სტარტაპები Microsoft-ის უფასო სერვისებით 3 წლის განმავლობაში ისარგებლებენ

სტარტაპები Microsoft-ის უფასო სერვისებით 3 წლის განმავლობაში ისარგებლებენ

person access_time2016-05-05 09:30:55

Microsoft-ის სერვისებით ამ ეტაპზე 33 ქართული სტარტაპი სარგებლობს. ამის შესახებ „კომერსანტთან" Microsoft -ის წარმომადგენლობის ხელმძღვანელმა ნიკოლოზ დობორჯგინიძემ განაცხადა. მისი თქმით, რამდენიმე დღის წინ "საქართველოს ინოვაციებისა და ტექნოლოგიების სააგენტოსა" და Microsoft -ს შორის გაფორმებული მემორანდუმი სავარაუდოდ კიდევ უფრო გაზრდის ამ რიცხვს.


მემორანდუმი ითვალისწინებს კომპანიის, როგორც პარტნიორის აქტიურ მონაწილეობას დამწყები ბისზნესმენების საქმიანობაში. სააგენტოსთან ერთად ის დაეხმარება ტექნოპარკის სტარტაპებს განვითარებაში და ხელს შეუწყობს მათ გახდნენ კონკურენტუნარიანები გლობალურ ბაზარზე.


დობორჯგინიძის განმარტებით, სტარტაპებისთვის აღნიშნული სერვისით უფასოდ სარგებლობა 3 წლის განმავლობაში მოხდება, შემდეგ კი კომპანია ჩვეულებრივად გადაიხდის პროგრამების განახლების საფასურს.



„3 წლის შემდეგ კომპანიები განვითარდებიან, ჩამოყალიბდებიან დიდ ბიზნესებად იქცევიან და ამის შემდეგ არ გაუჭირდებათ იმ თანხის გადახდა, რაც არის"-აცხადებს დობორჯგინიძე.


ტექნოპარკში საქართველოსა და Microsoft-ს ურთიერთთანამშრომლობის მემორანდუმი მიმდინარე წლის 28 აპრილს გაფორმდა. "საქართველოს ინოვაციებისა და ტექნოლოგიების სააგენტო ახორციელებს მეწარმეობის ხელშემწყობ სპეციალურ პროგრამას. კომპანია Microsoft არსებულ პროგრამაში დიდ წვლილს შეიტანს. დამწყებ ბიზნესმენებს საშუალებას მისცემს ჰქონდეთ უფრო მეტი შესაძლებლობები განავითარონ თავიანთი უნარები, განვითარდნენ პროფესიულად და ჩამოყალიბდნენ ბიზნესმენებად. მემორანდუმი, რომელიც ჩვენ გავაფორმეთ Microsoft-თან, არის ჩვენი ურთიერთობის პირველი ნაბიჯი. ვიმედოვნებთ, რომ ახალგაზრდებს მივცემთ საჭირო ცოდნას და განუვითარებთ უნარებს, რომელიც მათ დაეხმარებათ გააფართოონ IT ინდუსტრია ჩვენს ქვეყანაში" - განაცხადა მაშინ საქართველოს ინოვაციებისა და ტექნოლოგიების სააგენტოს თავმჯდომარემ ირაკლი ქაშიბაძემ.


შეგახსენებთ, რომ ბოლო თვეების განმავლობაში ქართული ბიზნესი „მაიკროსოფტის" ლიცენზირებული პროგრამების სიძვირის პრობლემაზე აქტიურად საუბრობს. საუბარია იმდენად მაღალ თანხებზე, რომ მისი გადახდა პრობლემურია არა მხოლოდ მცირე და საშუალო, არამედ დიდი ბიზნესისთვისაც.


პრობლემით „კომერსანტს" რამდენიმე კომპანიამ ჯერ კიდევ გასული წლის ბოლოს მიმართა. ისინი ხაზგასმით აღნიშნავდნენ, რომ ლიცენზირებული კომპიუტერული პროგრამების შეძენის მომხრენი არიან და აცნობიერებენ, რამდენად მნიშვნელოვანია ბიზნესისთვის ლეგალური პროდუქციის გამოყენება. თუმცა „მაიკროსოფტის" ქართული წარმომადგენლობის მხრიდან დასახელებული თანხა იმდენად მაღალია, რომ მისი ერთბაშად გადახდა ქართული კომპანიებისთვის წარმოუდგენელია. საკითხი იმდენად გამწვავდა, რომ ის მსხვილი ბიზნესის ასოციაციამ პრემიერთან შეხვედრაზეც კი დააყენა. ასოციაციის წარმომადგენლის ლაშა პაპაშვილის გათვლებით, „მაიკროსოფტის" მოთხოვნის თანახმად, უახლოეს პერიოდში საქართველოდან მილიარდი დოლარი უნდა გავიდეს, რაც ქართული ბიზნესისთვის, ლარის კურსისა და ზოგადად ეკონომიკისთვის ნეგატიურ შედეგებს მოიტანს.




