეკონომიკური და სამართლებრივი გარემოა“

access_time2019-05-24 15:00:47

“ჩვენთვის ადამიანური კაპიტალის განვითარება არის პირდაპირ კავშირში ახალგაზრდულ ეკონომიკასთან. სწორედ ახალგაზრდების ენერგია, მათი ხედვა და ინოვაციური მიდგომა უნდა გახდეს ჩვენი ეკონომიკის განვითარების ლოკომოტივი“, - ამ სიტყვებით დააანონსა საქართველოს პრემიერ მინისტრმა მამუკა ბახტაძემ ინოვაციური პროექტების დააფინანსებს ახალი პროგრამა.


პრემიერმა საქართველოს ინოვაციებისა და ტექნოლოგიების სააგენტოში ახალგაზრდა სტარტაპერებს რამდენიმე მნიშვნელოვანი ცვლილება გააცნო:


  • შეიქმნება 10 მლნ.-ლარიანი ფონდი, საიდანაც ყოველ ინოვაციურ პროექტზე გაიცემა გრანტი  650 000 ლარის ოდენობით;



  • უახლოეს პერიოდში საქართველოს პარლამენტს სტარტაპებთან დაკავშირებით შესაბამისი საკანონმდებლო ინიციატივა წარედგინება;



  • საგადასახადო შეღავათების დაწესება ყველა იმ კომპანიაზე, რომელიც საქართველოში რეგიონულ ოფისს გახსნის, რის შედეგადაც  ადგილობრივ  სტარტაპერებს საშუალება მიეცემათ უფრო აქტიურად ჩაებან გლობალურ ეკონომიკაში.


რამდენად შეუწყობს ხელს მთავრობის აღნიშნული ინიციატივები და რა სარგებელს მოუტანს კონკრეტულად სტარტაპერებს - ამ საკითხის გარკვევა „კომერსანტი“ თავად ახალგაზრდა ინოვატორებთან შეეცადა.


„ვაშლის ჩიფსების“ დამფუძნებელი შაკო მძინარიშვილი ახალ პროგრამას მიესალმება და გამოცხადბულ კონკურსში მონაწილეობის მიღებასაც გეგმავს.



„თანადაფინანსების ეს ახალი შემოთავაზება ზუსტად ისაა, რაც, მაგალითად, ჩვენს ბრენდს სჭირდებოდა ამ ეტაპზე. „ვაშლის ჩიფსები“ იმ ფაზაზეა, როცა უნდა განვითარდეს, პროდუქტს ახალი სახეობები დაუმატოს და სიახლე დანერგოს. შესაბამისად, უკვე ვავსებთ კიდეც განაცხადს და აუცილებლად მივიღებთ მონაწილეობას. რაც შეეხება მოლოდინებს, იმის გათვალისწინებით რომ ჩვენი პროდუქტი ნამდვილად ინოვაციურია არამარტო საქართველოში, რადგან ნედლეული ხილ-ბოსტნეული მომხმარებლამდე ყოველგვარი დანამატის გარეშე მიდის და 100 %-ით ჯანსაღია, ამიტომ ვფიქრობთ შევძლებთ მოვიპოვებთ დაფინანსებას“.


როგორც შაკო მძინარაშვილი ჩვენთან საუბარში აღნიშნავს,   საბოლოო ჯამში კარგი ჯაჭვი შეიკრა -5000 , 100 000 ლარიანი და ახლა 650 000 ლარიანი დაფინანსება. ამ გზით სტარტაპერს, რომელმაც მინიმალური დანახარჯებით შეძლო ბაზარზე თავის დამკვიდრება უჩნდება ახალი შესაძლებლობა მცირე ბიზნესი საშუალო ან მსხვილ ბიზნესად აქციოს. თუმცა ფინანსური მხარისა და სუბსიდირების გარდა, ახალგაზრდა ბიზნესმენითვის ასევე მნშვნელოვანია ჯანსაღი კონკურენტული გარემო და თანაბარი პირობები:


„ფინანსების გარდა, სტარტაპს ასევე სჭირდება საკანონმდებლო ბაზა, რაზეც ისაუბრა პრემიერმა. ამ ყველაფერთან ერთად კი მნიშვნელოვანია შეიცვალოს არსებული მიდგომები, რაც სტარტაპერთან მიმართებაში არსებობს. პირველ რიგში, გარკვეული საჟეღავათო პერიოდები ყველა დამწყებ ბიზნესმენს წაადგებოდა. აღსანიშნავია, რომ ბაზარი აუცილებლად უნდა იყოს კონკურენტული“.