„ეარ ფრანსმა“ საქართველოს მიმართულებით რეგულარული ფრენები განაახლა

„ეარ ფრანსმა“ საქართველოს მიმართულებით რეგულარული ფრენები განაახლა
access_time2020-08-09 10:06:39
ფრანგულმა ავიაკომპანია „ეარ ფრანსმა“ (Air France) საქართველოს მიმართულებით რეგულარული ფრენები განაახლა. „ტავ ჯორჯიაში“ აცხადებენ, რომ პარიზიდან თბილისში 178 მგზავრი...

მარკ ცუკერბერგი ცენტი-მილიარდერების კლუბს შეუერთდა

მარკ ცუკერბერგი ცენტი-მილიარდერების კლუბს შეუერთდა
access_time2020-08-08 19:35:02
მარკ ცუკერბერგი ცენტი-მილიარდერების კლუბს შეუერთდა, რაც იმას ნიშნავს, რომ მისმა ქონებამ $100 მილიარდი შეადგინა. ამის შესახებ...

MEI: რუსეთის სამხედრო თავდასხმამ და მისმა შედეგებმა საქართველო დასავლეთთან დაახლოებისკენ მიმავალ გზაზე ვერ დააბრკოლა

MEI: რუსეთის სამხედრო თავდასხმამ და მისმა შედეგებმა საქართველო დასავლეთთან დაახლოებისკენ მიმავალ გზაზე ვერ დააბრკოლა
access_time2020-08-08 18:00:38
„ამ კვირაში სრულდება 12 წელი რუსეთის მიერ საქართველოს ტერიტორიაზე შემოჭრის შემდეგ. მაშინ, როცა მსოფლიოს ყურადღება გადატანილი იყო პეკინის ზაფხულის ოლიმპიადაზე, ოკუპანტი ძალები: ასობით რუსული ტანკი და ჯავშანტრანსპორტიორი როკის გვირაბის გავლით მიადგა რუსეთ-საქართველოს საზღვარს“, - ამის შესახებ არაკომერციული და არაპარტიული ანალიტიკური ინსტიტუტის – „ახლო აღმოსავლეთის...

ევროპული თვალთახედვა დეზინფორმაციასთან საბრძოლველად

ევროპული თვალთახედვა დეზინფორმაციასთან საბრძოლველად
access_time2020-08-08 13:00:39
ლიეტუვას რადიოსა და ტელევიზიის კომისიის თავმჯდომარეს, ბატონ მანტას მარტისიუსს სოციალური სამართლის იურისტი ნინი შენგელია ესაუბრა. დიალოგი გაიმართა „სექტორი 3-ის, ჰაბი განვითარებისთვის“ პროექტის ფარგლებში. თემა შეეხებოდა დეზინფორმაციის საფრთხეს, ყალბ ახალ ამბებს, სოციალურ მედიაში სიძულვილის ენასა და სოციალური მედიის პლატფორმებთან მიმართებაში, როგორც ლიეტუვას, ასევე გლობალურ გამოცდილებას.რუსეთის დეზინფორმაცია ლიეტუვასა და მისი ბალტიელი მეზობლებისთვის, ესტონეთისა და ლატვიისთვის...

აშშ-ის კონტრდაზვერვის ხელმძღვანელი აცხადებს, რომ რუსეთი, ჩინეთი და ირანი 2020 წლის საპრეზიდენტო არჩევნებში ჩარევას შეეცდებიან

აშშ-ის კონტრდაზვერვის ხელმძღვანელი აცხადებს, რომ რუსეთი, ჩინეთი და ირანი 2020 წლის საპრეზიდენტო არჩევნებში ჩარევას შეეცდებიან
access_time2020-08-08 16:30:43
აშშ-ის კონტრდაზვერვის და უსაფრთხოების ეროვნული ცენტრის ხელმძღვანელის,...


მსგავსი სიახლეები

up