ჯანსაღი კონკურენციასა და თანაბარი პირობების მნიშვნელობაზე ყურადღებას ამახვილებს ხის საათების ბრენდი DELONIX-ის დამფუძნებელიც ლევან კირცხალია. მეტიც, მისი თქმით, სუბსიდირებაზე გაცილებით მნიშვნელოვანია შესაბამისი ეკონომიკური გარემო:


„ჩენ პირადად მივიღებთ თუ არა მონაწილეობას, არ ვიცი, რადგან დაფინანსება შეეხება წმინდა ინოვაციურ პროდუქტებს, მაგრამ ეს არ არის მნიშვნელოვანი. კარგად ვიცი ბაზარზე არსებული მდგომარეობა და, რა თქმა უნდა, პრემიერის ინიციატივა მისასალმებელია. თუმცა, ნებისმიერი სტარტაპისთვის, რომელიც განვითარებაზეა ორიენტირებული, დამერწმუნეთ სუბსიდირებაზე გაცილებით მნიშვნელოვანი  შესაბამისი ეკონომიკური და სამართლებრივი გარემოა, რათა ადამიანებს ბიზნესის კეთებაში ხელი არ შეეშალოთ“,- განმარტავს ლევან კირცხალია.



შეგახსენებთ, რამდენიმე დღის წინ საქართველოს პრემიერ-მინისტრმა მამუკა ბახტაძემ „ტექნოპარკში“ ინოვაციების მიმართულებით თანადაფინანსების 650 000-ლარიანი გრანტების ახალი პროგრამის  პრეზენტაცია გამართა. გარდა დაფინანსებისა და სტარტაპერებისთვის  საკანონმდებლო ბაზის შემუშავებისა, პრემიერმა შეხვედრაზე ფინანსებზე წვდომის კუთხით არსებულ სირთულეებზეც გაამახვილა ყურადღება და აღნიშნა, რომ მთავრობა უახლოეს მომავალში წარადგენს ახალ კანონპროექტს საინვესტიციო ფონდების შესახებ, რომელშიც ე.წ ვენჩურული ფონდების მიმართულებასაც მოიცავს და გაზრდის სტარტაპერების წვდომას ე.წ ვენჩურულ კაპიტალზე.


თანადაფინანსების ახალი პროგრამა შეეხება ქართულ მიკრო, მცირე და საშუალო საწარმოებს, რომელთაც საკუთარი ინოვაციის განვითარებისა და მსოფლიო დონეზე წარდგენის პოტენციალი აქვთ, ხელს შეუწყობს, იმას, რომ ინოვაციური პროდუქტის პოზიციონირება გლობალურ ბაზარზე განახორციელონ. თანადაფინანსების ინოვაციური გრანტების პროგრამას საქართველოს ეკონომიკისა და მდგრადი განვითარების სამინისტროს ინოვაციების და ტექნოლოგიების სააგენტო მსოფლიო ბანკის მხარდაჭერით ახორციელებს.


სალომე ლემონჯავა







მასკარადი „ბენ-გურიონში“ - ქართველი არალეგალების ისრაელში შეღწევის ახალი მეთოდი

მასკარადი „ბენ-გურიონში“ - ქართველი არალეგალების ისრაელში შეღწევის ახალი მეთოდი
access_time2019-06-18 20:00:21
ისრაელის სამართალდამცველებმა გამოავლინეს ქვეყანაში ქართველი არალეგალების შეღწევის საინტერესო და ორიგინალური ხერხი  - კერძოდ, ისრაელში ჩამოსვლისთანავე არალეგალებს აცმევდნენ აეროპორტის თანამშრომლის უნიფორმებს, რის შემდეგაც ისინი მშვიდად, ყოველგვარი შემოწმების და კონტროლის გარეშე შედიოდნენ ქვეყნის ტერიტორიაზე. ამ სქემით მოქმედებდა დანაშაულებრივი ჯგუფი, რომელსაც 2017 წლიდან ქართველი არალეგალები ისრაელში შეჰყავდა. გამომძიებლების...

რომან გოცირიძე - მინისტრების განთავისუფლება შიდა ინტრიგების შედეგია - „ქართული ოცნების“ 62 მინისტრიდან 50 გაქრა

რომან გოცირიძე - მინისტრების განთავისუფლება შიდა ინტრიგების შედეგია - „ქართული ოცნების“ 62 მინისტრიდან 50 გაქრა
access_time2019-06-18 19:00:38
დღევანდელ ხელისუფლებაში საკადრო გადაწყვეტილებას ბიძინა ივანიშვილი იღებს - როდის და რა ხასიათზეა.  ეს არ არის პოლიტიკური მსჯელობის საგანი. წარმოიდგინეთ „ქართული ოცნების“ 62 მინისტრიდან 50 გაქრა. ორი მინისტრი იყო, რომელსაც ეს ცვლილება არ შეხებია 7 წლის განმავლობაში.  “უკანასკნელი მოჰიკანად“ დარჩა  თეა წულუკიანი. 7 წლის განმავლობაში  ოქროც რომ იდოს, ისიც დაჟანგდება. მინისტრების განთავისუფლება მაინც შიდა ინტრიგების შედეგია, პირადი ურთიერთობებიდან...

რატომ გვატყუებს მუდმივად ქართული ოცნება? - ნაწილი მეშვიდე

რატომ გვატყუებს მუდმივად ქართული ოცნება? - ნაწილი მეშვიდე
access_time2019-06-18 18:00:10
რატომ გვატყუებს მუდმივად “ქართული ოცნება“? - ამ რუბრიკით “კომერსანტი“  factcheck.ge-ს უკვე მეშვიდე მასალას აქვეყნებს,  რომლებიც  ფაქტ-მეტრის ანალიზს ემყარება.  კვლევა ძირითადად მმართველი გუნდის დაპირებებს და ქართული ოცნების წარმომადგენლების განცხადებებს ეხება — დასკვნა კი უმეტეს შემთხვევაში უარყოფითია.  ამჯერად გთავაზობთ ქართული ოცნების დეპუტატის დიმიტრი ხუნდაძის...

Bloomberg-ზე 1 დოლარი 2,7770 ლარად ივაჭრება

Bloomberg-ზე 1 დოლარი 2,7770 ლარად ივაჭრება
access_time2019-06-18 16:45:48
Bloomberg-ის სავაჭრო პლატფორმაზე  16:30 საათზე ერთი დოლარი 2,7770 ლარად ივაჭრებოდა. საქართველოს ეროვნული ბანკის მიერ გუშინ დადგენილი კურსით, დღეს ერთი აშშ დოლარის  1 აშშ დოლარის ოფიციალური ღირებულება 2.7559 ლარი გახდა. კურსი, რომელიც გუშინ, დღის განმავლობაში მოქმედებდა, 2.7468 ლარი იყო. შესაბამისად, დოლარის ცვლილებამ ეროვნულ ვალუტასთან მიმართებაში 0.0091 ლარი შეადგინა. ეროვნული ბანკის მიერ დღეს 17:00 სთზე გამოქვეყნებული ინფორმაციით, 1 აშშ დოლარის...

მამუკა ბახტაძე - ჯერ კიდევ საკმაოდ მაღალია მოქალაქეების მიერ ე.წ. ჯიბიდან გადახდილი თანხა, განსაკუთრებით როცა ვსაუბრობთ მედიკამენტების შეძენაზე

მამუკა ბახტაძე - ჯერ კიდევ საკმაოდ მაღალია მოქალაქეების მიერ ე.წ. ჯიბიდან გადახდილი თანხა, განსაკუთრებით როცა ვსაუბრობთ მედიკამენტების შეძენაზე
access_time2019-06-18 14:51:48
საქართველოში ჯერ კიდევ საკმაოდ მაღალია მოქალაქეების მიერ ე.წ. ჯიბიდან გადახდილი თანხა, განსაკუთრებით როცა ვსაუბრობთ მედიკამენტების შეძენაზე, - აღნიშნული განცხადება პრემიერ-მინისტრმა მამუკა ბახტაძემ ჯანდაცვის ახალი მინისტრის წარდგენისას გააკეთა. პრემიერ-მინისტრმა მიმოიხილა ჯანდაცვის რეფორმა და განსაკუთრებული აქცენტი საყოველთაო ჯანდაცვაზე გააკეთა. ბახტაძის თქმით, „ქართული ოცნების“ პირობებში ჯანდაცვის სისტემა თითოეულ ადამიანზე ორინეტირებული...


მსგავსი სიახლეები

up